Московский патриархат / Татарская митрополия / Казанская епархия

Храм сошествия
Святого духа

Храм Сошествия Святаго Духа

Паремии Великой Субботы

На богослужении в субботу перед Пасхой в храмах вспоминается весь долгий путь к Воскресению, и, в частности, читаются пятнадцать паремий (то есть отрывков) из Ветхого Завета. Это не просто краткая «историческая справка», но своего рода пунктирный взгляд на историю. Выстроены паремии не в хронологическом и не в каком-то ином формальном порядке. Читая их, можно постараться понять смысл и внутреннюю логику именно такого расположения. 

Великий канон cвятого Андрея Критского, читаемый в четверг пятой седмицы Великого поста

Картинки по запросу Мариино стояние  на русском языке


Канон Андрея Критского в  четверг (среду вечером) пятой недели Великого Поста

Канон прочитывается полностью на утрене четверга (то есть накануне, в среду вечером) пятой недели поста, посвященной преподобной Марии ЕгипетскойВместе с ним на этом богослужении читается житие преподобной Марии Египетской. Эта длительная вечерняя служба в народе получила название «Мариино стояние».

Песнь 1

Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.

[Помощник и Покровитель явился мне ко спасению, Он Бог мой, и прославлю Его, Бога отца моего, и восхвалю Его, ибо Он возвеличился во славе.]

(Исх. 15:1-2)

Припев: Помилуй мя, Боже, помилуй мя.

Откуду начну плакати окаяннаго моего жития деяний? кое ли положу начало, Христе, нынешнему рыданию? но яко благоутробен, даждь ми прегрешений оставление.

[Откуда начну оплакивать окаянной моей жизни деяния? Какое начало положу, Христе, нынешнему рыданию? Но, как милосердный, даруй мне прегрешений оставление.]

Гряди, окаянная душе, с плотию твоею, Зиждителю всех исповеждься, и останися прочее преждняго безсловесия, и принеси Богу в покаянии слезы.

[Прииди, окаянная душа, с плотию твоею, создателю всех исповедайся, воздержись, наконец, от прежнего неразумия и принеси Богу в покаянии слезы.]

Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.

[Первозданному Адаму в преступлении поревновав, познал я себя отчужденным от Бога, от вечного Царства и блаженства, грехов ради моих.]

(Быт. 3:6-7)

Увы мне, окаянная душе, что уподобилася еси первей Еве, видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.

[Увы, несчастная душа моя, для чего уподобилась ты первозданной Еве? Ибо видела ты зло и уязвилась ты горько, прикоснулась ты к древу и вкусила ты дерзостно пагубной пищи.]

(Быт. 3:6)

Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения.

[Вместо чувственной Евы восстала во мне Ева мысленная, во плоти страстный помысл, показующий сладкое, и при вкушении всегда напаяющий горечью.]

Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса?

[Достойно изгнан был из Едема Адам, как не сохранивший одну твою заповедь, о Спаситель; я же что должен буду претерпеть, отметая всегда Твои животворные слова.]

(Быт. 3:23)

Каиново прешед убийство, произволением бых убийца совести душевней, оживив плоть и воевав на ню лукавыми моими деяньми.

[Каиново превзошед убийство, произволением соделался я убийцею совести душевной, оставил живою плоть, и вооружился против нее моими злыми делами.]

(Быт. 4:8)

Авелеве, Иисусе, не уподобихся правде, дара Тебе приятна не принесох когда, ни деяния божественна, ни жертвы чистыя, ни жития непорочнаго.

[Авелю, Иисусе, я не уподобился в праведности; дара приятного не принес Тебе никогда, ни дел Богоугодных, ни жертвы чистой, ни жизни непорочной.]

(Быт. 4:3-4)

Яко Каин и мы, душе окаянная, всех Содетелю деяния скверная, и жертву порочную, и непотребное житие принесохом вкупе: темже и осудихомся.

[Как Каин, и мы, душа окаянная, принесли Создателю всех жертву порочную — дела нечистыя и жизнь непотребную; посему и подверглись осуждению.]

(Быт. 4:3-5)

Брение Здатель живосоздав, вложил еси мне плоть, и кости, и дыхание, и жизнь; но, о Творче мой, Избавителю мой и Судие, кающася приими мя.

[Брение Создатель оживотворив, Ты даровал мне плоть и кости, и дыхание, и жизнь; но Творец мой, Избавитель мой и Судия, кающагося приими меня.]

(Быт. 2:7)

Извещаю Ти, Спасе, грехи, яже содеях, и души и тела моего язвы, яже внутрь убийственнии помыслы разбойнически на мя возложиша.

[Пред Тобою, Спаситель, открываю грехи, которые я сотворил, и язвы души и тела моего, которые внутренние убийственные помыслы злодейственно нанесли мне. ]

(Лк. 10:30)

Аще и согреших, Спасе, но вем, яко Человеколюбец еси, наказуеши милостивно и милосердствуеши тепле: слезяща зриши и притекаеши, яко отец, призывая блуднаго.

[Согрешил я, Спаситель, но знаю, что Ты человеколюбив, наказуешь с состраданием и милуешь с пламенною любовию, взираешь на плачущаго и поспешаешь, как Отец, воззвать /сына/ блуднаго.]

(Быт. 15:20)

Повержена мя, Спасе, пред враты Твоими, поне на старость не отрини мене во ад тща, но прежде конца, яко Человеколюбец, даждь ми прегрешений оставление.

[Поверженнаго меня, Спасителю, пред вратами Твоими, хотя в старости не низринь во ад меня, непотребного; но прежде конца, как Человеколюбец, даруй мне прегрешений оставление.]

В разбойники впадый аз есмь помышленьми моими, весь от них уязвихся ныне и исполнихся ран, но, Сам ми представ, Христе Спасе, исцели.

[В руки разбойников впал я помыслами моими, ныне весь изъязвлен и исполнен ран, но Ты Сам мне представ, Христе Спасителю, исцели.]

(Быт. 10:30)

Священник, мя предвидев, мимо иде, и левит, видя в лютых нага, презре, но, из Марии возсиявый, Иисусе, Ты, представ, ущедри мя.

[Священник, увидев меня, мимо прошел; и левит, видя страждущаго и нага, презрел; но от Марии воссиявший Иисусе, Ты, представ, умилосердись надо мной.]

(Лк. 10:31-32)

Агнче Божий, вземляй грехи всех, возьми бремя от мене тяжкое греховное и, яко благоутробен, даждь ми слезы умиления.

[Агнче Божий, вземлющий грехи всех, возьми от меня бремя тяжкое греховное и, как милосердный, дай мне слезы умиления.]

(Ин. 1:29)

Покаяния время, прихожду Ти, Создателю моему: возьми бремя от мене тяжкое греховное и, яко благоутробен, даждь ми слезы умиления.

[Покаяния время, прихожу к тебе, Создателю моему, возьми от меня бремя тяжкое греховное и, как милосердный, дай мне слезы умиления.]

Не возгнушайся мене, Спасе, не отрини от Твоего лица, возьми бремя от мене тяжкое греховное и, яко благоутробен, даждь мне грехопадений оставление.

[Не возгнушайся меня, о Спаситель, не отринь от Твоего лица, возьми от меня бремя тяжкое греховное и, как милосердный, дай мне прощение согрешений.]

Вольная, Спасе, и невольная прегрешения моя, явленная и сокровенная и ведомая и неведомая, вся простив, яко Бог, очисти и спаси мя.

[Вольные и невольные согрешения мои, о Спаситель, и сокровенные, знаемые и незнаемые, все простив, как Бог, очисти и спаси меня.]

От юности, Христе, заповеди Твоя преступих, всестрастно небрегий, унынием преидох житие. Темже зову Ти, Спасе: поне на конец спаси мя.

[От юности, о Спаситель, заповеди Твои преступил; вся жизнь прошла небрежно в страстях и унынии; посему взываю к Тебе, Спасителю: хотя при конце, спаси меня.]

Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты мя ущедри.

[Богатство мое, о Спаситель, расточив в распутстве, пуст я плодов благочестия, голодный взываю, Отче щедрый, Ты предвари меня и умилосердись.]

(Лк. 15:11-14Лк. 15:17-18)

Тебе припадаю, Иисусе, согреших Ти, очисти мя, возьми бремя от мене тяжкое греховное и, яко благоутробен, даждь ми слезы умиления.

[Тебе припадаю, Иисусе; согрешил Тебе, очисти меня; возьми от меня бремя тяжкое греховное и, как милосердный, даруй мне слезы умиления.]

Не вниди со мною в суд, нося моя деяния, словеса изыскуя и исправляя стремления. Но в щедротах Твоих презирая моя лютая, спаси мя, Всесильне.

[Не войди со мною в суд, принося мои деяния, исследуя слова и обличая стремления; но по щедротам Твоим, презирая мое злое, спаси меня, Всесильный.]

Иный канон преподобныя матере нашея Марии Египетския, глас 6:

Припев: Преподобная мати Марие, моли Бога о нас.

Ты ми даждь светозарную благодать от Божественнаго свыше промышления избежати страстей омрачения и пети усердно твоего, Марие, жития красная исправления.

[Ты мне даруй светозарную благодать от Божественного свыше промышления избежать страстей омрачения и воспевать усердно твоей, Марие, жизни прекрасные подвиги.]

Преподобная мати Марие, моли Бога о нас.

Приклоньшися Христовым Божественным законом, к сему приступила еси, сладостей неудержимая стремления оставивши, и всякую добродетель всеблагоговейно, яко едину, исправила еси.

[Преклонившись Божественным законам Христа, к этому ты приступила, сладострастия неудержимые стремления оставив, и всякую добродетель как одну исполнила ты.]

Припев: Преподобне отче Андрее, моли Бога о нас.

Молитвами твоими нас, Андрее, избави страстей безчестных и Царствия ныне Христова общники верою и любовию воспевающия тя, славне, покажи, молимся.

[Молитвами твоими, Андрее, от бесчисленных страстей избави, и Царствия Христова общники покажи, верою и любовию воспевающих тебя, славне, молимся.]

Слава, Троичен: Пресущественная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.

[Пресущественная Троица во Единице Покланяемая, возьми от меня бремя тяжкое греховное и, как Милосердная, даруй мне слезы умиления.]

И ныне, Богородичен: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.

[Богородице, Надеждо и Предстательство Тебя воспевающих, возьми от меня бремя тяжкое греховное и, как Владычица Чистая, кающагося приими меня.]

Песнь 2

Ирмос: Вонми, Небо, и возглаголю, и воспою Христа, от Девы плотию пришедшаго.

[Внемли, небо, я буду возвещать и воспевать Христа, пришедшего во плоти от Девы.]

(Втор. 32:1)

Вонми, Небо, и возглаголю, земле, внушай глас, кающийся к Богу и воспевающий Его.

[Внемли, небо, и возвещу: земля, слушай голос, кающийся Богу и воспевающий Его.]

Вонми ми, Боже, Спасе мой, милостивным Твоим оком и приими мое теплое исповедание.

[Внемли мне, Боже Спасителю мой, милостивым Твоим оком, и прими мое пламенное исповедание.]

Согреших паче всех человек, един согреших Тебе; но ущедри, яко Бог, Спасе, творение Твое.

[Согрешил я более всех людей, один я согрешил пред тобою; но как Бог, о Спаситель, помилуй создание Твое.]

(1 Тим. 1:15)

Буря мя злых обдержит, благоутробне Господи; но яко Петру и мне руку простри.

[Буря зол окружает меня, милосердный Господи, но, как Петру, и мне руку простри.]

(Мф. 14:31)

Слезы блудницы, Щедре, и аз предлагаю, очисти мя, Спасе, благоутробием Твоим.

[Слезы блудницы, Щедрый, и я приношу, помилуй меня, о Спаситель, снисхождением Твоим.]

(Лк. 7:37-38)

Омрачих душевную красоту страстей сластьми и всячески весь ум персть сотворих.

[Помрачил я красоту души страстными удовольствиями, и всячески весь ум прах сотворил.]

Раздрах ныне одежду мою первую, юже ми изтка Зиждитель из начала, и оттуду лежу наг.

[Раздрал я одежду мою первую, которую в начале изткал мне Создатель, и оттого лежу наг.]

Облекохся в раздранную ризу, юже изтка ми змий советом, и стыждуся.

[Облеклся я в раздранную ризу, которую исткал мне змий коварством, и стыжуся. ]

(Быт. 3:7)

Воззрех на садовную красоту и прельстихся умом: и оттуду лежу наг и срамляюся.

[Воззрел я на красоту сада, и прельстился умом; оттого лежу наг и стыжуся.]

Делаша на хребте моем вси начальницы страстей, продолжающе на мя беззаконие их.

[На хребте моем делали все виновники страстей, умножая против меня беззакония свои.]

(Пс. 128:3)

Погубих первозданную доброту и благолепие мое и ныне лежу наг и стыждуся.

[Погубил я первозданную красоту и благообразие мое, и ныне лежу наг и стыжуся.]

Сшиваше кожныя ризы грех мне, обнаживый мя первыя боготканныя одежды.

[Сшивал кожаные ризы грех мне, обнажив меня первой Боготканной одежды.]

(Быт. 3:11Быт. 3:21)

Обложен есмь одеянием студа, якоже листвием смоковным, во обличение моих самовластных страстей.

[Облекся я одеянием стыда, как листьями смоковницы, в обличение моих самовластных страстей.]

(Быт. 3:7)

Одеяхся в срамную ризу и окровавленную студно течением страстнаго и любосластнаго живота.

[Оделся я в срамную ризу, окровавленную нечистотою страстной и сластолюбивой жизни.]

Оскверних плоти моея ризу и окалях еже по образу, Спасе, и по подобию.

[Осквернил я одежду плоти моей и осквернил в себе, о Спаситель, Твой образ и подобие.]

(Быт. 3:21)

Впадох в страстную пагубу и в вещественную тлю, и оттоле до ныне враг мне досаждает.

[Впал я в пагубу страстей и вещественное тление, и оттого ныне враг меня угнетает.]

Любовещное и любоименное житие, невоздержанием, Спасе, предпочет ныне, тяжким бременем обложен есмь.

[Предпочел я жизнь привязанную к /земным/ вещам и любостяжательную, ныне тяжкое бремя лежит на мне.]

Украсих плотский образ скверных помышлений различным обложением и осуждаюся.

[Украсил я образ плоти разноцветным одеянием скверных помыслов и подвергаюсь осуждению.]

Внешним прилежно благоукрашением единем попекохся, внутреннюю презрев Богообразную скинию.

(Исх. 25:8-9)

[Усердно я озаботился одним внешним благоукрашением, пренебрег внутреннюю по образу Божию устроенную скинию.]

Вообразив моих страстей безобразие, любосластными стремленьми погубих ума красоту.

[Вообразив моих страстей безобразие, любострастными стремлениями исказил я ума красоту.]

Погребох перваго образа доброту, Спасе, страстьми, юже, яко иногда драхму, взыскав, обрящи.

[Погребенна красота первообраза страстями, но, о Спаситель, как некогда драхму взыщи и найди её.]

(Лк. 15:8)

Согреших, якоже блудница, вопию Ти: един согреших Тебе; яко миро, приими, Спасе, и моя слезы.

[Согрешил, как блудница взываю к Тебе, один согрешил пред тобою; приими, о Спаситель, вместо мира и мои слезы.]

(Лк. 7:37-38)

Поползохся, яко Давид, блудно и осквернихся, но омый и мене, Спасе, слезами.

[Пал, как Давид, блудно и осквернился; но омой и меня, о Спаситель, слезами. ]

(2 Цар. 11:4)

Очисти, якоже мытарь, вопию Ти, Спасе, очисти мя: никтоже бо сущих из Адама, якоже аз, согреших Тебе.

[Очисти, как мытарь взываю к тебе, о Спаситель, очисти меня, ибо никто из происходящих из Адама, как я, не согрешил пред тобою.]

(Лк. 18:13)

Ни слез, ниже покаяния имам, ниже умиления. Сам ми сия, Спасе, яко Бог, даруй.

[Ни слез, ни покаяния не имею, ни умиления, Сам мне их, о Спаситель, как Бог, даруй.]

Дверь Твою не затвори мне тогда, Господи, Господи, но отверзи ми сию, кающемуся Тебе.

[Дверь Твою не затвори предо мною в то время, Господи, Господи; но отверзи ее мне, кающемуся Тебе.]

(Мф. 7:21-23, Мф. 25:10-12)

Человеколюбче, хотяй всем спастися, Ты воззови мя и приими, яко благ, кающагося.

[О, Человеколюбец, хотящий всем спастися, Ты воззови меня и приими, как Благий, кающагося.]

(1 Тим. 2:4)

Внуши воздыхания души моея и очию моею приими капли, Спасе, и спаси мя.

[Внемли воздыханиям души моей, и очей моих приими слезы, о Спаситель, и спаси меня.]

Припев: Пресвятая Богородице, спаси нас.

Пречистая Богородице Дево, Едина Всепетая, моли прилежно, во еже спастися нам.

[Пречистая Богородица Дева, Едина Всепетая, моли усердно, чтобы спастись нам.]

Иный Ирмос: Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.

[Видите, видите, что Я – Бог, в древности ниспославший манну и источивший воду из камня народу Моему в пустыне – одним Своим всемогуществом.]

Видите, видите, яко Аз есмь Бог, внушай, душе моя, Господа вопиюща, и удалися прежняго греха, и бойся, яко неумытнаго и яко Судии и Бога.

Исх. 16:14Исх. 17:6

[Видите, видите, что Я – Бог. Внимай, душа моя, взывающему Господу, оставь прежний грех и убойся как праведного Судию и Бога.]

Кому уподобилася еси, многогрешная душе? токмо первому Каину и Ламеху оному, каменовавшая тело злодействы и убившая ум безсловесными стремленьми.

[Кому уподобилась ты, многогрешная душа, только первому Каину и Ламеху тому, как камнями поразившая тело злодеяниями, и убившая ум безрассудными стремлениями?]

(Быт. 4, 1-26)

Вся прежде закона претекши, о душе, Сифу не уподобилася еси, ни Еноса подражала еси, ни Еноха преложением, ни Ноя, но явилася еси убога праведных жизни.

[Всем, жившим прежде закона, о душа, ты не уподобилась Сифу, не подражала Еносу, ни Еноху, преселением /к Богу/, ни Ною, но явилась чуждой жизни праведных.]

(Быт. 5, 1-32)

Едина отверзла еси хляби гнева Бога Твоего, душе моя, и потопила еси всю, якоже землю, плоть, и деяния, и житие, и пребыла еси вне спасительнаго ковчега.

[Одна ты отверзла бездны гнева твоего, душа моя, и потопила ты всю, как землю, плоть и деяния и жизнь, и пребыла ты вне спасительного ковчега.]

(Быт. 7, 1-24)

Мужа убих, глаголет, в язву мне и юношу в струп, Ламех рыдая вопияше; ты же не трепещеши, о душе моя, окалявши плоть и ум осквернивши.

[Мужа убил я, говорит, в язву себе, и юношу — в струп, Ламех, рыдая, восклицал; ты же не трепещешь, душа моя, помрачивши тело и ум осквернивши.]

(Быт. 4:23)

О како поревновах Ламеху, первому убийце, душу, яко мужа, ум, яко юношу, яко брата же моего, тело убив, яко Каинубийца, любосластными стремленьми.

[О как подражал я Ламеху, древнему убийце, душу как мужа, ум как юношу, как брата, тело мое убил, как Каин убийца, сластолюбивыми стремлениями!]

(Быт. 4:8)

Столп умудрила еси создати, о душе, и утверждение водрузити твоими похотьми, аще не бы Зиждитель удержал советы твоя и низвергл на землю ухищрения твоя.

[Столп умыслила ты, о душа, создать и твердыню водрузить твоими вожделениями; если бы Творец не обуздал замышления твои и поверг на землю ухищрения твои.]

(Быт. 11:3-4)

Уязвихся, уранихся, се стрелы вражия, уязвившия мою душу и тело; се струпи, гноения, омрачения вопиют, раны самовольных моих страстей.

[Изъязвлен, изранен; вот стрелы вражии, пронзившие мою душу и тело; вот струпы, гноения и язвы, о душа, взывают раны самовольных моих страстей.]

Одожди Господь от Господа огнь иногда на беззаконие гневающее, сожег содомляны; ты же огнь вжегла еси геенский, в немже имаши, о душе, сожещися.

[От Господа одождил Господь некогда огнь на беззаконие, влекущее гнев, сжег содомлян; ты же огонь зажгла геенский, в котором будешь сожигаться.]

(Быт. 19:24)

Разумейте и видите, яко Аз есмь Бог, испытаяй сердца и умучаяй мысли, обличаяй деяния, и попаляяй грехи, и судяй сиру, и смирену, и нищу

[Разумейте и видите, ибо Я — Бог, испытающий сердца, и умучаяй мысли, обличаяй деяния, и попаляяй грехи, и судяй сиру, и смиренному, и нищему.]

Преподобная мати Марие, моли Бога о нас.

Простерла еси руце твои к щедрому Богу, Марие, в бездне зол погружаемая, и якоже Петру человеколюбно руку Божественную простре твое обращение всячески Иский.

[Простерла ты руки твои к щедрому Богу, Мария. В бездне зол погружаемая, и, как Петру, человеколюбиво Он простер Божественную руку, всячески ищущий твое обращение.]

