Храм Сошествия Святаго Духа

Категория: Светлое христово воскресение (Пасха)

Иже во святых отца нашего Иоанна, архиепископа Константинопольскаго, Златоустаго, Слово Огласительное, во святый и светоносный день преславнаго и спасительнаго Христа Бога нашего Воскресения

"Аще кто благочестив и боголюбив, да насладится сего добраго и светлаго торжества.

Аще кто раб благоразумный, да внидет, радуяся, в радость Господа своего.

Аще кто потрудися постяся, да восприимет ныне динарий.

Аще кто от перваго часа делал есть, да приимет днесь праведный долг.

Аще кто по третием часе прииде, благодаря да празднует.

Аще кто по шестом часе достиже, ничтоже да сумнится; ибо ничим отщетевается.

Аще кто лишися и девятаго часа, да приступит, ничтоже сумняся, ничтоже бояся.

Аще кто точию достиже и во единонадесятый час, да не устрашится замедления: любочестив бо Сый Владыка, приемлет последняго, якоже и перваго: упокоевает в единонадесятый час пришедшаго, якоже делавшаго от перваго часа; и последняго милует, и первому угождает, и оному дает, и сему дарствует; и дела приемлет, и намерение целует; и деяние почитает, и предложение хвалит.

Темже убо внидите вси в радость Господа своего: и первии, и втории, мзду приимите.

Богатии и убозии, друг со другом ликуйте.

Воздержницы и ленивии, день почтите.

Постившийся и не постившийся, возвеселитеся днесь.

Трапеза исполнена, насладитеся вси.

Телец упитанный, никтоже да изыдет алчай; вси насладитеся пира веры; вси восприимите богатство благости.

Никтоже да рыдает убожества: явися бо общее Царство.

Никтоже да плачет прегрешений, прощение бо от гроба возсия.

Никтоже да убоится смерти, свободи бо нас Спасова смерть.

Угаси ю, Иже от нея держимый.

Плени ада, Сошедый во ад.

Огорчи ада, вкусивша плоти его.

И сие предприемый Исаиа возопи: ад, глаголет, огорчися, срет Тя доле.

Огорчися, ибо упразднися, огорчися, ибо поруган бысть.

Огорчися, ибо умертвися.

Огорчися, ибо низложися.

Огорчися, ибо связася.

Прият тело, и Богу приразися.

Прият землю и срете небо.

Прият, еже видяше, и впаде во еже не видяше.

Где твое, смерте, жало?

Где твоя, аде, победа?

Воскресе Христос, и ты низверглся еси.

Воскресе Христос, и падоша демони.

Воскресе Христос, и радуются Ангели.

Воскресе Христос, и жизнь жительствует.

Воскресе Христос, и мертвый ни един во гробе.

Христос бо, востав от мертвых, Начаток усопших бысть.

Тому слава и держава во веки веков. Аминь".

 

Контакты

Храм Сошествия Святого Духа

+7 (843) 236-08-14


Православная гимназия имени святителя Гурия Казанского

+7 (843) 236-70-84

Проповеди

Поздравления протоиерея Алексея Чубакова с началом нового 2017/2018 учебного года

«От души желаю всем нашим гимназистам помнить историю, хранить отеческую культуру, приобщаться к ней, не забывать наших традиций – в этом будущее нашего народа, в этом будущее России»

Подробнее...

Блог православного гимназиста

Кириллов Даниил: «Настоящая семья должна быть крепкой крепостью, которая сможет отражать любые атаки»

Кириллов Даниил, 3 класс

Настоящая любовь – это самопожертвование ради ближнего и помощь ему. По-моему, в семье должна быть эта самая любовь обязательно, и без настоящей любви семья – не семья. Ведь, такая семья скоро развалится. Подобно крепости, кирпичи которой не связаны цементом. А настоящая семья должна быть крепкой крепостью, которая сможет отражать любые атаки. 

Подробнее...

Православный календарь

20 октября 2017 г. ( 7 октября ст.ст.), пятница.
Мартиниан Белозерский
Седмица 20-я по Пятидесятнице.
Пища с растительным маслом.
Мчч. Сергия (икона) и Вакха (икона). Свт. Ионы (икона), еп. Ханькоуского. Мчч. Иулиана пресвитера и Кесария диакона. Мц. Пелагии (икона) Тарсийской. Мч. Полихрония пресвитера. Прп. Сергия Послушливого, Печерского. Прп. Сергия (икона) Нуромского (Вологодского). Обретение мощей прп. Мартиниана (икона) Белоезерского. Сщмч. Николая персвитера. Иконы Божией Матери Псково-Печерской, именуемой "Умиление" (икона).
Навигация...