(Мф. 14:30-31)

Преподобная мати Марие, моли Бога о нас.

Всем усердием и любовию притекла еси Христу, первый греха путь отвращши, и в пустынях непроходимых питающися, и Того чисте совершающи Божественныя заповеди.

[Всем усердием и любовию прибегла ты ко Христу, прежнего пути греховного отвратившись, в пустынях непроходимых пребывая, в чистоте совершая Его Божественные заповеди.]

Преподобне отче Андрее, моли Бога о нас.

Видим, видим человеколюбие, о душе, Бога и Владыки; сего ради прежде конца тому со слезами припадем вопиюще: Андрея молитвами, Спасе, помилуй нас.

[Видим, видим человеколюбие, о душе, Бога и Владыки: сего ради прежде конца, Тому со слезами припадем вопиюще: Андреа молитвами, Спасе, помилуй нас.]

Слава, Троичен: Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави мя огненнаго осуждения.

[Безначальная Несозданная Троица, Нераздельная Единица, кающагося меня приими, согрешившаго спаси, Твое я создание, не презри, но пощади и избавь меня огненного осуждения.]

И ныне, Богородичен: Пречистая Владычице, Богородительнице, Надеждо к Тебе притекающих и пристанище сущих в бури, Милостиваго и Создателя и Сына Твоего умилостиви и мне молитвами Твоими

[Пречистая Владычица Богородительница, Надежда к Тебе прибегающих и пристанище обуреваемых, Милостиваго и Создателя и Сына Твоего преклони на милость и ко мне молитвами Твоими.]

Песнь 3

Ирмос: На недвижимом, Христе, камени заповедей Твоих утверди мое помышление.

[На неподвижном камне заповедей Твоих, Христе, утверди мое помышление.]

(1 Цар. 2:1)

Огнь от Господа иногда Господь одождив, землю содомскую прежде попали.

[Когда огнь от Господа Господь одождил, попалил некогда землю содомскую.]

(Быт. 19:24)

На горе спасайся, душе, якоже Лот оный, и в Сигор угонзай.

[На горе спасайся, душа, как Лот, и устремляйся в Сигор.]

(Быт. 19:22-23)

Бегай запаления, о душе, бегай содомскаго горения, бегай тления Божественнаго пламене.

[Беги, душа, от горения; беги от горящего Содома, беги от погубляющего божественнаго пламени.]

Исповедаюся Тебе, Спасе, согреших, согреших Ти, но ослаби, остави ми, яко благоутробен.

[Исповедаюсь тебе, о Спаситель: согрешил я, согрешил пред Тобою; но разреши и прости меня, как милосердный.]

Согреших Тебе един аз, согреших паче всех, Христе Спасе, да не презриши мене.

[Согрешил я один пред Тобою, согрешил более всех, о Христос Спаситель, не презри меня.]

Ты еси Пастырь добрый, взыщи мене, агнца, и заблуждшаго да не презриши мене.

[Ты — Пастырь добрый; найди меня, агнца, и заблудившагося не презри меня.]

(Ин. 10:11-14)

Ты еси сладкий Иисусе, Ты еси Создателю мой, в Тебе, Спасе, оправдаюся.

[Ты — вожделенный Иисус; Ты — Создатель мой; Тобою, о Спаситель, оправдаюся.]

Слава, Троичен: О Троице Единице Боже, спаси нас от прелести, и искушений, и обстояний.

[О Троица, Единица, Боже! Спаси нас от обольщения, от искушений и опасностей.]

И ныне, Богородичен: Радуйся, Богоприятная утробо, радуйся, престоле Господень, радуйся, Мати Жизни нашея.

[Радуйся, Бога вместившее чрево; радуйся, престол Господень; радуйся, Матерь Жизни нашей.]

Иный Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.

Источник живота стяжах Тебе, смерти Низложителя, и вопию Ти от сердца моего прежде конца: согреших, очисти, спаси мя.

[Источник жизни и Разрушитель смерти обрел я Тебя, и взываю к Тебе от сердца прежде кончины моей: согрешил я, очисти и спаси меня.]

При Нои, Спасе, блудствовавшия подражах, онех наследствовав осуждение в потопе погружения.

[Блудствовавшим при Ноея подражал, о Спаситель, и наследовал осуждение их — утопление в потопе.]

(Быт. 6:1-17)

Согреших, Господи, согреших Тебе, очисти мя: несть бо иже кто согреши в человецех, егоже не превзыдох прегрешеньми.

[Согрешил я, Господи, согрешил пред Тобою, очисти меня, ибо никто не согрешил среди человеков, которого бы я не превзошел прегрешениями.]

Хама онаго, душе, отцеубийца подражавши, срама не покрыла еси искренняго, вспять зря возвратившися.

[Хаму тому подражая отцеубийце, душа, не прикрыла ты срамоты ближнего, с лицем обращенным назад.]

(Быт. 9:22-23)

Благословения Симоване наследовала еси, душе окаянная, ни пространное одержание, якоже Иафеф, имела еси на земли оставления.

[Благословения Симова не наследовала ты, душа окаянная, и пространное владение, подобно Иафету, не имела ты на земле успокоения.]

(Быт. 9:26-27)

От земли Харран изыди от греха, душе моя, гряди в землю, точащую присноживотное нетление, еже Авраам наследствова.

[От земли Харран удались — от греха, душа моя; иди в землю, источающую вечножизненное нетление, которое Авраам наследовал.]

(Быт. 12:1-7)

Авраама слышала еси, душе моя, древле оставльша землю отечества и бывша пришельца, сего произволению подражай.

[Авраама слышала ты, душа моя, в древности оставившего землю отеческую и бывшего пришельцем; подражай решимости его.]

(Быт. 12:1-7)

У дуба Мамврийскаго учредив патриарх ангелы, наследствова по старости обетования ловитву.

[У дуба мамврийского патриарх, угостив ангелов, на старости наследовал исполнение обетования.]

(Быт. 18:1-5)

Исаака, окаянная душе моя, разумевши новую жертву, тайно всесожженную Господеви, подражай его произволению.

[Исаака, окаянная душа моя, разумела как новую жертву, таинственно всесожженную Господу, подражай его решимости.]

(Быт. 22:2)

Исмаила слышала еси, трезвися, душе моя, изгнана, яко рабынино отрождение, виждь, да не како подобно что постраждеши, ласкосердствующи.

[Измаила слышала ты, душа моя, изгнанного как рабынино порождение, смотри, да и ты не потерпишь что-либо подобное за сладострастие.]

(Быт. 21:10-11)

Агаре древле, душе, египтяныне уподобилася еси, поработившися произволением и рождши новаго Исмаила, презорство.

[Агари древней, душа, египтянке уподобилась ты, поработившись добровольно и родивши новаго Измаила — дерзость.]

(Быт. 16:16)

Иаковлю лествицу разумела еси, душе моя, являемую от земли к Небесем: почто не имела еси восхода тверда, благочестия.

[Иакова лестницу разумела ты, душа моя, показуемую от земли до небес, почто не имела ты восхода твердого благочестия?]

(Быт. 28:12)

Священника Божия и царя уединена, Христово подобие в мире жития, в человецех подражай.

[Священнику Божию и царю уединенному, Христову подобию, в мире жизни в людях подражай.]

(Быт. 14:18, Евр. 7:1-3)

Не буди столп сланый, душе, возвратившися вспять, образ да устрашит тя содомский, горе в Сигор спасайся.

[Не будь столпом соляным, душа, обратившись назад, пример да устрашит тебя содомлян, на горе в Сигор спасайся.]

(Быт. 19:19-23, Быт. 19:26)

Запаления, якоже Лот, бегай, душе моя, греха, бегай Содомы и Гоморры, бегай пламене всякаго безсловеснаго желания.

[От пламени греха убегай, душа моя, как Лот, убегай от Содома и Гоморры, беги от огня всякаго безрассудного желания.]

(Быт. 19:15-17)

Помилуй, Господи, помилуй мя, вопию Ти, егда приидеши со ангелы Твоими воздати всем по достоянию деяний.

[Помилуй, Господи, помилуй меня, взываю к Тебе, когда придешь со ангелами своими воздать всем по достоинству дел их.]

Моления, Владыко, Тебе поющих не отвержи, но ущедри, Человеколюбче, и подаждь верою просящим оставление.

[Моления, Владыка, Тебя воспевающих не отвергни; но будь щедрым, Человеколюбче, и даруй просящим с верою оставление.]

Преподобная мати Марие, моли Бога о нас.

Содержим есмь бурею и треволнением согрешений, но сама мя, мати, ныне спаси и к пристанищу Божественнаго покаяния возведи.

[Одержим я бурею и треволнением согрешений, но сама меня, матерь, ныне спаси и к пристанищу Божественного покаяния приведи.]

Преподобная мати Марие, моли Бога о нас.

Рабское моление и ныне, преподобная, принесши ко благоутробней молитвами твоими Богородице, отверзи ми Божественныя входы.

[Усердное моление и ныне, преподобная, принесши к милосердной Богородице, и твоими молитвами отверзи мне божественные входы.]

Преподобне отче Андрее, моли Бога о нас.

Твоими молитвами даруй и мне оставление долгов, о Андрее, Критский председателю, покаяния бо ты таинник преизрядный.

[Твоими молитвами даруй и мне оставление долгов, о Андрее, критский председателю, ибо покаяния ты таинник преизрядный.]

Слава, Троичен: Троице Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.

[Троица Простая, Несозданная, Существо Безначальное, в троичности Лиц воспеваемое, спаси нас с верою покланяющихся Державе Твоей.]

И ныне, Богородичен: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.

[От Отца безлетна Сына, в лето Богородительнице неискусомужно Ты родила, странное чудо, пребывши Девой, млеком питающей.]

Катавасия: Утверди, Господи, на камени заповедей Твоих подвигшееся сердце мое, яко Един Свят еси и Господь.

Седален, господина Иосифа, глас 8:

Подобен: Воскресл еси от гроба:

Светила богозрачная, Спасовы апостоли, просветите нас во тьме жития, яко да во дни ныне благообразно ходим, светом воздержания нощных страстей отбегающе, и светлыя страсти Христовы узрим, радующеся.

[Светила богозрачная, Спасовы апостоли, просветите нас во тьме жития, яко да во дни ныне благообразно ходим, светом воздержания нощных страстей отбегающе, и светлыя страсти Христовы узрим радующеся.]

(Рим. 12:13)

Слава, другий седален, глас той же:

Апостольская двоенадесятице Богоизбранная, мольбу Христу ныне принеси, постное поприще всем прейти, совершающим во умилении молитвы, творящим усердно добродетели, яко да сице предварим видети Христа Бога славное Воскресение, славу и хвалу приносяще.

[Апостольская двоенадесятице богоизбранная, мольбу Христу ныне принеси, постное поприще всем прейти, совершающим во умилении молитвы, творящим усердно добродетели: яко да сице предварим видети Христа Бога славное воскресение, славу и хвалу приносяще.]

И ныне, Богородичен:

Непостижимаго Бога, Сына и Слово, несказанно паче ума из Тебе рождшееся, моли, Богородице, со апостолы, мир вселенней чистый подати, и согрешений дати нам прежде конца прощение, и Царствия Небеснаго крайния ради благости сподобити рабы Твоя.

[Непостижимаго Бога, Сына и Слово, несказанно паче ума из Тебе рождшееся, моли Богородице со апостолы, мир вселенней чистый подати, и согрешений дати нам прежде конца прощение, и Царствия Небеснаго крайния ради благости сподобити рабы Твоя.]

Песнь 4

Трипеснец, без поклонов, глас 8

Ирмос: Услышах, Господи, смотрения Твоего таинство, разумех дела Твоя и прославих Твое Божество.

[Услышал пророк о пришествии Твоем, Господи, и устрашился, что Тебе угодно родиться от Девы и явиться людям, и сказал: услышал я весть о Тебе и устрашился; слава силе Твоей, Господи.]

(Авв. 3:1, 3)

Святии апостоли, молите Бога о нас.

Воздержанием поживше, просвещеннии Христовы апостоли, воздержания время нам ходатайствы Божественными утишают.

Святии апостоли, молите Бога о нас.

Двоенадесятострунный орган песнь воспе спасительную, учеников лик Божественный, лукавая возмущая гласования.

Святии апостоли, молите Бога о нас.

Одождением духовным всю подсолнечную напоисте, сушу отгнавше многобожия, всеблаженнии.

Пресвятая Богородице, спаси нас.

Смирившася спаси мя, высокомудренно пожившаго, рождшая Вознесшаго смиренное естество, Дево Всечистая.

Иный Ирмос, глас той же: Услышах, Господи, смотрения Твоего таинство, разумех дела Твоя и прославих Твое Божество.

Святии апостоли, молите Бога о нас.

Апостольское всечестное ликостояние, Зиждителя всех молящее, проси помиловати ны, восхваляющия тя.

Святии апостоли, молите Бога о нас.

Яко делателе суще, Христовы апостоли, во всем мире Божественным словом возделавшии, приносите плоды Ему всегда.

Святии апостоли, молите Бога о нас.

Виноград бысте Христов воистинну возлюбленный, вино бо духовное источисте миру, апостоли.

Пресвятая Троице, Боже наш, слава Тебе.

Преначальная, Сообразная, Всесильнейшая Троице Святая, Отче, Слове и Душе Святый, Боже, Свете и Животе, сохрани стадо Твое.

Пресвятая Богородице, спаси нас.

Радуйся, престоле огнезрачный, радуйся, светильниче свещеносный, радуйся, горо освящения, ковчеже Жизни, святых святая сене.

Великаго канона Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

[Услышал пророк о пришествии Твоем, Господи, и устрашился, что Тебе угодно родиться от Девы и явиться людям, и сказал: услышал я весть о Тебе и устрашился; слава силе Твоей, Господи.]

(Авв. 3:1-3)

Дел Твоих да не презриши, создания Твоего да не оставиши, Правосуде. Аще и един согреших, яко человек, паче всякаго человека, Человеколюбче; но имаши, яко Господь всех, власть оставляти грехи.

[Дел Твоих не презри, создания Твоего не оставь, Судие праведный, ибо если я один согрешил, как человек, более всякаго человека, но Ты, Человеколюбче, как Господь всех, имеешь власть отпускать грехи.]

(Мф. 9:6, Мк. 2:10-11)

Приближается, душе, конец, приближается, и нерадиши, ни готовишися, время сокращается: востани, близ при дверех Судия есть. Яко соние, яко цвет, время жития течет: что всуе мятемся?

[Приближается конец, душа, приближается, и не заботишься, не готовишься, время сокращается, востань, близ при дверях Судия; как сновидение, как цветок, время жизни течет; что мы суетимся напрасно?]

(Мф. 24:33, Мк. 13:29Лк. 21:31)

Воспряни, о душе моя, деяния твоя, яже соделала еси, помышляй, и сия пред лице твое принеси, и капли испусти слез твоих; рцы со дерзновением деяния и помышления Христу и оправдайся.

[Пробудись, о душа моя, помышляй о делах твоих, которые сделала ты, представь их пред лицем твоим и пролей капли слез твоих, поведай с дерзновением дела и помышления Христу и оправдайся.]

Не бысть в житии греха, ни деяния, ни злобы, еяже аз, Спасе, не согреших, умом, и словом, и произволением, и предложением, и мыслию, и деянием согрешив, яко ин никтоже когда.

[В жизни нет ни греха, ни деяния, ни злобы, которыми не погрешил я, о Спаситель, умом и словом, и желанием согрешив, и намерением, и мыслию, и делом, как никто другой никогда.]

Отсюду осужден бых, отсюду и препрен бых аз, окаянный, от своея совести, еяже ничтоже в мире нужнейше: Судие, Избавителю мой и Ведче, пощади, и избави, и спаси мя, раба Твоего.

[Потому и осужден я, потому и побежден я собственною совестию, окаянный, которой строже в мире нет ничего; Судия и Избавитель мой всеведущий, пощади, избавь и спаси меня раба Твоего.]

Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия: аще хощеши убо деянием, и разумом, и зрением пожити, обновися.

[Лествица, которую в древности видел великий в патриархах, изображает восхождение делами, представляет возвышение разумом. Душа моя, хочешь ли жить деянием, разумением и созерцанием, обновися.]

(Быт. 28:12)

Зной дневный претерпе лишения ради патриарх и мраз нощный понесе, на всяк день снабдения творя, пасый, труждаяйся, работаяй, да две жене сочетает.

[Зной дневной претерпел по нужде патриарх, перенес и холод ночной, ежедневно укрываясь, пасущий стадо, труждаясь и работая, да две жены сочетает. ]

(Быт. 31:7, Быт. 31:40Быт. 29:18-27)

Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов ни деяние, ни зрение, душе, исправится.

[Жены мне две разумей деяние и разумение в созерцании: Лию, деяние как многочадную, Рахиль же — разумение, как многотрудную, ибо без трудов ни деяние, ни созерцание, душа, не совершатся.]

Бди, о душе моя, изрядствуй, якоже древле великий в патриарсех, да стяжеши деяние с разумом, да будеши ум, зряй Бога, и достигнеши незаходящий мрак в видении, и будеши великий купец.

[Бодрствуй, душа моя; будь мужественна, как великий из патриархов, приобретая себе деяние с разумением, да будешь умом, видящим Бога, и достигнешь неприступный мрак в созерцании, и получишь великое сокровище.]

(Мф. 13:45-46, Быт. 23:28)

Дванадесяте патриархов великий в патриарсех детотворив, тайно утверди тебе лествицу деятельнаго, душе моя, восхождения: дети, яко основания, степени, яко восхождения, премудренно подложив.

[Двенадцать патриархов великий из патриархов родив, таинственно представил тебе, душа моя, лестницу деятельного восхождения, премудро расположив детей, как основания, как по ступеням.]

Исававозненавиденнаго подражала еси, душе, отдала еси прелестнику твоему первыя доброты первенство, и отеческия молитвы отпала еси, и дважды поползнулася еси, окаянная, деянием и разумом: темже ныне покайся.

[Исаву возненавиденному подражала ты, душа, отдала обольстителю твоему первородство первоначальной красоты и лишилась отеческого благословения, и дважды пала ты, окаянная, деянием и разумением, посему ныне покайся.]

(Мал. 1:2-3, Быт. 25:32, Быт. 27:37)

Едом Исав наречеся, крайняго ради женонеистовнаго смешения: невоздержанием бо присно разжигаем и сластьми оскверняем, Едом именовася, еже глаголется разжжение души любогреховныя.

[Едомом назван Исав крайнего ради пристрастия женолюбию; невоздержанием непрестанно разжигался и осквернялся сластолюбием, Потому и назван Едомом, что значит: распадение души грехолюбивой.]

(Быт. 25:30)

Иова на гноищи слышавши, о душе моя, оправдавшагося, того мужеству не поревновала еси, твердаго не имела еси предложения во всех, яже веси, и имиже искусилася еси, но явилася еси нетерпелива.

[Об Иове, сидящем на гноище и оправданном, слышав, душа моя, ты в мужестве не поревновала ему, не имела твердого духа во всем, что узнала, что видела, что испытала, но оказалась нетерпеливою.]

(Иов. 1:1-22)

Иже первее на престоле, наг ныне на гноище гноен, многий в чадех и славный, безчаден и бездомок напрасно: палату убо гноище и бисерие струпы вменяше.

[Бывший прежде на престоле — ныне на гноище, обнаженный и изъязвленный; имевший многих детей и знаменитый — вдруг остался без детей и без крова; гноище считал он своим чертогом и язвы — драгоценными камнями.]

(Иов. 2:1-13)

Царским достоинством, венцем и багряницею одеян, многоименный человек и праведный, богатством кипя и стады, внезапу богатства, славы царства, обнищав, лишися.

[Царским достоинством, венцом и пурпуром одетый богатый человек и праведный, изобиловавший богатством и стадами, внезапно богатство потеряв, обнищав, царства лишился.]

(Иов. 1:1-22)

Аще праведен бяше он и непорочен паче всех, и не убеже ловления льстиваго и сети; ты же грехолюбива сущи, окаянная душе, что сотвориши, аще чесому от недоведомых случится наити тебе?

[Если праведным был он и непорочным больше всех, и не избежал ловления и сетей обольстителя, ты же, грехолюбивая, окаянная душе, что сотворишь, если что-то неожиданное постигнет тебя?]

Тело осквернися, дух окаляся, весь острупихся, но яко врач, Христе, обоя покаянием моим уврачуй, омый, очисти, покажи, Спасе мой, паче снега чистейша.

[Тело нечисто, дух осквернился, весь острупился, но, как Врач, Христе, оба уврачуй покаянием моим, омой, очисти, яви, мой Спаситель, чистым белее снега.]

Тело Твое и кровь, распинаемый о всех, положил еси, Слове: тело убо, да мя обновиши, кровь, да омыеши мя. Дух же предал еси, да мя приведеши, Христе, Твоему Родителю.

[Тело Твое и Кровь распинаемый за всех Ты положил, Слове: Тело, да меня обновишь; и Кровь да омоешь меня; дух же Ты предал, чтобы меня привести, Христе, к Твоему Родителю.]

Соделал еси спасение посреде земли, Щедре, да спасемся. Волею на древе распялся еси, Едем затворенный отверзеся, горняя и дольняя тварь, языцы вси спасени покланяются Тебе.

[Устроил Ты спасение посреди земли, Щедрый, да спасемся; вольно на древе распялся Ты, и Едем затворенный открылся; высшие и низшие создания, народы, и все спасенные поклоняются Тебе.]

(Пс. 73:12)

Да будет ми купель кровь из ребр Твоих, вкупе и питие, источившее воду оставления, да обоюду очищаюся, помазуяся и пия, яко помазание и питие, Слове, животочная Твоя словеса.

[Да будет мне купель кровь из ребр Твоих, и питие, источившее воду оставления /грехов/, да сугубо очишаюся, помазуясь и пия, как помазание и питие, слове, животворные Твои слова. ]

(Ин. 19:33-34)

Наг есмь чертога, наг есмь и брака, купно и вечери, светильник угасе, яко безъелейный, чертог заключися мне спящу, вечеря снедеся, аз же по руку и ногу связан, вон низвержен есмь.

[Я — вне чертога, лишен я и брака, и вечери; светильник погас, как безъелейный; чертог заключился, когда я спал; вечеря кончена, а я, по рукам и ногам связанный, извержен вон.]

(Мф. 25:1-13Мф. 22:11-13Лк. 12:35-37Лк. 13:24-27Лк. 14:7-24)

Чашу Церковь стяжа, ребра Твоя живоносная, из нихже сугубыя нам источи токи оставления и разума, во образ древняго и новаго, двоих вкупе заветов, Спасе наш.

[Чашей Церковь восприняла Твои живоносные ребра, из которых сугубый источник источил нам — оставления /грехов/ и разумения, во образ древнего и нового, обоих заветов, о Спаситель наш.]

Время живота моего мало и исполнено болезней и лукавства, но в покаянии мя приими и в разум призови, да не буду стяжание, ни брашно чуждему, Спасе, Сам мя ущедри.

[Время жизни моей малое и исполнено болезней и лукавства, но в покаянии меня приими и в разумение призови, да не буду приобретением и снедию противника, о Спаситель, Сам умилосердись надо мною.]

(Быт. 47:9)

Высокоглаголив ныне есмь, жесток же и сердцем, вотще и всуе, да не с фарисеем осудиши мя. Паче же мытарево смирение подаждь ми, Едине Щедре, Правосуде, и сему мя сочисли.

[Высокомерен ныне я на словах, жесток же и сердцем, напрасно и тщетно, да не с фарисеем осудишь меня, более же мытарево смирение дай мне, единый Милосердный, праведный Судия и к нему меня причисли.]

Согреших, досадив сосуду плоти моея, вем, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

[Согрешил, осквернив сосуд плоти моей, знаю, Милосердный, но в покаянии приими меня, и в разумение призови, да не буду приобретением ни снедию противника, о Спаситель, Сам умилосердись надо мною.]

Самоистукан бых страстьми, душу мою вредя, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

[Истуканом сам себя я сотворил, страстями душе моей повредил, Милосердный, но в покаянии меня приими и в разумение призови, да не буду приобретением ни снедью противника, о Спаситель, Сам умилосердись надо мною.]

Не послушах гласа Твоего, преслушах Писание Твое, Законоположника, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

[Не послушал голоса твоего, преступил Писание твое, Законоподателя, но в покаянии меня приими и в разумение призови, да не буду приобретением ни снедью противника, о Спаситель, Сам умилосердись надо мною.]

Преподобная мати Марие, моли Бога о нас.

Безплотных жительство в плоти преходящи, благодать, преподобная, к Богу велию воистинну прияла еси, верно о чтущих тя предстательствуй. Темже молим тя, от всяких напастей и нас молитвами твоими избави.

[Имея во плоти образ жизни бесплотных, преподобная, ты воистину получила величайшую благодать от Бога; за почитающих тебя ты верно ходатайствуешь; посему молим тебя, молитвами твоими избавь нас от всяких искушений.]

Преподобная мати Марие, моли Бога о нас.

Великих безместий во глубину низведшися, неодержима была еси, но востекла еси помыслом лучшим к крайней деяньми яве добродетели преславно, ангельское естество, Марие, удививши.

[В глубину великих пороков впавши, неудержима была ты, но востекла ты мыслию лучшею к совершенной деяниями являемой добродетели, преславно ангельское естество, Марие, удививши.]

Преподобне отче Андрее, моли Бога о нас.

Андрее, отеческая похвало, молитвами твоими не престай, моляся, предстоя Троице Пребожественней, яко да избавимся мучения, любовию предстателя тя Божественнаго, всеблаженне, призывающии, Криту удобрение.

[Андрее, отеческая похвало, молитвами твоими не престай моляся, предстоя Троице Пребожественней, яко да избавимся мучения, любовию тя Божественнаго Всеблаженне призывающи, Криту удобрение.]

Слава, Троичен: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

[Нераздельным по существу, неслитным по Лицам богословлю Тебя, Троическое Единое Божество, соцарственное и сопрестольное, возглашаю Тебе песнь великую, в вышних троекратно песнословимую.]

(Ис. 6:1-3)

И ныне, Богородичен: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

[И раждаешь, и девствуешь, и пребываешь вместе с естеством Дева: рожденный /Тобою/ обновляет законы естества, утроба же раждает нераждающая, там, где хочет Бог, побеждается естества чин: ибо творит что хочет.]

Песнь 5

Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.

[От ночи бодрствующего, просвети меня, молю, Человеколюбец, путеводи меня в повелениях Твоих и научи меня, Спаситель, исполнять Твою волю.]

(Пс. 62:2, Пс. 118:35, Ис. 26:9)

В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя.

[В нощи жизнь мою проходил постоянно, ибо тьмой и глубокой мглой была для меня ночь греха, но как сына дня, Спаситель, покажи меня.]

(Еф. 5:8, 1 Фес. 5:5)

Рувима подражая, окаянный аз содеях беззаконный и законопреступный совет на Бога Вышняго, осквернив ложе мое, яко отчее он.

[Рувиму подражая окаянный, содеял я беззаконное и преступное дело пред Богом Всевышним, осквернив ложе мое, как отчее он.]

(Быт. 35:22, Быт. 49:3-4)

Исповедаюся Тебе, Христе Царю: согреших, согреших, яко прежде Иосифа братия продавшии, чистоты плод и целомудрия.

[Исповедаюсь тебе, Христе царю; согрешил я, согрешил, как прежде братья, продавшие Иосифа — плод чистоты и целомудрия.]

(Быт. 37:28)

От сродников праведная душа связася, продася в работу сладкий во образ Господень; ты же вся, душе, продалася еси злыми твоими.

[От сродников праведная душа связалась, вожделенный продан в рабство, прообразуя Господа, ты же, душа, сама всю продала себя твоими пороками.]

Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.

[Подражай праведному Иосифуи /его/ целомудренному нраву, несчастная и непотребная душа, не оскверняйся безрассудными стремлениями, всегда беззаконнуя.]

Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу?

[Иосиф был некогда в рове, Владыка Господи, но как прообраз Твоего погребения и воскресения, а я когда что подобное Тебе принесу?]

(Быт. 37:24)

Моисеов слышала еси ковчежец, душе, водами, волнами носим речными, яко в чертозе древле бегающий дела, горькаго совета фараонитска.

[Моисея слышала ты, душа, в ковчежце, как в чертоге, в древности он был носим водами, волнами реки, и избег горестной участи умысла фараонова. ]

(Исх. 2:3)

Аще бабы слышала еси, убивающия иногда безвозрастное мужеское, душе окаянная, целомудрия деяние, ныне, яко великий Моисей, сси премудрость.

[Ты слышала, несчастная душа, как повивальные бабки умерщвляли некогда новорожденных младенцев мужеского пола — плод целомудрия, но ты, как великий Моисей, напитайся премудрости.]

(Исх. 1:8-22)

Яко Моисей великий египтянина, ума, уязвивши, окаянная, не убила еси, душе; и како вселишися, глаголи, в пустыню страстей покаянием?

[Как великий Моисей, поразивший египтянина, ты не умертвила, окаянная душе, нрава /греховнаго/, как же, скажи, ты вселишься в пустыню от страстей посредством покаяния?]

(Исх. 2:11-12)

В пустыню вселися великий Моисей; гряди убо, подражай того житие, да и в купине Богоявления, душе, в видении будеши.

[В пустыню вселился великий Моисей; иди и ты, душа, подражай его жизни, чтобы и тебе узреть в купине Бога явление.]

(Исх. 3:1-3)

Моисеов жезл воображай, душе, ударяющий море и огустевающий глубину во образ Креста Божественнаго: имже можеши и ты великая совершити.

[Моисеев жезл воображай, душе, ударяющий море и открывающий глубину, во образ креста Божественнаго, которым и ты можешь великое совершать.]

(Исх. 14:21-22)

Аарон приношаше огнь Богу непорочный, нелестный; но Офни и Финеес, яко ты, душе, приношаху чуждее Богу, оскверненное житие.

[Аарон приносил Богу огонь непорочный чистый; но Офни и Финеес приносили, как ты, душа, Богу чуждую — нечистую жизнь.]

(1 Цар. 2:12-13)

Яко тяжкий нравом, фараону горькому бых, Владыко, Ианни и Иамври, душею и телом, и погружен умом, но помози ми.

[Как жестокий фараон, жестоким я стал, с нравом как Ианний и Мамврий, душею и телом, и погублен умом; но помоги мне.]

(Исх. 7:11, 2 Тим. 3:8)

Калу примесихся, окаянный, умом, омый мя, Владыко, банею моих слез, молю Тя, плоти моея одежду убелив яко снег.

[Осквернил я, несчастный, мой ум, омой меня, Владыка, в купели слез моих, молю Тебя, одежду плоти моей убели как снег.]

Аще испытаю моя дела, Спасе, всякаго человека превозшедша грехами себе зрю, яко разумом мудрствуяй, согреших не неведением.

[Если испытаю мои дела, о Спаситель, вижу себя превзошедшим грехами всех людей, ибо с разумным я согрешил сознанием, а не неведением.]

Пощади, пощади, Господи, создание Твое, согреших, ослаби ми, яко естеством чистый Сам сый Един, и ин разве Тебе никтоже есть кроме скверны.

[Пощади, пощади, Господи, создание Твое: согрешил я, прости мне, ибо естеством чист Ты один, и никто другой, кроме Тебя, не чужд скверны /греха/.]

Мене ради Бог сый, вообразился еси в мя, показал еси чудеса, исцелив прокаженныя и разслабленнаго стягнув, кровоточивыя ток уставил еси, Спасе, прикосновением риз.

[Ради меня Бог Сущий принял мой образ и показал чудеса, исцелил прокаженных, разслабленных укрепил, остановил течение крови у кровоточивой прикосновением к ризе /Твоей/, о Спаситель.]

(Мф. 9:20, Мк. 5:25-27, Лк. 8:43-44)

Кровоточивую подражай, окаянная душе, притецы, удержи ометы Христовы, да избавишися ран и услышиши от Него: вера твоя спасе тя.

[Кровоточивой подражай, несчастная душа, приди, прикоснись одежде Христовой, чтобы избавиться ран и услышать от Него: вера твоя спасла тебя.]

Низу сничащую подражай, о душе, прииди, припади к ногама Иисусовыма, да тя исправит, и да ходиши право стези Господни.

[Согбенной подражай, о душа; прииди, припади к ногам Иисусовым, да тебя исправит и да ходишь ты прямо путями Господними.]

(Лк. 13:11-13)

Аще и кладязь еси глубокий, Владыко, источи ми воду из пречистых Твоих жил, да, яко самаряныня, не ктому, пияй, жажду: жизни бо струи источаеши.

[Если и кладезь глубокий Ты, Владыко, источи мне воду из пречистых ребр Своих, да, как самарянка, пью и больше не жажду, ибо Ты источаешь жизни струи. ]

(Ин. 4:11-15)

Силоам да будут ми слезы моя, Владыко Господи, да умыю и аз зеницы сердца и вижду Тя умно, Света превечна.

[Силоамом да будут мне слезы мои, Владыка Господи, да омыю и я зеницы сердца и вижу Тебя мысленно, Света предвечного.]

(Ин. 9:7)

Преподобная мати Марие, моли Бога о нас.

Несравненным желанием, всебогатая, древу возжелевши поклонитися животному, сподобилася еси желания, сподоби убо и мене улучити вышния славы.

[Несравненным желанием, всебогатая, Древу жизненному возжелав поклониться, сподобилась желаемого, удостой и меня получить вышнюю славу.]

Преподобная мати Марие, моли Бога о нас.

Струи Иорданския прешедши, обрела еси покой безболезненный, плоти сласти избежавши, еяже и нас изми твоими молитвами, преподобная.

[Ты перешла поток Иорданскийи обрела покой безболезненный, оставив плотское удовольствие, от которого избавь и нас твоими молитвами, преподобная.]

Преподобный отче Андрее, моли Бога о нас.

Яко пастырей изряднейша, Андрее премудре, избранна суща тя, любовию велиею и страхом молю, твоими молитвами спасение улучити и жизнь вечную.

[Яко пастырей изряднейша, Андрее премудре, избранна суща тя, любовию велиею и страхом молю, твоими молитвами спасение улучити, и жизнь вечную.]

Слава, Троичен: Тя, Троице, славим, Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

[Тебя Троице славим, Единаго Бога: Свят, Свят, Свят Ты Отче, Сыне и Душе, Простое Существо, Единица всегда покланяемая.]

И ныне, Богородичен: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

[Из Тебя облечен в мой состав Непорочная безмужная Матерь-Дева Бог, создавший веки, и соединил с Собою человеческое естество.]

Песнь 6

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

[От всего сердца моего я воззвал к милосердному Богу, и Он услышал меня из ада преисподнего и воззвал жизнь мою от погибели.]

(Ион. 2:3, 7)

Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя.

[Приношу Тебе, о Спаситель, слезы чистые очей моих и воздыхания из глубины сердца, взывающаго: Боже, согрешил я Тебе, очисти меня.]

Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет.

[Уклонилась ты, душа, от Господа своего, как Дафан и Авирон; но воззови /к Нему/ из глубины преисподней: пощади! — да пропасть земная не покроет тебя.]

(Чис. 16:1-3, Чис. 16:28-31)

Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением.

[Рассвирепев, как юница, душа, ты уподобилась Ефрему; как серна от сетей, спасай жизнь, окрылив ум деянием и созерцанием.]

(Иер. 31:18, Ос. 10:11)

Рука нас Моисеова да уверит, душе, како может Бог прокаженное житие убелити и очистити, и не отчайся сама себе, аще и прокаженна еси.

[Моисеева рука да уверит нас, душа, как Бог может убелить и очистить прокаженное житие, и не отчайся сама себя, если ты и прокажена.]

(Исх. 4:6-7)

Волны, Спасе, прегрешений моих, яко в мори Чермнем возвращающеся, покрыша мя внезапу, яко египтяны иногда и тристаты.

[О Спаситель, волны прегрешений моих, обратившись, как в море Чермном, внезапно покрыли меня, как некогда египтян и /их/ всадников.]

(Исх. 14:26-28, Исх. 15:4-5)

Неразумное, душе, произволение имела еси, яко прежде Израиль: Божественныя бо манны предсудила еси безсловесно любосластное страстей объядение.

[Неразумное произволение имела ты, душа, как древний Израиль; ибо Божественной манне ты безразсудно предпочла сластолюбивое пресыщение страстей.]

(Чис. 21:5)

Кладенцы, душе, предпочла еси хананейских мыслей паче жилы камене, из негоже премудрости река, яко чаша, проливает токи богословия.

[Кладези, душа, ханаанских мыслей ты предпочла камню с жилою воды, из котораго река премудрости, как чаша, изливает токи Богословия.]

(Быт. 21:25, Исх. 17:3Исх. 17:6)

Свиная мяса и котлы и египетскую пищу паче Небесныя предсудила еси, душе моя, якоже древле неразумнии людие в пустыни.

[Свиное мясо, котлы и египетскую пищу более небесной предпочла ты, душа моя, как древние безрассудные люди в пустыне. ]

(Исх. 16:3)

Яко удари Моисей, раб Твой, жезлом камень, образно животворивая ребра Твоя прообразоваше, из нихже вси питие жизни, Спасе, почерпаем.

[Ударив Моисей, раб Твой, жезлом в камень, таинственно прообразовал животворные ребра Твои, из которых все мы почерпаем питие жизни, о Спаситель.]

Испытай, душе, и смотряй, якоже Иисус Навин, обетования землю, какова есть, и вселися в ню благозаконием.

[Исследуй, душа, и изведай, как Иисус Навин землю обетования, какова есть, и вселися в нее благозаконием.]

Востани и побори, яко Иисус Амалика, плотския страсти, и гаваониты, лестныя помыслы, присно побеждающи.

[Восстань и победи, как Иисус Амалика, плотские страсти, и /как/ гаваонитян обольстительные помыслы, всегда побеждая.]

(Исх. 17:8-9, Исх. 17:13, Нав. 8:21)

Прейди времене текущее естество, яко прежде ковчег, и земли оныя буди во одержании обетования, душе, Бог повелевает.

[Перейди поток скоротечного времени, как прежде ковчег, и землей обетованной обладай душе: Бог повелевает.]

(Нав. 3:17)

Яко спасл еси Петра, возопивша, спаси, предварив мя, Спасе, от зверя избави, простер Твою руку, и возведи из глубины греховныя.

[Как спас Ты Петра, воззвавшаго: спаси и меня, не умедлив, о Спаситель, от зверя избавь, простри руку Твою и изведи из глубины греховной.]

(Мф. 14:28-31)

Пристанище Тя вем утишное, Владыко, Владыко Христе, но от незаходимых глубин греха и отчаяния мя, предварив, избави.

[Пристанище знаю Тебя тихое, Владыка, Владыка Христе; но от неизмеримых глубин греха и отчаяния, предварив, избавь меня.]

Аз есмь, Спасе, юже погубил еси древле царскую драхму; но вжег светильник, Предтечу Твоего, Слове, взыщи и обрящи Твой образ.

[Я — драхма, о Спаситель, с царским изображением, которая в древности потеряна у Тебя, но возжег светильник, и Предтечу Твоего, Слове, взыщи и найди Твой образ.]

(Лк. 15:8-9)

Преподобная мати Марие, моли Бога о нас.

Да страстей пламень угасиши, слез капли источала еси присно, Марие, душею распалаема, ихже благодать подаждь и мне, твоему рабу.

[Да угасишь пламень страстей, капли слез источала всегда ты, Марие, душой пламенея, их благодать подай и мне, твоему рабу.]

Преподобная мати Марие, моли Бога о нас.

Безстрастие Небесное стяжала еси крайним на земли житием, мати. Темже тебе поющим, от страстей избавитися молитвами твоими молися.

[Бесстрастие небесное приобрела ты жизнью высокою, матерь; ходатайствуй, да воспевающие тебя избавятся от страстей молитвами твоими.]

Преподобный отче Андрее, моли Бога о нас.

Критскаго тя пастыря и председателя и вселенныя молитвенника ведый, притекаю, Андрее, и вопию ти: изми мя, отче, из глубины греха.

[Критского тебя пастыря и председателя, и вселенной молитвенника зная, притекаю Андрее, и возглашаю тебе: изми меня отче из глубины греха.]

Слава, Троичен: Троица есмь Проста, Нераздельна, раздельна Личне и Единица есмь естеством соединена, Отец глаголет, и Сын, и Божественный Дух.

[Троица есмь Проста, Нераздельная, Раздельная в Лицах и Единица соединенная в существе, Отец вещает и Сын и Божественный Дух.]

И ныне, Богородичен: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.

[Утроба Твоя Бога нам роди, принявшего образ наш, Его, как Создателя всех, моли, Богородица, да молитвами Твоими оправдаемся.]

Катавасия: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

[От всего сердца моего я воззвал к милосердному Богу, и Он услышал меня из ада преисподнего и воззвал жизнь мою от погибели.]

(Ион. 2:3)

Кондак, глас 6:

Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.

[Душе, моя, душе моя, востани, что спиши? Конец приближается, и имаши смутитися: воспряни, убо да пощадит тя Христос Бог, везде Сый и вся Исполняяй.]

Икос:

Христово врачевство видя отверсто и от сего Адаму истекающее здравие, пострада, уязвися диавол и, яко бедствуя, рыдаше и своим другом возопи: что сотворю Сыну Мариину, убивает мя Вифлеемлянин, Иже везде сый и вся исполняяй.

Блаженны, с поклонами, глас 6:

Во Царствии Твоем помяни нас, Господи.

Разбойника, Христе, рая жителя сотворил еси, на кресте Тебе возопивша: помяни мя; того покаянию сподоби и мене, недостойнаго.

Блажени нищии духом, яко тех есть Царство Небесное.

Маноя слышавши древле, душе моя, Бога в явлении бывша и из неплодове тогда приемша плод обетования, того благочестие подражай.

(Суд. 13:2-24)

Блажени плачущии, яко тии утешатся.

Сампсоновой поревновавши лености, главу остригла еси, душе, дел твоих, предавши иноплеменником любосластием целомудренную жизнь и блаженную.

(Суд. 16:4-21)

Блажени кротции, яко тии наследят землю.

Прежде челюстию ослею победивый иноплеменники, ныне пленение ласкосердству страстному обретеся; но избегни, душе моя, подражания, деяния и слабости.

(Суд. 15:15)

Блажени алчущии и жаждущии правды, яко тии насытятся.

Варак и Иеффай военачальницы, судии Израилевы предпочтени быша, с нимиже Деворра мужеумная; тех доблестьми, душе, вмужившися, укрепися.

(Суд. 4:4-16Суд. 11:9-10Суд. 11:32-33Суд. 12:4-7)

Блажени милостивии, яко тии помиловани будут.

Иаилино храбрство познала еси, душе моя, Сисара древле прободшую и спасение соделавшую древом острым, слышиши, имже тебе крест образуется.

(Суд. 4:17-22)

Блажени чистии сердцем, яко тии Бога узрят.

Пожри, душе, жертву похвальную, деяние, яко дщерь, принеси от Иеффаевы чистейшую и заколи, яко жертву, страсти плотския Господеви твоему.

(Суд. 11:30-40)

Блажени миротворцы, яко тии сынове Божии нарекутся.

Гедеоново руно помышляй, душе моя, с небесе росу подыми и приникни, якоже пес, и пий воду, от закона текущую, изгнетением письменным.

(Суд. 6:37-38Суд. 7:4-7)

Блажени изгнани правды ради, яко тех есть Царство Небесное.

Илии священника осуждение, душе моя, восприяла еси, лишением ума приобретши страсти себе, якоже он чада, делати беззаконная.

(1 Цар. 2:22, 31-34)

Блажени есте, егда поносят вам и изженут и рекут всяк зол глагол на вы лжуще, Мене ради.

В судиях левит небрежением свою жену дванадесятим коленом раздели, душе моя, да скверну обличит от Вениамина беззаконную.

(Суд. 19:27-29)

Радуйтеся и веселитеся, яко мзда ваша многа на Небесех.

Любомудренная Анна молящися, устне убо двизаше ко хвалению, глас же ея не слышашеся, но обаче неплодна сущи, сына молитвы раждает достойна.

(1 Цар. 1:9-13, 19-20)

Помяни нас, Господи, егда приидеши во Царствии Твоем.

В судиях спричтеся Аннино порождение, великий Самуил, егоже воспитала Армафема в дому Господни; тому поревнуй, душе моя, и суди прежде инех дела твоя.

(1 Цар. 1:25-28)

Помяни нас, Владыко, егда приидеши во Царствии Твоем.

Давид на царство избран, царски помазася рогом Божественного мира; ты убо, душе моя, аще хощеши вышняго Царствия, миром помажися слезами.

(1 Цар. 16:1-13)

Помяни нас, Святый, егда приидеши во Царствии Твоем.

Помилуй создание Твое, Милостиве, ущедри руку Твоею творение и пощади вся согрешившия, и мене паче всех, Твоих презревшаго повелений.

Слава:

Безначальну и рождению же и происхождению Отцу покланяюся рождшему, Сына славлю рожденнаго, пою сопросиявшаго Отцу же и Сыну Духа Святаго.

И ныне:

Преестественному Рождеству Твоему покланяемся, по естеству славы Младенца Твоего не разделяюще, Богородительнице: Иже бо Един Лицем, сугубыми исповедуется естествы.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

[Мы согрешили, жили беззаконно, неправо поступали пред Тобою, не сохранили, не исполнили, что Ты заповедал нам; но не оставь нас до конца, Боже отцов.]

(Дан. 3:29, 30, 34, 35, (Дан. 9:5-6)

Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже.

Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже.

[Тайны сердца моего я открыл Тебе, Судии моему: виждь смирение мое, виждь и скорбь мою, и вонми суду моему ныне и Сам помилуй меня, как Милосердный, отцев Боже.]

(Пс. 37:19, Пс. 24:18, Пс. 34:23)

Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова.

[Саул, когда потерял ослиц отца своего, внезапно получил царство с известием, но храни и не забывай себя, душа, скотские вожделения твои предпочитая более Царства Христова.]

(1 Цар. 9:1-27, 10:1)

Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми.

[Давид некогда богоотец согрешил, душа моя, быв устрелен стрелою прелюбодейства и пленен копьем жестокого убийства; но ты, душа моя, сама страдаешь тягчайшими сих дел недугами — стремлениями собственного хотения.]

(2 Цар. 11:2-6, 2 Цар. 11:14-15)

Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу.

[Присовокупил некогда Давид беззаконие к беззаконию, с убийством соединив прелюбодеяние, покаяние сугубое показал тотчас, но сама ты, душа, бо́льшие совершив грехи, не покаялась Богу.]

Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо Единому согреших всех Богу, Сам очисти мя.

[Давид некогда, изображая образно, составил песнь, которой обличает содеянное, взывая: помилуй меня, ибо согрешил я пред Тобою единым, Богом всех; Сам очисти меня.]

(Пс. 50:3-6)

Кивот яко ношашеся на колеснице, Зан оный, егда превращшуся тельцу, точию коснуся, Божиим искусися гневом; но того дерзновения убежавши, душе, почитай Божественная честне.

[Ковчег носим был на колеснице, когда телец преклонил его, Оза, только коснувшись, испытал Божий гнев; но его дерзости избегай душа и почитай Божественное благоговейно.]

(2 Цар. 6:6-7)

Слышала еси Авессалома, како на естество воста, познала еси того скверная деяния, имиже оскверни ложе Давида отца; но ты подражала еси того страстная и любосластная стремления.

[Ты слышала об Авессаломе, как он восстал на природу; знаешь гнусныя его деяния, как он обесчестил ложе Давида— отца, но сама ты подражала его страстным и сластолюбивым стремлениям. ]

(2 Цар. 15:1-37, 16:20-22)

Покорила еси неработное твое достоинство телу твоему, иного бо Ахитофела обретши врага, душе, снизшла еси сего советом; но сия разсыпа Сам Христос, да ты всяко спасешися.

[Нерабственное достоинство твое покорила ты телу твоему, нашедши другаго Ахитофела, врага, душа, склонившись на советы его, но Сам Христос низпроверг их, да ты всячески спасешься. ]

(2 Цар. 16:20-21)

Соломон чудный и благодати премудрости исполненный, сей лукавое иногда пред Богом сотворив, отступи от Него; емуже ты проклятым твоим житием, душе, уподобилася еси.

[Соломон чудный и благодатью премудрости исполненный, он, некогда лукавое пред Богом сотворив, отступил от Него, и ты, душа, достойною проклятия жизнью уподобилась ему.]

(3 Цар. 3:12, 3 Цар. 11:4-6)

Сластьми влеком страстей своих, оскверняшеся, увы мне, рачитель премудрости, рачитель блудных жен, и странен от Бога; егоже ты подражала еси умом, о душе, сладострастьми скверными.

[Сластолюбивыми страстями своими влекомый, увы, осквернялся любивший премудрость, возлюбив распутных жен и устранившись от Бога, и ты подражала ему в уме, душа, постыдным сладострастием.]

(3 Цар. 11:6-8)

Ровоаму поревновала еси, не послушавшему совета отча, купно же и злейшему врагу Иеровоаму, прежнему отступнику, душе, но бегай подражания и зови Богу: согреших, ущедри мя.

[Ровоаму поревновала ты, непослушавшему совета отеческаго, и вместе злейшему рабу Иеровоаму, древнему отступнику, но избегай, душа, подражания /им/ и взывай к Богу: согрешил я, умилосердись надо мною.]

(3 Цар. 12:13-14, 3 Цар. 14:20) 3 Цар. 20

Ахаавовым поревновала еси сквернам, душе моя, увы мне, была еси плотских скверн пребывалище и сосуд срамлен страстей, но из глубины твоея воздохни и глаголи Богу грехи твоя.

[Ахавовым подражала ты сквернам, душа моя, увы мне, ты была плотских скверн пребывалищем и постыдным сосудом страстей, но из глубины твоей воздохни и поведай Богу грехи твои. ]

(3 Цар. 16:29-31)

Попали Илия иногда дващи пятьдесят Иезавелиных, егда студныя пророки погуби во обличение Ахаавово, но бегай подражания двою, душе, и укрепляйся.

[Попалил Илия некогда дважды по пятьдесят /служителей/ Иезавели, истребляя гнусных пророков во обличение Ахава, но избегай подражания обоим им, ты, душа, и укрепляйся.]

(3 Цар. 18:40, 4 Цар. 1:9-15)

Заключися тебе небо, душе, и глад Божий постиже тя, егда Илии Фесвитянина, якоже Ахаав, не покорися словесем иногда, но Сараффии уподобися, напитай пророчу душу.

[Заключилось для тебя небо, душа, и голод от Бога постиг тебя, как некогда Ахава, не покорившегося словам Илии Фесвитянина: но ты, подражая Сарептской вдове, напитай душу пророка.]

(3 Цар. 17:1, 3 Цар. 17:8-9)

Манассиева собрала еси согрешения изволением, поставльши, яко мерзости, страсти, и умноживши, душе, негодование, но того покаянию ревнующи тепле, стяжи умиление.

[Манассиевы усвоила ты преступления изволением, поставив, как идолов, страсти и умножив мерзости, душа; но усердно того подражай покаянию, обретай умиление.]

(4 Цар. 21:1-2)

Припадаю Ти и приношу Тебе, якоже слезы, глаголы моя: согреших, яко не согреши блудница, и беззаконновах, яко иный никтоже на земли. Но ущедри, Владыко, творение Твое и воззови мя.

[Припадаю Тебе со слезами и приношу Тебе, как слезы, слова мои: согрешил я, как не согрешила блудница, и беззаконовал, как никто иной на земле, но умилосердись, Владыко, над созданием Твоим и воззови меня.]

Погребох образ Твой и растлих заповедь Твою, вся помрачися доброта, и страстьми угасися, Спасе, свеща. Но, ущедрив, воздаждь ми, якоже поет Давид, радование.

[Погребен во мне образ Твой, растлил я Твою заповедь, вся красота помрачилась /во мне/, и светильник погас от страстей, но умилосердись, о Спаситель, и дай мне радость, как поет Давид.]

(Пс. 50:14)

Обратися, покайся, открый сокровенная, глаголи Богу, вся ведущему: Ты веси моя тайная, едине Спасе. Но Сам мя помилуй, якоже поет Давид, по милости Твоей.

[Обратись, покайся, открой сокровенное, скажи Богу всеведущему: Ты знаешь тайны мои, о единый Спаситель, и Сам помилуй меня, как поет Давид, по милости Твоей.]

(Пс. 50:3)

Исчезоша дние мои, яко соние востающаго; темже, яко Езекия, слезю на ложи моем, приложитися мне летом живота. Но кий Исаия предстанет тебе, душе, аще не всех Бог?

[Исчезли дни мои, как сновидение встающего, посему, как Езекия, плачу на ложе моем, да продлятся годы жизни моей, но какой Исайя предстанет тебе, душа, если не всех Бог? ]

(4 Цар. 20:1-6, Ис. 38:1-6)

Преподобная мати Марие, моли Бога о нас.

Возопивши к Пречистей Богоматери, первее отринула еси неистовство страстей, нужно стужающих, и посрамила еси врага запеншаго. Но даждь ныне помощь от скорби и мне, рабу твоему.

[Воззвав к Пречистой Богоматери, прежде всего оставила ты неистовство страстей, жестоко свирепствующих /в тебе/, и посрамила ты врага обольстителя; но даруй ныне помощь от скорбей и мне, рабу твоему.]

(Пс. 59:13)

Преподобная мати Марие, моли Бога о нас.

Егоже возлюбила еси, Егоже возжелела еси, Егоже ради плоть изнурила еси, преподобная, моли ныне Христа о рабех: яко да милостив быв всем нам, мирное состояние дарует почитающим Его.

[Кого возлюбила ты, Кого желала ты, для Кого ты изнуряла плоть, преподобная, моли ныне Христа о рабах, да милостив будет ко всем нам, мирное состояние дарует почитающим Его.]

Преподобне отче Андрее, моли Бога о нас.

На камени мя веры молитвами твоими утверди, отче, страхом мя Божественным ограждая, и покаяние, Андрее, подаждь ми, молюся ти, и избави мя от сети врагов, ищущих мя.

[На камне веры меня молитвами твоими утверди, отче, страхом божественным ограждая, и покаяние, Андрее, подай мне, молюся тебе: и избавь меня от сети врагов, ищущих меня.]

Слава, Троичен: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

[Троица Простая, Нераздельная, Единосущная и Естество Единое, Светы и Свет, Святые Три и Единое Святое поется Бог Троица, но воспой, прославь, душа, Жизнь и Жизни, всех Бога.]

И ныне, Богородичен: Поем Тя, благословим Тя, покланяемся Ти, Богородительнице, яко Неразлучныя Троицы породила еси Единаго Христа Бога и Сама отверзла еси нам, сущим на земли, Небесная.

[Воспеваем Тебя, благословляем Тебя, поклоняемся Тебе, Богородительница, ибо нераздельной Троицы родила Ты Единого Сына и Бога, и Сама открыла для нас, сущих на земле, /селения/ Небесные.]

Песнь 8

Трипеснец, глас 8:

Ирмос: Безначальнаго Царя славы, Егоже трепещут Небесныя силы, пойте, священницы, людие, превозносите во вся веки.

Святии апостоли, молите Бога о нас.

Яко углие невещественнаго огня, попалите вещественныя страсти моя, возжизающе ныне во мне желание Божественныя любве, апостоли.

Святии апостоли, молите Бога о нас.

Трубы благогласныя Слова почтим, имиже падоша стены неутверждены вражия и богоразумия утвердишася забрала.

Святии апостоли, молите Бога о нас.

Кумиры страстныя души моея сокрушите, иже храмы и столпы сокрушисте врага, апостоли Господни, храмове освященнии.

Пресвятая Богородице, спаси нас.

Вместила еси Невместимаго естеством, носила еси Носящаго вся, доила еси, Чистая, питающаго тварьХриста Жизнодавца.

Иный трипеснец:

Ирмос: Безначальнаго Царя славы, Егоже трепещут Небесныя силы, пойте, священницы, людие, превозносите во вся веки.

Святии апостоли, молите Бога о нас.

Духа началохитростием создавше всю Церковь, апостоли Христовы, в ней благословите Христа во веки.

Святии апостоли, молите Бога о нас.

Вострубивше трубою учений, низвергоша апостоли всю лесть идольскую, Христа превозносяща во вся веки.

Святии апостоли, молите Бога о нас.

Апостоли, доброе преселение, назирателие мира и Небеснии жителие, вас присно восхваляющия избавите от бед.

Пресвятая Троице, Боже наш, слава Тебе.

Трисолнечное Всесветлое Богоначалие, Единославное и Единопрестольное Естеству, Отче Вседетелю, Сыне и Божественный Душе, пою Тя во веки.

Пресвятая Богородице, спаси нас.

Яко честный и превышший престол, воспоим Божию Матерь непрестанно, людие, Едину по рождестве Матерь и Деву.

Великаго канона Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

[Кого прославляют воинства небесные и пред Кем трепещут Херувимы и Серафимы, Того, все существа и творения, воспевайте, благословляйте и превозносите во все века.]

Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя.

[Согрешившего меня, о Спаситель, помилуй, воздвигни мой ум к обращению, приими меня кающагося, умилосердись к взывающему: согрешил Тебе — спаси, беззаконовал — помилуй меня.]

Колесничник Илия колесницею добродетелей вшед, яко на небеса, ношашеся превыше иногда от земных; сего убо, душе моя, восход помышляй.

[Колесничник Илия, возшед на колесницу добродетелей, как бы на небеса вознесся некогда превыше земнаго; итак по тому, душа моя, о его восходе размышляй.]

(2 Цар. 2:11-13)

Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание.

[Поток Иордана некогда милотию Илииной Елисей разделил на две стороны; ты же, душа моя, не получила этой благодати за невоздержание.]

(4 Цар. 2:14)

Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание.

[Елисейнекогда, приняв милоть Илии, принял сугубую благодать от Господа, ты же, душа моя, не получила этой благодати за невоздержание.]

(4 Цар. 2:9; 4 Цар. 12; 4 Цар. 13)

Соманитида иногда праведнаго учреди, о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи.

[Соманитянка некогда праведника угостила, о душа, с добрым усердием, ты же не ввела в дом твой ни странника, ни путника, потому будешь извержена вон из брачнаго чертога, рыдая.]

(4 Цар. 4:8)

Гиезиев подражала еси, окаянная, разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих.

[Гиезиеву подражала ты, злосчастная душа, скверному нраву, всегдашнее сребролюбие которого отложи хотя на старость, убегай геенского огня, отступив от твоих злых дел.]

(4 Цар. 5:20-27)

Ты Озии, душе, поревновавши, сего прокажение в себе стяжала еси сугубо: безместная бо мыслиши, беззаконная же дееши; остави, яже имаши, и притецы к покаянию.

[Озии, душа, поревновав, его прокажение обрела ты сугубо: ибо мыслишь недолжное и делаешь беззаконное, оставь, что имеешь, и приступи к покаянию.]

(4 Цар. 15:5, 2 Цар. 26:19)

Ниневитяны, душе, слышала еси кающияся Богу, вретищем и пепелом, сих не подражала еси, но явилася еси злейшая всех, прежде закона и по законе прегрешивших.

[О ниневитянах слышала ты, душа, каявшихся Богу в рубище и пепле, им не подражала ты, явилась злейшею всех, до закона и после закона согрешивших.]

(Ион. 3:5, Ион. 3:8)

В рове блата слышала еси Иеремию, душе, града Сионя рыданьми вопиюща и слез ищуща; подражай сего плачевное житие и спасешися.

[В нечистом рове слышала ты, душа, Иеремию, рыданиями взывающа о граде Сиона и ищущего слез, подражай плачевной его жизни и спасешься.]

(Иер. 38:6)

Иона в Фарсис побеже, проразумев обращение ниневитянов, разуме бо, яко пророк, Божие благоутробие: темже ревноваше пророчеству не солгатися.

[Иона в Фарсис побежал, предвидя обращение ниневитян, ибо знал, как пророк, Божие милосердие, потому ревновал, да пророчеством /его/ не обманется.]

(Ион. 1:3)

Даниила в рове слышала еси, како загради уста, о душе, зверей; уведела еси, како отроцы, иже о Азарии, погасиша верою пещи пламень горящий.

[Даниила в рове слышала ты, душа, как он заградил уста зверей, узнал, как отроки, бывшие с Азариею, угасили верою пламень пещи горящий.]

(Дан. 14:31, Дан. 3:24)

Ветхаго Завета вся приведох ти, душе, к подобию; подражай праведных боголюбивая деяния, избегни же паки лукавых грехов.

[Ветхаго завета все привел я тебе, душа, как подобие, подражай праведных Богоугодным деяниям, избегни же лукавых грехов.]

Правосуде Спасе, помилуй и избави мя огня и прещения, еже имам на суде праведно претерпети; ослаби ми прежде конца, добродетелию и покаянием.

[О правосудный Спаситель, помилуй и избавь меня от огня и наказания, которое должен я на суде справедливо претерпеть, дай ослабу мне прежде кончины добродетелью и покаянием.]

Яко разбойник, вопию Ти: помяни мя; яко Петр, плачу горце: ослаби ми, Спасе; зову, яко мытарь, слезю, яко блудница; приими мое рыдание, якоже иногда хананеино.

[Как разбойник, взываю Тебе, помяни меня; как Петр, плачу горько, будь милостив ко мне, о Спаситель, взываю, как мытарь, проливаю слезы, как блудница, приими мое рыдание, как некогда хананеянки.]

(Лк. 7:37-38, Лк. 18:13, (Лк. 23:42, Лк. 22:61-62, Мф. 15:22)

Гноение, Спасе, исцели смиренныя моея души, Едине Врачу, пластырь мне наложи, и елей, и вино, дела покаяния, умиление со слезами.

[Гниение исцели смиренной моей души, о Спаситель, Единый Врач, пластырь наложи мне, елей и вино — дела покаяния, умиление со слезами.]

Хананею и аз подражая, помилуй мя, вопию, Сыне Давидов; касаюся края ризы, яко кровоточивая, плачу, яко Марфа и Мариянад Лазарем.

[Хананеянке и я, подражая, вопию, помилуй меня, Сын Давидов, касаяся края ризы, как кровоточивая, плачу, как Марфа и Мария, над Лазарем.]

(Мф. 9:20, Мф. 15:22, Ин. 11:33)

Слезную, Спасе, сткляницу яко миро истощавая на главу, зову Ти, якоже блудница, милости ищущая, мольбу приношу и оставление прошу прияти.

[Сосуд слез, о Спаситель, как миро изливая на главу, взываю к Тебе, как блудница, милости ищущая, мольбу приношу и прощение мне прошу даровать.]

(Мф. 26:6-7, Мф. 14:3, Лк. 7:37-38)

Аще и никтоже, якоже аз, согреши Тебе, но обаче приими и мене, благоутробне Спасе, страхом кающася и любовию зовуща: согреших Тебе Единому, помилуй мя, Милостиве.

[Хотя никто, как я, не согрешил пред Тобою; но приими и меня, милосердный Спаситель, со страхом кающагося и с любовью взывающаго: согрешил пред Тобою единым, помилуй меня, о Милостивый.]

Пощади, Спасе, Твое создание и взыщи, яко Пастырь, погибшее, предвари заблуждшаго, восхити от волка, сотвори мя овча на пастве Твоих овец.

[Пощади, о Спаситель, Твое создание и отыщи, как Пастырь, потерянное, найди заблудившегося, отними у волка и устрой меня, /как/ агнца, на пастве овец Твоих.]

(Пс. 118:176)

Егда, Судие, сядеши, яко благоутробен, и покажеши страшную славу Твою, Спасе, о каковый страх тогда, пещи горящей, всем боящимся нестерпимаго судища Твоего.

[Когда, Судия, сядешь, как милосердный, и покажешь страшную славу Твою, о Спаситель; о, какой страх тогда: пещь будет гореть и все трепетать пред величием Суда Твоего!]

(Мф. 25:31, Мф. 41:47)

Преподобная мати Марие, моли Бога о нас.

Света незаходимаго Мати тя просветивши, от омрачения страстей разреши. Темже вшедши в духовную благодать, просвети, Марие, тя верно восхваляющия.

[Свет Незаходимый, матерь, тебя просветив, развязал от мрака страстей, поэтому, восприяв благодать Духа, просвети, Мария, тебя верно восхваляющих.]

Преподобная мати Марие, моли Бога о нас.

Чудо ново видев, ужасашеся божественный в тебе воистинну, мати, Зосима: ангела бо зряше во плоти и ужасом весь исполняшеся, Христа поя во веки.

[Чудо новое видев и воистину Божественное, сущее в тебе, матерь, ужасался Зосима, Ангела видя во плоти, и удивлением весь исполнялся, Христа воспевая во веки.]

Преподобне отче Андрее, моли Бога о нас.

Яко дерзновение имый ко Господу, Андрее Критский, честная похвало, молю, молися разрешение от уз беззакония ныне обрести мне молитвами твоими, яко покаяния учитель и преподобных слава.

[Как дерзновение имея ко Господу, Андрее Критский, честная похвало, молю, молися разрешение от уз беззакония обрести мне молитвами твоими, ибо ты покаяния учитель и преподобных слава.]

Благословим Отца и Сына и Святаго Духа Господа.

Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

[О Безначальный Отец, Сын Собезначальный, о Утешитель Благий Дух правый, Слова Божия Родитель, Отца Безначального Слово, Дух, живущий и созидающий, Троице Единица, помилуй меня.]

И ныне, Богородичен:

Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

[Как из пурпурового состава, Пречистая, мысленная багряница — плоть Эммануила во чреве Твоем соткалась, поэтому Тебя, как Богородицу, воистину почитаем.]

Хвалим, благословим, покланяемся Господеви, поюще и превозносяще во вся веки.

Катавасия: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

[Кого прославляют воинства небесные и пред Кем трепещут Херувимы и Серафимы, Того, все существа и творения, воспевайте, благословляйте и превозносите во все века.]

Песнь 9

Трипеснец, глас 8:

Ирмос: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.

Святии апостоли, молите Бога о нас.

Источницы спасительныя воды явльшеся апостоли, истаявшую душу мою греховною жаждою оросите.

Святии апостоли, молите Бога о нас.

Плавающаго в пучине погибели и в погружении уже бывша Твоею десницею, якоже Петра, Господи, спаси мя.

Святии апостоли, молите Бога о нас.

Яко соли, вкусных суще учений, гнильство ума моего изсушите и неведения тьму отжените.

Пресвятая Богородице, спаси нас.

Радость яко родившая, плач мне подаждь, имже Божественное утешение, Владычице, в будущем дни обрести возмогу.

Иный Ирмос: Тя, Небесе и земли Ходатаицу:

Святии апостоли, молите Бога о нас.

Тя, благославное апостольское собрание, песньми величаем: вселенней бо светила светлая явистеся, прелесть отгоняще.

Святии апостоли, молите Бога о нас.

Благовестною мрежею вашею словесныя рыбы уловивше, сия приносите всегда снедь Христу, апостоли блаженнии.

Святии апостоли, молите Бога о нас.

К Богу вашим прошением помяните нас, апостоли, от всякаго избавитися искушения, молимся, любовию воспевающия вас.

Пресвятая Троице, Боже наш, слава Тебе.

Тя, Триипостасную Единицу, Отче, Сыне со Духом, Единаго Бога Единосущна пою, Троицу Единосильную Безначальную.

Пресвятая Богородице, спаси нас.

Тя, Детородительницу и Деву, вси роди ублажаем, яко Тобою избавльшеся от клятвы: радость бо нам родила еси, Господа.

Великаго канона Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

[Рождество от бессеменного зачатия неизъяснимо, безмужной Матери нетленен Плод, ибо рождение Бога обновляет природу. Поэтому Тебя, как Богоневесту-Матерь мы, все роды, православно величаем.]

Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?

[Ум острупился, тело в недуге, дух болезнует, слово изнемогло, жизнь умертвилась, конец при дверях: что сделаешь ты, несчастная душа моя, когда приидет Судия испытать /дела/ твои?]

Моисеово приведох ти, душе, миробытие и от того все заветное Писание, поведающее тебе праведныя и неправедныя; от нихже вторыя, о душе, подражала еси, а не первыя, в Бога согрешивши.

[Моисеево привел тебе, душа, миробытие и от него все Писание Завета, повествующее о праведных и неправедных; из них ты, душа, подражала вторым, а не первым, согрешив против Бога.]

Закон изнеможе, празднует Евангелие, Писание же все в тебе небрежено бысть, пророцы изнемогоша, и все праведное слово; струпи твои, о душе, умножишася, не сущу врачу, исцеляющему тя.

[Закон бессилен, Евангелие — праздно, все Писание у тебя в небрежности, пророки и всякое праведное слово напрасны, раны твои, душа, умножились без Врача, Который исцелил бы тебя.]

Новаго привожду ти Писания указания, вводящая тя, душе, ко умилению: праведным убо поревнуй, грешных же отвращайся и умилостиви Христа молитвами же, и пощеньми, и чистотою, и говением.

[Нового Писания привожу тебе указания, вводящие тебя, душа, к умилению; праведным подражай, грешных же отвращайся, и умилостивляй Христа молитвами, пощением, чистотою и непорочностью.]

Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее, и мытари, и прелюбодеи кающиися.

[Христос вочеловечился, призвав к покаянию разбойников и блудниц, душа, покайся, дверь Царствия уже отверста и прежде тебя входят в нее фарисеи и мытари и прелюбодеи кающиеся.]

(Мф. 11:12, Мф. 21:31, Лк. 16:16)

Христос вочеловечися, плоти приобщився ми, и вся елика суть естества хотением исполни греха кроме, подобие тебе, о душе, и образ предпоказуя Своего снисхождения.

[Христос вочеловечился, восприняв плоть мою, и все свойственное естеству добровольно испытал, кроме греха, показуя тебе, душа, подобие и образ Своего снисхождения.]

Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе, внегда будеши судитися.

[Христос волхвов спас, призвал пастырей, младенцев множество соделал мучениками, прославил старца и старую вдовицу; их деяниям и жизни ты не поревновала, душа, но горе тебе, когда будешь судиться!]

(Мф. 2:1-2, Мф. 2:16, Лк. 2:4-8, Лк. 2:25-26, Лк. 2:36-38)

Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.

[Постившись Господь сорок дней в пустыне, после взалкал, показуя человеческое /естество/: душа, не унывай, не разленись, если враг устремится на тебя, но молитвами и постом да отразится он от ног твоих.]

(Исх. 34:28Мф. 4:2Лк. 4:2Мк. 1:13)

Христос искушашеся, диавол искушаше, показуя камение, да хлеби будут, на гору возведе видети вся царствия мира во мгновении; убойся, о душе, ловления, трезвися, молися на всякий час Богу.

[Христос был искушаем, диавол искушал, показуя /Ему/ камни, да будут хлебы; на гору возвел /Его/ видеть все Царства мира в мгновение; бойся, о душа, обольщения, бодрствуй и молися всякий час Богу.]

(Мф. 4:1-10, Мк. 1:12-13, Лк. 4:1-12)

Горлица пустыннолюбная, глас вопиющаго возгласи, Христов светильник, проповедуяй покаяние, Ирод беззаконнова со Иродиадою. Зри, душе моя, да не увязнеши в беззаконныя сети, но облобызай покаяние.

[Горлица пустыннолюбивая, Глас Вопиющаго, возгласил Христов Светильник, проповедующий покаяние: Ирод беззаконствовал с Иродиадою; смотри, душа моя, да не увязнешь в сети беззаконных, но возлюби покаяние.]

(Песн. 2:12, Ис. 40:3, Мф. 3:1-8, Мф. 14:3-4, Мк. 6:17, Лк. 3:19-20)

В пустыню вселися благодати Предтеча, и Иудея вся и Самария слышавше течаху и исповедаху грехи своя, крещающеся усердно: ихже ты не подражала еси, душе.

[В пустыню вселился Предтеча благодати, и Иудея и Самария стекались слушать его, исповедывали грехи свои и крестились с усердием, но им ты не подражала, душа.]

(Мф. 3:1-6, Мк. 1:3-6)

Брак убо честный и ложе нескверно, обоя бо Христос прежде благослови, плотию ядый, и в Кане же на браце воду в вино совершая, и показуя первое чудо, да ты изменишися, о душе.

[Брак честен и ложе непорочно; ибо оба Христос прежде благословил, пребывая во плоти, претворил в Кане на браке воду в вино, явив первое чудо, чтобы ты изменилась, о душа.]

(Евр. 13:4, Ин. 2:1-11)

Разслабленнаго стягну Христос, одр вземша, и юношу умерша воздвиже, вдовиче рождение, и сотнича отрока, и самаряныне явися, в дусе службу тебе, душе, предживописа.

[Христос укрепил расслабленного, взявшего одр свой, умершего юношу, сына вдовицы воздвиг от смерти, /исцелил слугу/ сотника, и, открыв Себя самарянке, изобразил тебе, душа, служение духом.]

(Мф. 9:6, Мф. 8:13, Лк. 7:12-15, Ин. 4:7-26)

Кровоточивую исцели прикосновением края ризна Господь, прокаженныя очисти, слепыя и хромыя просветив, исправи, глухия же и немыя и ничащия низу исцели словом: да ты спасешися, окаянная душе.

[Господь исцелил кровоточивую через прикосновение к одежде /Его/, очистил прокаженных, дал прозрение слепым, исправил хромых, глухих, немых и согбенную уврачевал словом, чтобы ты спаслась, несчастная душа.]

(Мф. 9:20-22, Мф. 11:4-5, Лк. 13:10-13)

Недуги исцеляя, нищим благовествоваше Христос Слово, вредныя уврачева, с мытари ядяше, со грешники беседоваше, Иаировы дщере душу предумершую возврати осязанием руки.

[Недуги исцеляя, нищим благовествовал Христос-Слово, увечных исцелял, с мытарями вкушал, с грешниками беседовал, Иаировой дочери душу предумершую возвратил прикосновением руки.]

(Мф. 4:23, Мф. 9:10-11, Мк. 5:41-42)

Мытарь спасашеся, и блудница целомудрствоваше, и фарисей, хваляся, осуждашеся. Ов убо: очисти мя; ова же: помилуй мя; сей же величашеся вопия: Боже, благодарю Тя, и прочия безумныя глаголы.

[Мытарь спасался, и блудница становилась целомудренной, и фарисей хвалившийся осуждался, один /взывал/: очисти меня, другая же — помилуй меня, а этот тщеславно восклицал: «Боже, благодарю Тебя», и прочие безумные слова.]

( Лк. 7:37-38, Лк. 7:46-47, Лк. 18:11-14)

Закхей мытарь бе, но обаче спасашеся, и фарисей Симон соблажняшеся, и блудница приимаше оставительная разрешения от Имущаго крепость оставляти грехи, юже, душе, потщися подражати.

[Закхей мытарь был, однако спасался, фарисей Симон соблазнялся, и блудница принимала разрешительное прощение от имеющаго власть оставлять грехи, которой, душа, и ты старайся подражать.]

(Лк. 7:39, Лк. 19:9, Ин. 8:3-11).

Блуднице, о окаянная душе моя, не поревновала еси, яже приимши мира алавастр, со слезами мазаше нозе Спасове, отре же власы, древних согрешений рукописание Раздирающаго ея.

[Блуднице, о окаянная душа, ты не подражала, принявшая мира алавастр, со слезами мазала ноги Господа и отирал власами ноги Господа, раздравшаго рукописание прежних ея согрешений]

(Лк. 7:37-38)

Грады, имже даде Христос благовестие, душе моя, уведала еси, како прокляти быша. Убойся указания, да не будеши якоже оны, ихже содомляном Владыка уподобив, даже до ада осуди.

[Города, которым дал Христос благовестие, узнала, как были прокляты, убойся сравнения, да не будешь, как они — их, содомлянам Владыка уподобив, даже до ада осудил.]

(Лк. 10:12-15)

Да не горшая, о душе моя, явишися отчаянием, хананеи веру слышавшая, еяже дщи словом Божиим исцелися; Сыне Давидов, спаси и мене, воззови из глубины сердца, якоже она Христу.

[Да не худшая, о душа моя, явишься отчаянием, слышавшая о вере хананеянки, которой дочь словом Божиим исцелилась: Сыне Давидов, спаси и меня, — взывай из глубины сердца, как она, Христу.]

(Мф. 15:22)

Умилосердися, спаси мя, Сыне Давидов, помилуй, беснующияся словом исцеливый, глас же благоутробный, яко разбойнику, мне рцы: аминь, глаголю тебе, со Мною будеши в раи, егда прииду во славе Моей.

[Умилосердись, спаси меня, Сын Давидов, помилуй, беснующихся словом исцеливший, голосом же милостивым мне скажи: истинно говорю тебе, со Мною будешь в раю, когда прииду во славе Моей.]

(Лк. 23:42-43)

Разбойник оглаголоваше Тя, разбойник богословяше Тя: оба бо на кресте свисяста. Но, о Благоутробне, яко верному разбойнику Твоему, познавшему Тя Бога, и мне отверзи дверь славнаго Царствия Твоего.

[Разбойник поносил Тебя, и разбойник богословил Тебя, ибо оба висели на кресте вместе, но, о Многомилостивый, как верному разбойнику Твоему, познавшему Тебя Богом, и мне открой дверь славного Царствия Твоего.]

Тварь содрогашеся, распинаема Тя видящи, горы и камения страхом распадахуся, и земля сотрясашеся, и ад обнажашеся, и соомрачашеся свет во дне, зря Тебе, Иисусе, пригвождена ко Кресту.

[Тварь содрогалась, распинаемым видя Тебя, горы и камни страхом распадались, и земля сотрясалась, ад обнажился, и свет омрачился среди дня, видя Тебя, о Иисусе, пригвожденнаго ко Кресту плотию.]

(Мф. 27:51-52, Мк. 15:38, Лк. 23:45)

Достойных покаяния плодов не истяжи от мене, ибо крепость моя во мне оскуде; сердце мне даруй присно сокрушенное, нищету же духовную: да сия Тебе принесу яко приятную жертву, едине Спасе.

[Покаяния достойных плодов не взыщи от меня, ибо крепость моя оскудела во мне, сердце мне даруй всегда сокрушенное, нищету же духовную Тебе да принесу, как приятную жертву, о единый Спаситель.]

Судие мой и Ведче мой, хотяй паки приити со ангелы судити миру всему, милостивным Твоим оком тогда видев мя, пощади и ущедри мя, Иисусе, паче всякаго естества человеча согрешивша.

[Судия мой, знающий меня, хотящий снова приидти с ангелами судить мир весь, тогда Твоим оком видев меня, пощади и помилуй меня, более всякого естества человеческого согрешившаго.]

Преподобная мати Марие, моли Бога о нас.

Удивила еси всех странным житием твоим, ангелов чины и человеков соборы, невещественно поживши и естество прешедши; имже, яко невещественныма ногама вшедши, Марие, Иордан прешла еси.

[Удивила ты всех необычайною жизнью твоею — чины ангелов и человеков соборы, невещественно пожив и победив природу, посему, Марие, ты перешла Иордан как бы бесплотными стопами.]

Преподобная мати Марие, моли Бога о нас.

Умилостиви Создателя о хвалящих тя, преподобная мати, избавитися озлоблений и скорбей, окрест нападающих: да избавившеся от напастей, возвеличим непрестанно прославльшаго тя Господа.

[Преклони на милость Творца к восхваляющим тебя, преподобная матерь, избавиться от огорчения и скорбей, кругом нападающих, да, избавившись от искушений, возвеличим непрестанно прославившего тебя Господа.]

Преподобне отче Андрее, моли Бога о нас.

Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева, и скорби, и тления, и прегрешений безмерных, чтущии твою память верно.

[Андрее честный, отче треблаженнейший, пастырь Критский, не преставай молиться о воспевающих тебя, да избавимся все гнева и скорби, и тления, и прегрешений безмерных, чтущие твою память верно.]

Слава: Троице Единосущная, Единице Триипостасная, Тя воспеваем, Отца славяще, Сына величающе и Духу покланяющеся, Единому Естеству воистинну Богу, Жизни же и живущему Царству безконечному.

[Троице Единосущная, Единице Триипостасная, Тебя воспеваем, Отца прославляем, Сына величаем и Духу покланяемся, Единому Естеству воистину Богу, Жизни же и живущему Царству бесконечному.]

И ныне, Богородичен: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

[Град Твой сохраняй, Богородительнице Пречистая, Тобою верно царствуя, Тобою и утверждается, Тобою побеждая, побеждает всякое искушение, торжествует над врагами и имеет их в послушании.]

Таже оба лика вкупе поют Ирмос:

Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

ТЕКСТ службы Страстей Господних (12 Евангелий)

Вечером в Великий Четверг в храмах совершается особенная служба — «Последование Святых и спасительных Страстей Господа нашего Иисуса Христа».

Служится утреня Великой Пятницы с чтением 12-ти Страсных Евангелий.

Текст службы на церковнославянском языке с параллельным переводом на русский и объяснениями:

Текст службы в формате .pdf

Текст службы в формате .doc

Источник: Православие в Украине

Канон Андрея Критского в понедельник первой седмицы Великого поста

Канон Андрея Критского в понедельник первой седмицы Великого поста

 

Песнь 1

Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.

 Припев: Помилуй мя, Боже, помилуй мя.

Откуду начну плакати окаяннаго моего жития деяний? Кое ли положу начало, Христе, нынешнему рыданию? Но, яко благоутробен, даждь ми прегрешений оставление.

Припев: Помилуй мя, Боже, помилуй мя.

Гряди, окаянная душе, с плотию твоею, Зиждителю всех исповеждься, и останися прочее преждняго безсловесия, и принеси Богу в покаянии слезы.

Припев: Помилуй мя, Боже, помилуй мя.

Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.

Припев: Помилуй мя, Боже, помилуй мя. 

Увы мне, окаянная душе, что уподобилася еси первей Еве? Видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.

Припев: Помилуй мя, Боже, помилуй мя. 

Вместо Евы чувственныя, мысленная ми бысть Ева, во плоти страстный помысл, показуяй сладкая и вкушаяй присно горькаго напоения.

Припев: Помилуй мя, Боже, помилуй мя.

Достойно из Едема изгнан бысть, яко не сохранив едину Твою, Спасе, заповедь Адам; аз же что постражду, отметая всегда животная Твоя словеса?

Слава, Троичен: Пресущная Троице, во Единице покланяемая, возми бремя от мене тяжкое греховное, и яко благоутробна, даждь ми слезы умиления.

И ныне, Богородичен: Богородице, Надежде и Предстательство Тебе поющих, возми бремя от мене тяжкое греховное, и яко Владычица Чистая, кающася приими мя.

 

Песнь 2

 

Ирмос: Вонми, небо, и возглаголю, и воспою Христа, от Девы плотию пришедшаго. 

Припев: Помилуй мя, Боже, помилуй мя.

 Вонми, небо, и возглаголю, земле внушай глас, кающийся к Богу и воспевающий Его. 

Припев: Помилуй мя, Боже, помилуй мя.

Вонми ми, Боже, Спасе мой, милостивым Твоим оком, и приими мое теплое исповедание. 

Припев: Помилуй мя, Боже, помилуй мя.

 Согреших паче всех человек, един согреших Тебе; но ущедри яко Бог, Спасе, творение Твое. 

Припев: Помилуй мя, Боже, помилуй мя.

 Вообразив моих страстей безобразие, любосластными стремленьми, погубих ума красоту. 

Припев: Помилуй мя, Боже, помилуй мя.

Буря мя злых обдержит, благоутробне Господи; но яко Петру, и мне руку простри.

Припев: Помилуй мя, Боже, помилуй мя. 

Оскверних плоти моея ризу, и окалях еже по образу, Спасе, и по подобию.

Припев: Помилуй мя, Боже, помилуй мя.

Омрачих душевную красоту страстей сластьми, и всячески весь ум персть сотворих.

Припев: Помилуй мя, Боже, помилуй мя.

Раздрах ныне одежду мою первую, юже ми изтка Зиждитель изначала, и оттуду лежу наг.

Припев: Помилуй мя, Боже, помилуй мя.

Облекохся в раздранную ризу, юже изтка ми змий советом, и стыждуся.

Припев: Помилуй мя, Боже, помилуй мя.

Слезы блудницы, Щедре, и аз предлагаю, очисти мя, Спасе, благоутробием Твоим.

Припев: Помилуй мя, Боже, помилуй мя.

Воззрех на садовную красоту, и прельстихся умом; и оттуду лежу наг и срамляюся.

Припев: Помилуй мя, Боже, помилуй мя.

Делаша на хребте моем вси начальницы страстей, продолжающе на мя беззаконие их.

 Слава, Троичен: Единаго Тя в триех Лицех, Бога всех пою, Отца и Сына и Духа Святаго.

И ныне, Богородичен: Пречистая Богородице Дево, Едина Всепетая, моли прилежно, во еже спастися нам.

 

Песнь 3

 

Ирмос: На недвижимом, Христе, камени заповедей Твоих утверди мое помышление.

Припев: Помилуй мя, Боже, помилуй мя.

Огнь от Господа иногда Господь одождив, землю содомскую прежде попали.

 Припев: Помилуй мя, Боже, помилуй мя.

На горе спасайся душе, якоже Лот оный, и в Сигор угонзай.

Припев: Помилуй мя, Боже, помилуй мя.

Бегай запаления, о душе, бегай содомскаго горения, бегай тления Божественнаго пламене.

Припев: Помилуй мя, Боже, помилуй мя.

Согреших Тебе един аз, согреших паче всех, Христе Спасе, да не презриши мене.

Припев: Помилуй мя, Боже, помилуй мя.

Ты еси Пастырь Добрый, взыщи мене агнца, и заблуждшаго да не презриши мене.

Припев: Помилуй мя, Боже, помилуй мя.

Ты еси сладкий Иисусе, Ты еси Создателю мой, в Тебе, Спасе, оправдаюся.

Припев: Помилуй мя, Боже, помилуй мя.

Исповедаюся Тебе, Спасе, согреших, согреших Ти, но ослаби, остави ми, яко благоутробен.

Слава, Троичен: О Троице Единице Боже, спаси нас от прелести, и искушений, и обстояний.

И ныне, Богородичен: Радуйся, Богоприятная утробо, радуйся, престоле Господень, радуйся, Мати Жизни нашея.

 

Песнь 4

 

Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

Припев: Помилуй мя, Боже, помилуй мя.

Дел Твоих да не презриши, создания Твоего да не оставиши, Правосуде. Аще и един согреших яко человек, паче всякаго человека, Человеколюбче; но имаши, яко Господь всех, власть оставляти грехи.

 

Приближается, душе, конец, приближается, и нерадиши, ни готовишися, время сокращается, востани, близ при дверех Судия есть. Яко соние, яко цвет, время жития течет: что всуе мятемся?

Припев: Помилуй мя, Боже, помилуй мя.

Воспряни, о душе моя, деяния твоя яже соделала еси помышляй, и сия пред лице твое принеси, и капли испусти слез твоих; рцы со дерзновением деяния и помышления Христу, и оправдайся.

Припев: Помилуй мя, Боже, помилуй мя.

Не бысть в житии греха, ни деяния, ни злобы, еяже аз, Спасе, не согреших, умом и словом, и произволением, и предложением, и мыслию, и деянием согрешив, яко ин никтоже когда.

Припев: Помилуй мя, Боже, помилуй мя.

Отсюду и осужден бых, отсюду препрен бых аз окаянный от своея совести, еяже ничтоже в мире нужнейше; Судие, Избавителю мой и Ведче, пощади и избави, и спаси мя раба Твоего.

Припев: Помилуй мя, Боже, помилуй мя.

Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия; аще хощеши убо деянием, и разумом, и зрением пожити, обновися.

Припев: Помилуй мя, Боже, помилуй мя.

Зной дневный претерпе лишения ради патриарх, и мраз нощный понесе, на всяк день снабдения творя, пасый, труждаяйся, работаяй, да две жене сочетает.

Припев: Помилуй мя, Боже, помилуй мя.

Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов, ни деяние, ни зрение, душе, исправится.

Слава, Троичен: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

И ныне, Богородичен: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

 

Песнь 5

 

Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя Спасе, творити волю Твою.

Припев: Помилуй мя, Боже, помилуй мя.

В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя.

Припев: Помилуй мя, Боже, помилуй мя.

Рувима подражая окаянный аз, содеях беззаконный и законопреступный совет на Бога Вышняго, осквернив ложе мое, яко отчее он.

Припев: Помилуй мя, Боже, помилуй мя.

Исповедаюся Тебе Христе Царю: согреших, согреших, яко прежде Иосифа братия продавшии, чистоты плод и целомудрия.

Припев: Помилуй мя, Боже, помилуй мя.

От сродников праведная душа связася, продася в работу сладкий, во образ Господень; ты же вся, душе, продалася еси злыми твоими.

Припев: Помилуй мя, Боже, помилуй мя.

Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.

Припев: Помилуй мя, Боже, помилуй мя.

Аще и в рове поживе иногда Иосиф, Владыко Господи, но во образ погребения и востания Твоего, аз же что Тебе когда сицевое принесу?

Слава, Троичен: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

И ныне, Богородичен: Из Тебе облечеся в мое смешение, нетленная, безмужная Мати Дево, Бог создавый веки, и соедини Себе человеческое естество.

 

Песнь 6

 

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

Припев: Помилуй мя, Боже, помилуй мя.

Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя.

Припев: Помилуй мя, Боже, помилуй мя.

Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет.

 
Припев: Помилуй мя, Боже, помилуй мя.

Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением.

Припев: Помилуй мя, Боже, помилуй мя.

Рука нас Моисеова да уверит душе, како может Бог прокаженное житие убелити и очистити, и не отчайся сама себе, аще и прокаженна еси.

Слава, Троичен: Троица есмь Проста, Нераздельна, Раздельна Личне, и Единица есмь естеством соединена, Отец глаголет, и Сын, и Божественный Дух. 

И ныне, Богородичен: Утроба Твоя Бога нам роди, воображена по нам; Егоже, яко Создателя всех, моли, Богородице, да молитвами Твоими оправдимся.

Господи, помилуй (трижды). Слава, и ныне:

Кондак, глас 6:

Душе моя, душе моя, востани, что спиши? Конец приближается, и имаши смутитися; воспряни убо, да пощадит тя Христос Бог, везде сый и вся исполняяй.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

Припев: Помилуй мя, Боже, помилуй мя.

Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже.

Припев: Помилуй мя, Боже, помилуй мя.

Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже.

 Припев: Помилуй мя, Боже, помилуй мя.

Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова.

 Припев: Помилуй мя, Боже, помилуй мя.

Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми.

Припев: Помилуй мя, Боже, помилуй мя.

Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу.

Припев: Помилуй мя, Боже, помилуй мя.

Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо Единому согреших всех Богу, Сам очисти мя.

Слава, Троичен: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

И ныне, Богородичен: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога, и Сама отверзла еси нам, сущим на земли, Небесная.

 

Песнь 8

 

Ирмос: Егоже воинства небесная славят, и трепещут Херувими и Серафими, всяко дыхание и тварь, пойте, благословите и превозносите во вся веки.

Припев: Помилуй мя, Боже, помилуй мя.

Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя.

Припев: Помилуй мя, Боже, помилуй мя.

Колесничник Илиа колесницею добродетелей вшед, яко на небеса, ношашеся превыше иногда от земных; сего убо, душе моя, восход помышляй.

 Припев: Помилуй мя, Боже, помилуй мя.

Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание.

Припев: Помилуй мя, Боже, помилуй мя.

Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание.

 Припев: Помилуй мя, Боже, помилуй мя.

Соманитида иногда праведнаго учреди о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи.

Припев: Помилуй мя, Боже, помилуй мя.

Гиезиев подражала еси окаянная разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих.

Слава, Троичен: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

И ныне, Богородичен: Яко от оброщения червленицы Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

 

Песнь 9

 

Ирмос: Безсеменнаго зачатия рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

Припев: Помилуй мя, Боже, помилуй мя.

Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?

Припев: Помилуй мя, Боже, помилуй мя.

Моисеово приведох ти, душе, миробытие, и от того все Заветное Писание, поведающее тебе праведныя и неправедныя; от нихже вторыя, о душе, подражала еси, а не первыя, в Бога согрешивши.

Припев: Помилуй мя, Боже, помилуй мя.

Закон изнеможе, празднует Евангелие, Писание же все в тебе небрежено бысть, пророцы изнемогоша и все праведное слово; струпи твои, о душе, умножишася, не сущу врачу, исцеляющему тя.

Припев: Помилуй мя, Боже, помилуй мя.

Новаго привожду ти Писания указания, вводящая тя, душе, ко умилению; праведным убо поревнуй, грешных же отвращайся и умилостиви Христа молитвами же и пощеньми, и чистотою, и говением.

Припев: Помилуй мя, Боже, помилуй мя.

Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее и мытари и прелюбодеи кающиися.

Припев: Помилуй мя, Боже, помилуй мя.

Христос вочеловечися, плоти приобщився ми и вся елика суть естества хотением исполни, греха кроме, подобие тебе, о душе, и образ предпоказуя Своего снисхождения.

Припев: Помилуй мя, Боже, помилуй мя.

Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе внегда будеши судитися.

Припев: Помилуй мя, Боже, помилуй мя.

Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.

Слава, Троичен: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету, и Светом, и Животу, и Животом, животворящему и просвещающему концы.

И ныне, Богородичен: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

Припев: Преподобне отче Андрее, моли Бога о нас.

Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева и скорби, и тления, и прегрешений безмерных, чтущии твою память верно.

 

Канон Андрея Критского в среду первой седмицы Великого поста

 

Песнь 1

Ирмос: Помощник и Покровитель бысть мне во спасение, Сей мой Бог, и прославлю Его, Бог отца моего, и вознесу Его: славно бо прославися.

От юности, Христе, заповеди Твоя преступих, всестрастно небрегий, унынием преидох житие. Темже зову Ти, Спасе: поне на конец спаси мя.

Повержена мя, Спасе, пред враты Твоими, поне на старость не отрини мене во ад тща, но прежде конца, яко Человеколюбец, даждь ми прегрешений оставление.

Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты мя ущедри.

В разбойники впадый аз есмь помышленьми моими, весь от них уязвихся ныне и исполнихся ран, но, Сам ми представ, Христе Спасе, исцели.

Священник, мя предвидев, мимо иде, и левит, видя в лютых нага, презре, но из Марии возсиявый Иисусе, Ты, представ, ущедри мя.

Преподобная мати Марие, моли Бога о нас.

Ты ми даждь светозарную благодать от Божественнаго свыше промышления избежати страстей омрачения и пети усердно Твоего, Марие, жития красная исправления.

Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.

И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.

Песнь 2

Ирмос: Вонми, Небо, и возглаголю, и воспою Христа, от Девы плотию пришедшаго.

Поползохся, яко Давид, блудно и осквернихся, но омый и мене, Спасе, слезами.

Ни слез, ниже покаяния имам, ниже умиления. Сам ми сия, Спасе, яко Бог, даруй.

Погубих первозданную доброту и благолепие мое и ныне лежу наг и стыждуся.

Дверь Твою не затвори мне тогда, Господи, Господи, но отверзи ми сию, кающемуся Тебе.

Внуши воздыхания души моея и очию моею приими капли, Спасе, и спаси мя.

Человеколюбче, хотяй всем спастися, Ты воззови мя и приими, яко благ, кающагося.

Пресвятая Богородице, спаси нас.

Пречистая Богородице Дево, Едина Всепетая, моли прилежно, во еже спастися нам.

Иный. Ирмос: Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.

Видите, видите, яко Аз есмь Бог, внушай, душе моя, Господа вопиюща, и удалися прежняго греха, и бойся, яко неумытнаго и яко Судии и Бога.

Кому уподобилася еси, многогрешная душе? токмо первому Каину и Ламеху оному, каменовавшая тело злодействы и убившая ум безсловесными стремленьми.

Вся прежде закона претекши, о душе, Сифу не уподобилася еси, ни Еноса подражала еси, ни Еноха преложением, ни Ноя, но явилася еси убога праведных жизни.

Едина отверзла еси хляби гнева Бога Твоего, душе моя, и потопила еси всю, якоже землю, плоть, и деяния, и житие, и пребыла еси вне спасительнаго ковчега.

Преподобная мати Марие, моли Бога о нас.

Всем усердием и любовию притекла еси Христу, первый греха путь отвращши, и в пустынях непроходимых питающися, и Того чисте совершающи Божественныя заповеди.

Слава: Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави огненнаго мя осуждения.

И ныне: Пречистая Владычице, Богородительнице, Надеждо к Тебе притекающих и пристанище сущих в бури, Милостиваго и Создателя и Сына Твоего умилостиви и мне молитвами Твоими.

Песнь 3

Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.

Благословения Симова не наследовала еси, душе окаянная, ни пространное одержание, якоже Иафеф, имела еси на земли оставления.

От земли Харран изыди от греха, душе моя, гряди в землю, точащую присноживотное нетление, еже Авраам наследствова.

Авраама слышала еси, душе моя, древле оставльша землю отечества и бывша пришельца, сего произволению подражай.

У дуба Мамврийскаго учредив патриарх ангелы, наследствова по старости обетования ловитву.

Исаака, окаянная душе моя, разумевши новую жертву, тайно всесожженную Господеви, подражай его произволению.

Исмаила слышала еси, трезвися, душе моя, изгнана, яко рабынино отрождение, виждь, да не како подобно что постраждеши, ласкосердствующи.

Преподобная мати Марие, моли Бога о нас.

Содержим есмь бурею и треволнением согрешений, но сама мя, мати, ныне спаси и к пристанищу Божественнаго покаяния возведи.

Преподобная мати Марие, моли Бога о нас.

Рабское моление И ныне, преподобная, принесши ко благоутробней молитвами твоими Богородице, отверзи ми Божественныя входы.

Слава: Троице Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.

И ныне: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.

Песнь 4

Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

Тело осквернися, дух окаляся, весь острупихся, но яко врач, Христе, обоя покаянием моим уврачуй, омый, очисти, покажи, Спасе мой, паче снега чистейша.

Тело Твое и кровь, распинаемый о всех, положил еси, Слове: тело убо, да мя обновиши, кровь, да омыеши мя. Дух же предал еси, да мя приведеши, Христе, Твоему Родителю.

Соделал еси спасение посреде земли, Щедре, да спасемся. Волею на древе распялся еси, Едем затворенный отверзеся, горняя и дольняя тварь, языцы вси, спасени, покланяются Тебе.

Да будет ми купель кровь из ребр Твоих, вкупе и питие, источившее воду оставления, да обоюду очищаюся, помазуяся и пия, яко помазание и питие, Слове, животочная Твоя словеса.

Чашу Церковь стяжа, ребра Твоя живоносная, из нихже сугубыя нам источи токи оставления и разума во образ древняго и новаго, двоих вкупе заветов, Спасе наш.

Наг есмь чертога, наг есмь и брака, купно и вечери; светильник угасе, яко безъелейный, чертог заключися мне спящу, вечеря снедеся, аз же по руку и ногу связан, вон низвержен есмь.

Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

Песнь 5

Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.

Яко тяжкий нравом, фараону горькому бых, Владыко, Ианни и Иамври, душею и телом, и погружен умом, но помози ми.

Калом смесихся, окаянный, умом, омый мя, Владыко, банею моих слез, молю Тя, плоти моея одежду убелив, яко снег.

Аще испытаю моя дела, Спасе, всякаго человека превозшедша грехами себе зрю, яко разумом мудрствуяй, согреших не неведением.

Пощади, пощади, Господи, создание Твое, согреших, ослаби ми, яко естеством чистый Сам сый Един, и ин разве Тебе никтоже есть кроме скверны.

Мене ради Бог сый, вообразился еси в мя, показал еси чудеса, исцелив прокаженныя и разслабленнаго стягнув, кровоточивыя ток уставил еси, Спасе, прикосновением риз.

Преподобная мати Марие, моли Бога о нас.

Струи Иорданския прешедши, обрела еси покой безболезненный, плоти сласти избежавши, еяже и нас изми твоими молитвами, преподобная.

Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

Песнь 6

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

Востани и побори, яко Иисус Амалика, плотския страсти, и гаваониты, лестныя помыслы, присно побеждающи.

Преиди, времене текущее естество, яко прежде ковчег, и земли оныя буди во одержании обетования, душе, Бог повелевает.

Яко спасл еси Петра, возопивша, спаси, предварив мя, Спасе, от зверя избави, простер Твою руку, и возведи из глубины греховныя.

Пристанище Тя вем утишное, Владыко, Владыко Христе, но от незаходимых глубин греха и отчаяния мя, предварив, избави.

Слава: Троица есмь Проста, Нераздельна, раздельна Личне, и Единица есмь естеством соединена, Отец глаголет, и Сын, и Божественный Дух.

И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.

Господи, помилуй. (Трижды.)

Слава, и ныне:

Кондак, глас 6:

Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

Манассиева собрала еси согрешения изволением, поставльши яко мерзости страсти и умноживши, душе, негодования, но того покаянию ревнующи тепле, стяжи умиление.

Ахаавовым поревновала еси сквернам, душе моя, увы мне, была еси плотских скверн пребывалище и сосуд срамлен страстей, но из глубины твоея воздохни и глаголи Богу грехи твоя.

Заключися тебе небо, душе, и глад Божий постиже тя, егда Илии Фесвитянина, якоже Ахаав, не покорися словесем иногда, но Сараффии уподобився, напитай пророчу душу.

Попали Илия иногда дващи пятьдесят Иезавелиных, егда студныя пророки погуби, во обличение Ахаавово, но бегай подражания двою, душе, и укрепляйся.

Слава: Троице Простая, Нераздельная, Единосущная, и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

И ныне: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога и Сама отверзла еси нам, сущим на земли, Небесная.

Песнь 8

Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

Правосуде Спасе, помилуй и избави мя огня и прещения, еже имам на суде праведно претерпети; ослаби ми прежде конца добродетелию и покаянием.

Яко разбойник, вопию Ти: помяни мя; яко Петр, плачу горце: ослаби ми, Спасе; зову, яко мытарь, слезю, яко блудница; приими мое рыдание, якоже иногда хананеино.

Гноение, Спасе, исцели смиренныя моея души, Едине Врачу, пластырь мне наложи, и елей, и вино, дела покаяния, умиление со слезами.

Хананею и аз подражая, помилуй мя, вопию, Сыне Давидов; касаюся края ризы, яко кровоточивая, плачу, яко Марфа и Мария над Лазарем.

Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

Песнь 9

Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

Недуги исцеляя, нищим благовествоваше Христос Слово, вредныя уврачева, с мытари ядяше, со грешники беседоваше, Иаировы дщере душу предумершую возврати осязанием руки.

Мытарь спасашеся, и блудница целомудрствоваше, и фарисей, хваляся, осуждашеся. Ов убо: очисти мя; ова же: помилуй мя; сей же величашеся вопия: Боже, благодарю Тя, и прочия безумныя глаголы.

Закхей мытарь бе, но обаче спасашеся, и фарисей Симон соблажняшеся, и блудница приимаше оставительная разрешения от Имущаго крепость оставляти грехи, юже, душе, потщися подражати.

Блуднице, о окаянная душе моя, не поревновала еси, яже приимши мира алавастр, со слезами мазаше нозе Спасове, отре же власы, древних согрешений рукописание Раздирающаго ея.

Грады, имже даде Христос благовестие, душе моя, уведала еси, како прокляти быша. Убойся указания, да не будеши якоже оны, ихже содомляном Владыка уподобив, даже до ада осуди.

Да не горшая, о душе моя, явишися отчаянием, хананеи веру слышавшая, еяже дщи словом Божиим исцелися; Сыне Давидов, спаси и мене, воззови из глубины сердца, якоже она Христу.

Слава: Отца прославим, Сына превознесем, Божественному Духу верно поклонимся, Троице Нераздельней, Единице по Существу, яко Свету и Светом, и Животу и Животом, Животворящему и Просвещающему концы.

И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

Преподобне отче Андрее, моли Бога о нас.

Андрее честный и отче треблаженнейший, пастырю Критский, не престай моляся о воспевающих тя, да избавимся вси гнева, и скорби, и тления, и прегрешений безмерных, чтущии твою память верно.

Таже оба лика вкупе поют Ирмос:

Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

 

Канон Андрея Критского во вторник первой седмицы Великого поста

Канон Андрея Критского во вторник первой седмицы Великого поста

Песнь 1

Ирмос: Помощник и Покровитель бысть мне во спасение, Сей мой Бог, и прославлю Его, Бог отца моего, и вознесу Его: славно бо прославися.

Припев: Помилуй мя, Боже, помилуй мя.

Каиново прешед убийство, произволением бых убийца совести душевней, оживив плоть и воевав на ню лукавыми моими деяньми.

Припев: Помилуй мя, Боже, помилуй мя.

Авелеве, Иисусе, не уподобихся правде, дара Тебе приятна не принесох когда, ни деяния божественна, ни жертвы чистыя, ни жития непорочнаго.

Припев: Помилуй мя, Боже, помилуй мя.

Яко Каин и мы, душе окаянная, всех Содетелю деяния скверная, и жертву порочную, и непотребное житие принесохом вкупе: темже и осудихомся.

Припев: Помилуй мя, Боже, помилуй мя.

Брение Здатель живосоздав, вложил еси мне плоть и кости, и дыхание, и жизнь; но, о Творче мой, Избавителю мой и Судие, кающася приими мя.

Припев: Помилуй мя, Боже, помилуй мя.

Извещаю Ти, Спасе, грехи, яже содеях, и души и тела моего язвы, яже внутрь убийственнии помыслы разбойнически на мя возложиша.

Припев: Помилуй мя, Боже, помилуй мя.

Аще и согреших, Спасе, но вем, яко Человеколюбец еси, наказуеши милостивно и милосердствуеши тепле: слезяща зриши и притекаеши, яко отец, призывая блуднаго.

Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.

И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.

Песнь 2

Ирмос: Вонми, Небо, и возглаголю, и воспою Христа, от Девы плотию пришедшаго.

Припев: Помилуй мя, Боже, помилуй мя.

Сшиваше кожныя ризы грех мне, обнаживый мя первыя боготканныя одежды.

Припев: Помилуй мя, Боже, помилуй мя.

Обложен есмь одеянием студа, якоже листвием смоковным, во обличение моих самовластных страстей.

Припев: Помилуй мя, Боже, помилуй мя.

Одеяхся в срамную ризу и окровавленную студно течением страстнаго и любосластнаго живота.

Припев: Помилуй мя, Боже, помилуй мя.

Впадох в страстную пагубу и в вещественную тлю, и оттоле до ныне враг мне досаждает.

Припев: Помилуй мя, Боже, помилуй мя.

Любовещное и любоименное житие невоздержанием, Спасе, предпочет ныне, тяжким бременем обложен есмь.

Припев: Помилуй мя, Боже, помилуй мя.

Украсих плотский образ скверных помышлений различным обложением и осуждаюся.

Припев: Помилуй мя, Боже, помилуй мя.

Внешним прилежно благоукрашением единем попекохся, внутреннюю презрев Богообразную скинию.

Припев: Помилуй мя, Боже, помилуй мя.

Погребох перваго образа доброту, Спасе, страстьми, юже, яко иногда драхму, взыскав, обрящи.

Припев: Помилуй мя, Боже, помилуй мя.

Согреших, якоже блудница, вопию Ти: един согреших Тебе, яко миро, приими, Спасе, и моя слезы.

Припев: Помилуй мя, Боже, помилуй мя.

Очисти, якоже мытарь, вопию Ти, Спасе, очисти мя: никтоже бо сущих из Адама, якоже аз, согреших Тебе.

Припев: Помилуй мя, Боже, помилуй мя.

Слава: Единаго Тя в Триех Лицех, Бога всех пою, Отца и Сына и Духа Святаго.

И ныне: Пречистая Богородице Дево, Едина Всепетая, моли прилежно, во еже спастися нам.

Песнь 3

Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.

Припев: Помилуй мя, Боже, помилуй мя.

Источник живота стяжах Тебе, смерти Низложителя, и вопию Ти от сердца моего прежде конца: согреших, очисти и спаси мя.

Припев: Помилуй мя, Боже, помилуй мя.

Согреших, Господи, согреших Тебе, очисти мя: несть бо иже кто согреши в человецех, егоже не превзыдох прегрешеньми.

Припев: Помилуй мя, Боже, помилуй мя.

При Нои, Спасе, блудствовавшия подражах, онех наследствовах осуждение в потопе погружения.

Припев: Помилуй мя, Боже, помилуй мя.

Хама онаго, душе, отцеубийца подражавши, срама не покрыла еси искренняго, вспять зря возвратившися.

Припев: Помилуй мя, Боже, помилуй мя.

Запаления, якоже Лот, бегай, душе моя, греха: бегай Содомы и Гоморры, бегай пламене всякаго безсловеснаго желания.

Припев: Помилуй мя, Боже, помилуй мя.

Помилуй, Господи, помилуй мя, вопию Ти, егда приидеши со ангелы Твоими воздати всем по достоянию деяний.

Слава: Троице Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.

И ныне: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.

Песнь 4

Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

Припев: Помилуй мя, Боже, помилуй мя.

Бди, о душе моя, изрядствуй, якоже древле великий в патриарсех, да стяжеши деяние с разумом, да будеши ум, зряй Бога, и достигнеши незаходящий мрак в видении, и будеши великий купец.

Припев: Помилуй мя, Боже, помилуй мя.

Дванадесять патриархов великий в патриарсех детотворив, тайно утверди тебе лествицу деятельнаго, душе моя, восхождения: дети, яко основания, степени, яко восхождения, премудренно подложив.

Припев: Помилуй мя, Боже, помилуй мя.

Исава возненавиденнаго подражала еси, душе, отдала еси прелестнику твоему первыя доброты первенство и отеческия молитвы отпала еси, и дважды поползнулася еси, окаянная, деянием и разумом: темже ныне покайся.

Припев: Помилуй мя, Боже, помилуй мя.

Едом Исав наречеся, крайняго ради женонеистовнаго смешения: невоздержанием бо присно разжигаем и сластьми оскверняем, Едом именовася, еже глаголется разжжение души любогреховныя.

Припев: Помилуй мя, Боже, помилуй мя.

Иова на гноищи слышавши, о душе моя, оправдавшагося, того мужеству не поревновала еси, твердаго не имела еси предложения во всех, яже веси, и имиже искусилася еси, но явилася еси нетерпелива.

Припев: Помилуй мя, Боже, помилуй мя.

Иже первее на престоле, наг ныне на гноище гноен, многий в чадех и славный, безчаден и бездомок напрасно: палату убо гноище и бисерие струпы вменяше.

Припев: Помилуй мя, Боже, помилуй мя.

Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

Песнь 5

Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.

Припев: Помилуй мя, Боже, помилуй мя.

Моисеов слышала еси ковчежец, душе, водами, волнами носим речными, яко в чертозе древле бегающий дела, горькаго совета фараонитска.

Припев: Помилуй мя, Боже, помилуй мя.

Аще бабы слышала еси, убивающия иногда безвозрастное мужеское, душе окаянная, целомудрия деяние, ныне, яко великий Моисей, еси премудрость.

Припев: Помилуй мя, Боже, помилуй мя.

Яко Моисей великий египтянина, ума, уязвивши, окаянная, не убила еси, душе; и како вселишися, глаголи, в пустыню страстей покаянием?

Припев: Помилуй мя, Боже, помилуй мя.

В пустыню вселися великий Моисей; гряди убо, подражай того житие, да и в купине Богоявления, душе, в видении будеши.

Припев: Помилуй мя, Боже, помилуй мя.

Моисеов жезл воображай, душе, ударяющий море и огустевающий глубину, во образ Креста Божественнаго: имже можеши и ты великая совершити.

Припев: Помилуй мя, Боже, помилуй мя.

Аарон приношаше огнь Богу непорочный, нелестный; но Офни и Финеес, яко ты, душе, приношаху чуждее Богу, оскверненное житие.

Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

Песнь 6

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

Припев: Помилуй мя, Боже, помилуй мя.

Волны, Спасе, прегрешений моих, яко в мори Чермнем возвращающеся, покрыша мя внезапу, яко египтяны иногда и тристаты.

Припев: Помилуй мя, Боже, помилуй мя.

Неразумное, душе, произволение имела еси, яко прежде Израиль: Божественныя бо манны предсудила еси безсловесно любосластное страстей объядение.

Припев: Помилуй мя, Боже, помилуй мя.

Кладенцы, душе, предпочла еси хананейских мыслей паче жилы камене, из негоже премудрости река, яко чаша, проливает токи богословия.

Припев: Помилуй мя, Боже, помилуй мя.

Свиная мяса и котлы и египетскую пищу, паче Небесныя, предсудила еси, душе моя, якоже древле неразумнии людие в пустыни.

Припев: Помилуй мя, Боже, помилуй мя.

Яко удари Моисей, раб Твой, жезлом камень, образно животворивая ребра Твоя прообразоваше, из нихже вси питие жизни, Спасе, почерпаем.

Припев: Помилуй мя, Боже, помилуй мя.

Испытай, душе, и смотряй, якоже Иисус Навин, обетования землю, какова есть, и вселися в ню благозаконием.

Слава: Троица есмь Проста, Нераздельна, раздельна Личне и Единица есмь естеством соединена, Отец глаголет, и Сын, и Божественный Дух.

И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.

Господи, помилуй. (Трижды.)

Слава, и ныне:

Кондак, глас 6:

Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

Припев: Помилуй мя, Боже, помилуй мя.

Кивот яко ношашеся на колеснице, Зан оный, егда превращшуся тельцу, точию коснуся, Божиим искусися гневом; но того дерзновения убежавши, душе, почитай Божественная честне.

Припев: Помилуй мя, Боже, помилуй мя.

Слышала еси Авессалома, како на естество воста, познала еси того скверная деяния, имиже оскверни ложе Давида отца; но ты подражала еси того страстная и любосластная стремления.

Припев: Помилуй мя, Боже, помилуй мя.

Покорила еси неработное твое достоинство телу твоему, иного бо Ахитофела обретше врага, душе, снизшла еси сего советом; но сия разсыпа Сам Христос, да ты всяко спасешися.

Припев: Помилуй мя, Боже, помилуй мя.

Соломон чудный и благодати премудрости исполненный, сей лукавое иногда пред Богом сотворив, отступи от Него; емуже ты проклятым твоим житием, душе, уподобилася еси.

Припев: Помилуй мя, Боже, помилуй мя.

Сластьми влеком страстей своих, оскверняшеся, увы мне, рачитель премудрости, рачитель блудных жен и странен от Бога: егоже ты подражала еси умом, о душе, сладострастьми скверными.

Припев: Помилуй мя, Боже, помилуй мя.

Ровоаму поревновала еси, не послушавшему совета отча, купно же и злейшему рабу Иеровоаму, прежнему отступнику, душе, но бегай подражания и зови Богу: согреших, ущедри мя.

Припев: Помилуй мя, Боже, помилуй мя.

Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

И ныне: Поем Тя, благословим Тя, покланяемся Ти, Богородительнице, яко Неразлучныя Троицы породила еси Единаго Христа Бога и Сама отверзла еси нам, сущим на земли, Небесная.

Песнь 8

Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

Припев: Помилуй мя, Боже, помилуй мя.

Ты Озии, душе, поревновавши, сего прокажение в себе стяжала еси сугубо: безместная бо мыслиши, беззаконная же дееши; остави, яже имаши, и притецы к покаянию.

Припев: Помилуй мя, Боже, помилуй мя.

Ниневитяны, душе, слышала еси кающияся Богу, вретищем и пепелом, сих не подражала еси, но явилася еси злейшая всех, прежде закона и по законе прегрешивших.

Припев: Помилуй мя, Боже, помилуй мя.

В рове блата слышала еси Иеремию, душе, града Сионя рыданьми вопиюща и слез ищуща: подражай сего плачевное житие и спасешися.

Припев: Помилуй мя, Боже, помилуй мя.

Иона в Фарсис побеже, проразумев обращение ниневитянов, разуме бо, яко пророк, Божие благоутробие: темже ревноваше пророчеству не солгатися.

Припев: Помилуй мя, Боже, помилуй мя.

Даниила в рове слышала еси, како загради уста, о душе, зверей; уведела еси, како отроцы, иже о Азарии, погасиша верою пещи пламень горящий.

Припев: Помилуй мя, Боже, помилуй мя.

Ветхаго Завета вся приведох ти, душе, к подобию; подражай праведных боголюбивая деяния, избегни же паки лукавых грехов.

Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

Песнь 9

Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

Припев: Помилуй мя, Боже, помилуй мя.

Христос искушашеся, диавол искушаше, показуя камение, да хлеби будут, на гору возведе видети вся царствия мира во мгновении; убойся, о душе, ловления, трезвися, молися на всякий час Богу.

Припев: Помилуй мя, Боже, помилуй мя.

Горлица пустыннолюбная, глас вопиющаго возгласи, Христов светильник, проповедуяй покаяние, Ирод беззаконнова со Иродиадою. Зри, душе моя, да не увязнеши в беззаконныя сети, но облобызай покаяние.

Припев: Помилуй мя, Боже, помилуй мя.

В пустыню вселися благодати Предтеча, и Иудея вся и Самария, слышавше, течаху и исповедаху грехи своя, крещающеся усердно: ихже ты не подражала еси, душе.

Припев: Помилуй мя, Боже, помилуй мя.

Брак убо честный и ложе нескверно, обоя бо Христос прежде благослови, плотию ядый и в Кане же на браце воду в вино совершая, и показуя первое чудо, да ты изменишися, о душе.

Припев: Помилуй мя, Боже, помилуй мя.

Разслабленнаго стягну Христос, одр вземша, и юношу умерша воздвиже, вдовиче рождение, и сотнича отрока, и самаряныне явися, в дусе службу тебе, душе, предживописа.

Припев: Помилуй мя, Боже, помилуй мя.

Кровоточивую исцели прикосновением края ризна Господь, прокаженныя очисти, слепыя и хромыя просветив, исправи, глухия же, и немыя, и ничащия низу исцели словом: да ты спасешися, окаянная душе.

Слава: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету и Светом, и Животу и Животом, Животворящему и Просвещающему концы.

И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

Преподобне отче Андрее, моли Бога о нас.

Андрее честный и отче треблаженнейший, пастырю Критский, не престай моляся о воспевающих тя, да избавимся вси гнева, и скорби, и тления, и прегрешений безмерных, чтущии твою память верно.

 

 

Канон Андрея Критского в четверг первой седмицы Великого поста

Канон Андрея Критского в четверг первой седмицы Великого поста

Песнь 1

Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.

Припев: Помилуй мя, Боже, помилуй мя.

Агнче Божий, вземляй грехи всех, возьми бремя от мене тяжкое греховное, и, яко благоутробен, даждь ми слезы умиления.

 Припев: Помилуй мя, Боже, помилуй мя.

Тебе припадаю, Иисусе, согреших Ти, очисти мя, возьми бремя от мене тяжкое греховное и, яко благоутробен, даждь ми слезы умиления.

 Припев: Помилуй мя, Боже, помилуй мя.

Не вниди со мною в суд, нося моя деяния, словеса изыскуя и исправляя стремления. Но в щедротах Твоих презирая моя лютая, спаси мя, Всесильне.

 Припев: Помилуй мя, Боже, помилуй мя.

Покаяния время, прихожду Ти, Создателю моему: возьми бремя от мене тяжкое греховное и, яко благоутробен, даждь ми слезы умиления.

 Припев: Помилуй мя, Боже, помилуй мя.

Богатство душевное иждив грехом, пуст есмь добродетелей благочестивых, гладствуя же зову: милости подателю Господи, спаси мя.

Припев: Преподобная мати Марие, моли Бога о нас.

Приклоньшися Христовым Божественным законом, к сему приступила еси, сладостей неудержимая стремления оставивши, и всякую добродетель всеблагоговейно, яко едину, исправила еси.

Слава: Пресущественная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.

И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.

Песнь 2

Ирмос: Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.

 Припев: Помилуй мя, Боже, помилуй мя.

Мужа убих, глаголет, в язву мне и юношу в струп, Ламех, рыдая, вопияше; ты же не трепещеши, о душе моя, окалявши плоть и ум осквернивши.

 Припев: Помилуй мя, Боже, помилуй мя.

Столп умудрила еси создати, о душе, и утверждение водрузити твоими похотьми, аще не бы Зиждитель удержал советы твоя и низвергл на землю ухищрения твоя.

 Припев: Помилуй мя, Боже, помилуй мя.

О како поревновах Ламеху, первому убийце, душу, яко мужа, ум, яко юношу, яко брата же моего, тело убив, яко Каин убийца, любосластными стремленьми.

 Припев: Помилуй мя, Боже, помилуй мя.

Одожди Господь от Господа огнь иногда на беззаконие гневающее, сожег содомляны; ты же огнь вжегла еси геенский, в немже имаши, о душе, сожещися.

 Припев: Помилуй мя, Боже, помилуй мя.

Уязвихся, уранихся, се стрелы вражия, уязвившия мою душу и тело; се струпи, гноения, омрачения вопиют, раны самовольных моих страстей.

Припев: Преподобная мати Марие, моли Бога о нас.

Простерла еси руце твои к щедрому Богу, Марие, в бездне зол погружаемая; и якоже Петру человеколюбно руку Божественную простре твое обращение всячески Иский.

Слава: Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави мя огненнаго осуждения.

И ныне: Пречистая Владычице, Богородительнице, Надеждо к Тебе притекающих и пристанище сущих в бури, Милостиваго и Создателя и Сына Твоего умилостиви и мне молитвами Твоими.

Песнь 3

Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.

 Припев: Помилуй мя, Боже, помилуй мя.

Агаре древле, душе, египтяныне уподобилася еси, поработившися произволением и рождши новаго Исмаила, презорство.

 Припев: Помилуй мя, Боже, помилуй мя.

Иаковлю лествицу разумела еси, душе моя, являемую от земли к Небесем: почто не имела еси восхода тверда, благочестия.

 Припев: Помилуй мя, Боже, помилуй мя.

Священника Божия и царя уединена, Христово подобие в мире жития, в человецех подражай.

 Припев: Помилуй мя, Боже, помилуй мя.

Обратися, постени, душе окаянная, прежде даже не приимет конец жития торжество, прежде даже дверь не заключит чертога Господь.

 Припев: Помилуй мя, Боже, помилуй мя.

Не буди столп сланый, душе, возвратившися вспять, образ да устрашит тя содомский, горе в Сигор спасайся.

 Припев: Помилуй мя, Боже, помилуй мя.

Моления, Владыко, Тебе поющих не отвержи, но ущедри, Человеколюбче, и подаждь верою просящим оставление.

Слава: Троица Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.

И ныне: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.

Песнь 4

Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.

 Припев: Помилуй мя, Боже, помилуй мя.

Время живота моего мало и исполнено болезней и лукавства, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

 Припев: Помилуй мя, Боже, помилуй мя.

Царским достоинством, венцем и багряницею одеян, многоименный человек и праведный, богатством кипя и стады, внезапу богатства, славы царства, обнищав, лишися.

 Припев: Помилуй мя, Боже, помилуй мя.

Аще праведен бяше он и непорочен паче всех, и не убеже ловления льстиваго и сети; ты же, грехолюбива сущи, окаянная душе, что сотвориши, аще чесому от недоведомых случится наити тебе?

 Припев: Помилуй мя, Боже, помилуй мя.

Высокоглаголив ныне есмь, жесток же и сердцем, вотще и всуе, да не с фарисеем осудиши мя. Паче же мытарево смирение подаждь ми, Едине Щедре, Правосуде, и сему мя сочисли.

 Припев: Помилуй мя, Боже, помилуй мя.

Согреших, досадив сосуду плоти моея, вем, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

 Припев: Помилуй мя, Боже, помилуй мя.

Самоистукан бых страстьми, душу мою вредя, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

 Припев: Помилуй мя, Боже, помилуй мя.

Не послушах гласа Твоего, преслушах Писание Твое, Законоположника, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.

Припев: Преподобная мати Марие, моли Бога о нас.

Великих безместий во глубину низведшися, неодержима была еси; но востекла еси помыслом лучшим к крайней деяньми яве добродетели преславно, ангельское естество, Марие, удививши.

Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.

И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.

Песнь 5

Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.

 Припев: Помилуй мя, Боже, помилуй мя.

Низу сничащую подражай, о душе, прииди, припади к ногама Иисусовыма, да тя исправит, и да ходиши право стези Господни.

 Припев: Помилуй мя, Боже, помилуй мя.

Аще и кладязь еси глубокий, Владыко, источи ми воду из пречистых Твоих жил, да, яко самаряныня, не ктому, пияй, жажду: жизни бо струи источаеши.

 Припев: Помилуй мя, Боже, помилуй мя.

Силоам да будут ми слезы моя, Владыко Господи, да умыю и аз зеницы сердца, и вижду Тя, умна Света превечна.

Припев: Преподобная мати Марие, моли Бога о нас.

Несравненным желанием, всебогатая, древу возжелевши поклонитися животному, сподобилася еси желания, сподоби убо и мене улучити вышния славы.

Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.

И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.

Песнь 6

Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.

 Припев: Помилуй мя, Боже, помилуй мя.

Аз есмь, Спасе, юже погубил еси древле царскую драхму; но вжег светильник, Предтечу Твоего, Слове, взыщи и обрящи Твой образ.

 Припев: Помилуй мя, Боже, помилуй мя.

Востани и побори, яко Иисус Амалика, плотския страсти, и гаваониты, лестныя помыслы, присно побеждающи.

Припев: Преподобная мати Марие, моли Бога о нас.

Да страстей пламень угасиши, слез капли источала еси присно, Марие, душею распаляема, ихже благодать подаждь и мне, твоему рабу.

Припев: Преподобная мати Марие, моли Бога о нас.

Безстрастие Небесное стяжала еси крайним на земли житием, мати. Темже тебе поющим страстей избавитися молитвами твоими молися.

Слава: Троица есмь Проста, Нераздельна, раздельна Личне и Единица есмь естеством соединена, Отец глаголет, и Сын, и Божественный Дух.

И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да Твоими молитвами оправдимся.

Господи, помилуй. (Трижды.)

Слава, и ныне:

Кондак, глас 6:

Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.

Песнь 7

Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.

 Припев: Помилуй мя, Боже, помилуй мя.

Исчезоша дние мои, яко соние востающаго; темже, яко Езекия, слезю на ложи моем, приложитися мне летом живота. Но кий Исаия предстанет тебе, душе, аще не всех Бог?

 Припев: Помилуй мя, Боже, помилуй мя.

Припадаю Ти и приношу Тебе, якоже слезы, глаголы моя: согреших, яко не согреши блудница, и беззаконновах, яко иный никтоже на земли. Но ущедри, Владыко, творение Твое и воззови мя.

 Припев: Помилуй мя, Боже, помилуй мя.

Погребох образ Твой и растлих заповедь Твою, вся помрачися доброта, и страстьми угасися, Спасе, свеща. Но ущедрив, воздаждь ми, якоже поет Давид, радование.

 Припев: Помилуй мя, Боже, помилуй мя.

Обратися, покайся, открый сокровенная, глаголи Богу, вся ведущему: Ты веси моя тайная, Едине Спасе. Но Сам мя помилуй, якоже поет Давид, по милости Твоей.

Припев: Преподобная мати Марие, моли Бога о нас.

Возопивши к Пречистей Богоматери, первее отринула еси неистовство страстей, нужно стужающих, и посрамила еси врага запеншаго. Но даждь ныне помощь от скорби и мне, рабу твоему.

Припев: Преподобная мати Марие, моли Бога о нас.

Егоже возлюбила еси, Егоже возжелела еси, Егоже ради плоть изнурила еси, преподобная, моли ныне Христа о рабех: яко да милостив быв всем нам, мирное состояние дарует почитающим Его.

Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.

И ныне: Поем Тя, благословим Тя, покланяемся Ти, Богородительнице, яко Неразлучныя Троицы породила еси Единаго Христа Бога и Сама отверзла еси нам, сущим на земли, Небесная.

Песнь 8

Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.

 Припев: Помилуй мя, Боже, помилуй мя.

Слезную, Спасе, сткляницу яко миро истощавая на главу, зову Ти, якоже блудница, милости ищущая, мольбу приношу и оставление прошу прияти.

 Припев: Помилуй мя, Боже, помилуй мя.

Аще и никтоже, якоже аз, согреши Тебе, но обаче приими и мене, благоутробне Спасе, страхом кающася и любовию зовуща: согреших Тебе Единому, помилуй мя, Милостиве.

 Припев: Помилуй мя, Боже, помилуй мя.

Пощади, Спасе, Твое создание и взыщи, яко Пастырь, погибшее, предвари заблуждшаго, восхити от волка, сотвори мя овча на пастве Твоих овец.

 Припев: Помилуй мя, Боже, помилуй мя.

Егда, Судие, сядеши, яко благоутробен, и покажеши страшную славу Твою, Спасе, о каковый страх тогда, пещи горящей, всем боящимся нестерпимаго судища Твоего.

Припев: Преподобная мати Марие, моли Бога о нас.

Света незаходимаго Мати тя просветивши, от омрачения страстей разреши. Темже вшедши в духовную благодать, просвети, Марие, тя верно восхваляющия.

Припев: Преподобная мати Марие, моли Бога о нас.

Чудо ново видев, ужасашеся божественный в тебе воистинну, мати, Зосима: ангела бо зряше во плоти и ужасом весь исполняшеся, Христа поя во веки.

Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.

И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.

Песнь 9

Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.

 Припев: Помилуй мя, Боже, помилуй мя.

Умилосердися, спаси мя, Сыне Давидов, помилуй, беснующияся словом исцеливый, глас же благоутробный, яко разбойнику, мне рцы: аминь, глаголю тебе, со Мною будеши в раи, егда прииду во славе Моей.

 Припев: Помилуй мя, Боже, помилуй мя.

Разбойник оглаголоваше Тя, разбойник богословяше Тя: оба бо на кресте свисяста. Но, о Благоутробне, яко верному разбойнику Твоему, познавшему Тя Бога, и мне отверзи дверь славнаго Царствия Твоего.

 Припев: Помилуй мя, Боже, помилуй мя.

Тварь содрогашеся, распинаема Тя видящи, горы и камения страхом распадахуся, и земля сотрясашеся, и ад обнажашеся, и соомрачашеся свет во дни, зря Тебе, Иисусе, пригвождена ко Кресту.

 Припев: Помилуй мя, Боже, помилуй мя.

Достойных покаяния плодов не истяжи от мене, ибо крепость моя во мне оскуде; сердце мне даруй присно сокрушенное, нищету же духовную: да сия Тебе принесу яко приятную жертву, Едине Спасе.

 Припев: Помилуй мя, Боже, помилуй мя.

Судие мой и Ведче мой, хотяй паки приити со ангелы, судити миру всему, милостивным Твоим оком тогда видев мя, пощади и ущедри мя, Иисусе, паче всякаго естества человеча согрешивша.

Припев: Преподобная мати Марие, моли Бога о нас.

Удивила еси всех странным житием твоим, ангелов чины и человеков соборы, невещественно поживши и естество прешедши: имже, яко невещественныма ногама вшедши, Марие, Иордан прешла еси.

Припев: Преподобная мати Марие, моли Бога о нас.

Умилостиви Создателя о хвалящих тя, преподобная мати, избавитися озлоблений и скорбей, окрест нападающих: да избавившеся от напастей, возвеличим непрестанно прославльшаго тя Господа.

Припев: Преподобне отче Андрее, моли Бога о нас.

Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева, и скорби, и тления, и прегрешений безмерных, чтущии твою память верно.

Слава: Отца прославим, Сына превознесем, Божественному Духу верно поклонимся, Троице Нераздельней, Единице по Существу, яко Свету и Светом, и Животу и Животом, Животворящему и Просвещающему концы.

И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.

 

 

 

Акафист священномученику Харалампию

День памяти:
23 февраля (н. ст.)
 
Тропарь, глас 4

Яко столп избранный Церкве Христовой и светильник присносветлый всея вселенныя, премудре показася, Харалампие, возсия в мире мучением, разруши идольское мракобесие, блаженне, сего ради явися предстатель Христу, молися спастися нам.

Кондак, глас 8

Подобствовав благодатию священства, славне, Церковь светло украсил еси Божественным страданием, еже за Христа приял еси доблественно, радуяся, Харалампие, честный светильниче всемирный, осияваяй концы, яко непобедимый.

 
АКАФИСТ
 
Кондак 1

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же, яко имеяй велие дерзновение ко Господу, от всяких нас бед свободи, зовущих: Радуйся, Харалампие, милосердый наш пред Богом заступниче и предивный чудотворче.

Икос 1

Ангели на небеси радовахуся непорочному житию твоему, священномучениче Харалампие, ты бо последовал еси святым пророком и апостолом, наставляя люди на путь спасения. Сего ради вопием ти:

Радуйся, великий светильниче Церкве.

Радуйся, проповедниче правды.

Радуйся, словес жизни вечныя учителю.

Радуйся, идолослужения обличителю.

Радуйся, имже сатана посрамляется.

Радуйся, имже вера Христова прославляется.

Радуйся, яко именем Христовым вражию силу низложил еси.

Радуйся, яко силою Божиею козни бесовския разрушил еси.

Радуйся, Харалампие, милосердый наш пред Богом заступниче и предивный чудотворче.

Кондак 2

Видяще житие твое, благочестия и чистоты исполненное, и слышаще пламенную проповедь твою, служителие Господа Иисуса Христа, укреплени бывше в вере и благочестии, возрадовашася, поюще всех Творцу: Аллилуиа.

Икос 2


Разумом, просвещенным от Господа, исполнен быв и долголетия мудростию украшен, не восхотел еси послушати совета Лукиана игемона еже приступити с жертвами к богом бездушным, и велиих мучений не убоялся еси. Темже вопием ти:

Радуйся, угрозы Лукиана презревый.

Радуйся, постом и молитвою долголетие стяжавый.

Радуйся, благ невидимых взыскателю.

Радуйся, креста Христова победный носителю.

Радуйся, мучители твоя возлюбивый.

Радуйся, сердца их ко Христу обративый.

Радуйся, имже истинная вера утвердися.

Радуйся, имже прелесть бесовская посрамися.

Радуйся, Харалампие, милосердый наш пред Богом заступниче и предивный чудотворче.

 

Кондак 3


Силою Вышняго укреплен быв, победил еси велия мучения, и стружем ногтьми железными, молился еси ко Господу, исцеляя болезни твоих мучителей и воспевая Богу песнь: Аллилуиа.

 

Икос 3


Имеяй велию милость Господню, удостоился еси, священномучениче Харлампие, гласа Божия, от облака исходяща, емуже внемлюще, благоговейно рцем:

Радуйся, светильниче земный.

Радуйся, в небесныя обители преселивыйся.

Радуйся, собеседниче Ангелом.

Радуйся, сожителю пророком.

Радуйся, апостолом сопрестольниче.

Радуйся, совоинственниче мучеником.

Радуйся, беседы Господни удостоивыйся.

Радуйся, яко услыша Господь молитвы твоя.

Радуйся, Харалампие, милосердый наш пред Богом заступниче и предивный чудотворче.

Кондак 4


Буря велия грады, веси и всяк злак сельный разрушает; горшия бури житейския злобы, неверия и злодеяний человеческих души наша смущают и житие наше мраком покрывают. Но помози нам, преславный священномучениче, почитающим подвиги и страдания твоя и поющим о тебе дивному во святых Своих Богу: Аллилуиа.

Икос 4


Слышав нечестивый царь римский Север, яко в мучениих неодолен явился еси, исполнися гнева; ты же, долготерпеливе, егда острое железное гвоздие вбито бысть в честное тело твое, ничтоже глаголя вопреки мучителем твоим, вся сия в веселии и радости претерпел еси. Сего ради ублажаем долготерпение твое звании сими:

Радуйся, образе кротости духовныя.

Радуйся, долготерпением Господу Иисусу Христу подражавый.

Радуйся, яко и безсловесная тварь предивному терпению твоему ужасашеся.

Радуйся, яко Господь Бог с тобою в мучениих твоих пребыл есть.

Радуйся, множество людей долготерпением твоим приведый ко Господу.

Радуйся, от Господа прославленный.

Радуйся, исцелений источниче.

Радуйся, человеком помощниче.

Радуйся, Харалампие, милосердый наш пред Богом заступниче и предивный чудотворче.

Кондак 5


Боготечная звезда был еси жене некоей, яже, видящи страдания твоя и умилившися сердцем, велегласно возгласи: «Человече Божий, честна есть старость твоя, и Бог с тобою есть, в Негоже веровати имам, поюще Ему: Аллилуиа».

Икос 5


Видя царь Север во исцелении некоего человека, бесом одержима, чудодейственную силу Христову, в тебе, досточудный священномучениче, обитающую, зело удивися и рече: «Воистину велик есть Бог христианский!» Сего ради и мы, восхваляюще страдания и чудеса твоя, преславный исповедниче Христов, взываем ти радостно:

Радуйся, чудотворче предивный.

Радуйся, веры поборниче победоносный.

Радуйся, от огненнаго жжения невредим пребывый.

Радуйся, чудесы твоими неверующия люди светом Богопознания озаривый.

Радуйся, житием твоим имя Божие прославивый.

Радуйся, егоже, яко добраго воина Христова, диавол трепещет.

Радуйся, егоже молитвою недузи врачуются.

Радуйся, егоже предстательством вернии жизнь вечную наследствуют.

Радуйся, Харалампие, милосердый наш пред Богом заступниче и предивный чудотворче.

Кондак 6


Проповедник мужественный был еси, всехвальный Харалампие, егда глаголал еси цареви: «Много мя пользуют муки; елико бо тело мое ранами раздробляется, толико радуется во мне дух мой». Внемлюще словесем сим, многое множество людей исповедаху Господа Иисуса Христа и венец мученический прияша, поюще Богу: Аллилуиа.

Икос 6


Возсия Божие всемогущество и явися страшное Божие прещение, егда нечестивии твои мучителие хулы на Христа Господа глаголаша безстудно: земля, яко лист, колебашеся, и слышахуся свыше от облак страшнии гласи, и бяху блистания и громи; молитву же тебе сотворшу, преста Божие страшное прещение. Темже вопием ти:

Радуйся, гордых обличителю.

Радуйся, нищеты духовныя учителю.

Радуйся, хульников имене Господня низложителю.

Радуйся, от гнева Господня человеки избавляяй.

Радуйся, блистания и громы небесныя молитвою утишаяй.

Радуйся, омертвевшия от страха человеки воскресивый.

Радуйся, велие незлобие к мучителем твоим явивый.

Радуйся, егоже ради Господь Бог возгреме во облацех воздушных.

Радуйся, Харалампие, милосердый наш пред Богом заступниче и предивный чудотворче.

Кондак 7


Хотя спасти чистую душу дщере царевы Галины, той яви тя Господь, о Харлампие, яко ангела светла, мудра учителя и апостола веры Христовы. И внемлющи словесем твоим, блаженная Галина умилися сердцем и Богу возгласи: Аллилуиа.

Икос 7


Новаго тя Иосифа показа Господь Бог, егда вразуми тя известити, премудре, сказание бывшаго блаженней Галине соннаго видения: виде бо множество водное, еже есть дарование Духа Святаго, виде сад велик при водах многих - рай Господень, и в нем виде виноград красен - праведных водворение, и стража места того - Христа Бога, вземлюща овцу на рамена Своя. Темже зовем ти:

Радуйся, старцев украшение.

Радуйся, приятелище даров Духа Святаго.

Радуйся, яко с лики ангельскими славословиши Господа.

Радуйся, яко рай Господень и жизнь вечную стяжал еси.

Радуйся, Пастыреначальника Христа Бога нашего служителю.

Радуйся, добрый стада Христова пастырю и всего мира молитвенниче.

Радуйся, винограда Господня украшение.

Радуйся, Церкве Христовы утверждение.

Радуйся, Харалампие, милосердый наш пред Богом заступниче и предивный чудотворче.

Кондак 8


Странствия земнаго течение совершая, не восхотел еси волю нечестивых идолослужителей сотворити и от веры истинныя отступити, но вразумляяй мучители твоя богомудрыми словесы твоими, страдания за Христа восприял еси лютая, поя Господу Богу песнь победную: Аллилуиа.

Икос 8


Все сердце свое яростию исполнив, вдаде тя царь нечестивый некоей жене вдовице на поругание. Ты же, святе Харлампие, входя в дом ея, восклонился еси на некий при храмине столп, и абие сухий той столп прозябе; тогда жена тая, зело ужаснувшися, к Богу обратися. Мы же во умилении сердца взываем ти:

Радуйся, Харлампие, светильниче всесветлый.

Радуйся, угодниче Христов, благодатию преисполненный.

Радуйся, яко и самое имя твое чудным житием твоим оправдися.

Радуйся, вдовиц предстательство и заступление.

Радуйся, учением твоим многия ко Христу приведый.

Радуйся, сирых надеждо и укрепление.

Радуйся, мучеников красото.

Радуйся, человеколюбия зерцало.

Радуйся, Харалампие, милосердый наш пред Богом заступниче и предивный чудотворче.

Кондак 9


Все богатство ума твоего, вся благодатныя дары, яже приял еси от Господа Бога, вдал еси, святе Харалампие, на служение человеком, научая всех вере и благочестию, и в час кончины твоея святыя не о себе самем молился еси, но о спасении и благоденствии всех почитающих святую память твою, да наслаждаются дарований Господа Бога, поюще Ему:Аллилуиа.

Икос 9


Витии многовещаннии не возмогоша воспети достойно величие души твоея и неизреченное твое милосердие, имже дивящеся, мы, недостойнии, в простоте сердца зовем:

Радуйся, светильниче, мрак греховный от людей светом веры отгоняяй.

Радуйся, венцем мученическим паче звезд небесных блистаяй.

Радуйся, молитвами твоими прозябения хлебов у Христа Бога испрошаяй.

Радуйся, яко кровь твою честную на землю пролиял еси.

Радуйся, яко тою кровию щедроты Господни нам грешным стяжал еси.

Радуйся, яко Господь рекл есть тебе: буди глагол твой исцеление болящим.

Радуйся, яко приято бысть Богом моление устен твоих.

Радуйся, скорбящих благодатное утешение.

Радуйся, Харалампие, милосердый наш пред Богом заступниче и предивный чудотворче.

Кондак 10


Спасти хотя душу твою, ни во чтоже тело твое вменил еси, святый мучениче, и мечному на тя осуждению радовался еси, поя благодеющему Господу Богу: Аллилуиа.

Икос 10


Стена и прибежище бысть ти, великий Харалампие, Господь Бог, явивыйся ти во славе Своей в час блаженныя кончины твоея. Темже зовем ти:

Радуйся, друже Господень.

Радуйся, яко Господь дает ти, яже просиши.

Радуйся, страшную славу Господню видевый.

Радуйся, защитниче людей от глада и мора.

Радуйся, тлетворнаго воздуха, погубляющаго плоды земныя, силою Божиею отгонителю.

Радуйся, трудолюбия учителю.

Радуйся, яко о здравии телес и душ спасении ходатайствуеши.

Радуйся, яко и о скотех, созданных на потребу человеков, печешися.

Радуйся, Харалампие, милосердый наш пред Богом заступниче и предивный чудотворче.

Кондак 11


Пение умиленное аще и премногое приносим ти, чудотворче, ничтоже творим равно чудесем твоим и многому твоему к нам, грешным, милосердию, имже дивящеся, Господеви зовем: Аллилуиа.

Икос 11


Светильник путеводителен буди нам, Харалампие, во тьме греховней ходящим, и молися ко Господу, еже отъяти от нас всякое суеверие, просветити наш ум светом Евангелия и учений, полезных ко труду земледельца и во всякой вещи, да просветлении умом, во умилении сердца зовем ти:

Радуйся, неизсякаемое миро, на труд человеч излиянное.

Радуйся, весно Господня благоуханная.

Радуйся, рая Господня древо прекрасное.

Радуйся, молитву, яко кадило благовонное, Господеви возсылаяй.

Радуйся, дыханием молитвы твоея святыя землю согреваяй.

Радуйся, предстательством твоим пред Господем росою плоды земныя орошаяй.

Радуйся, земледельцев покровителю.

Радуйся, жизни их строителю.

Радуйся, Харалампие, милосердый наш пред Богом заступниче и предивный чудотворче.

Кондак 12


Благодать, обещанную ти Господем Богом, еже исполнитися всякому прошению твоему, ведая, - "Молю Тя, Господи, - рекл еси, - даждь славу имени Твоему: идеже положены будут моя мощи, да не будет на месте том глад и мор, или тлетворный воздух, погубляяй плоды, но мир в человецех и телесем здравие, и душам спасение, и плодов земных изобилие да будут". О Господи Боже наш! Излий благодать Твою сию и на всех нас, поющих Ти: Аллилуиа.

Икос 12


Поюще твоя чудеса, преславне Харалампие, славим долготерпение, страдания и дивную кончину твою, и чудящеся милосердию твоему, сице зовем ти:

Радуйся, о дождех благовременных пред Господем ходатайствуяй.

Радуйся, молитвами твоими от бури и града нас сохраняяй.

Радуйся, ты бо просил еси плодородие месту, идеже пострадал еси.

Радуйся, ты бо молился еси ко Господу, да низпослет Он, Милосердый, на труд земледельца Свое благословение.

Радуйся, страдальче непобедимый и непреодоленный.

Радуйся, священниче Божий, о всем мире ходатайствуяй.

Радуйся, надеждо всех молящихся тебе.

Радуйся, земледельцев радость светлая.

Радуйся, Харалампие, милосердый наш пред Богом заступниче и предивный чудотворче.

Кондак 13


О предивный Харалампие, заступниче наш премилосердый! Вонми гласу недостойныя молитвы нашея и молися за ны ко Господу, еже сохранити нас от глада и мора, и междоусобныя брани, и на всяк мирный труд человеч низпослати благословение, да во веки воспеваем Ему: Аллилуиа.

(Этот кондак читается трижды, затем икос 1 и кондак 1)
 
Молитва

О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою. Испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия. Моли о нас Господа Бога, да низпослет мир на грады и веси наша, да избавит нас от нашествия иноплеменников, междуусобныя брани и всяких раздоров и нестроений! Утверди, священномучениче, веру и благочестие во всех чадах православныя христианския Церкви, и да избавит нас Господь Бог от ересей, расколов и всякаго суеверия. О милосердный мучениче! Молися за ны ко Господу, да сохранит нас от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, Небеснаго Царствия Христа Бога нашего, Емуже честь и поклонение подобает, со Безначальным его Отцем и Пресвятым Духом, ныне и присно и во веки веков. Аминь.

 

Текст молебного пения на новый год

Текст молебного пения на новый год

Новая редакция службы Собора Казанских святых


Текст службы Собору Казанских святых был утверждён на заседании Синодальной богословской комиссии весной 2016 года. Дело в том, что доныне такой службы не существовало, были лишь отдельные молитвословия святителям Казани Гурию, Варсонофию и Герману, а также несколько тропарей святым мученикам и новомученикам.

Над составлением и редакцией службы трудились преподаватели Санкт-Петербургской Духовной Академии протоиерей Феодор Гуряк, чтец Сергей Забавнов и клирик Казанской епархии священник Антоний Ермошин.

 

Скачать текст службы Собора Казанских святых

 

СЛУЖБА СОБОРА КАЗАНСКИХ СВЯТЫХ

 

МЕСЯЦА ОКТЯБРЯ 4-Й ДЕНЬ

(17 ОКТЯБРЯ НОВ.СТ.)

 

Месяца октября в 4-й день

Всех святых, в земли Казанстей просиявших

На малой вечерни

Поем службу святым Гурию и Варсонофию ради обретения их честных мощей.

На Господи, воззвах: стихиры святых, глас 1.

Подобен: Небесных чинов:

Взя́сте на ра́мо Крест Христов,/ и распя́стеся миру, преподобнии,/ и после́довасте стопа́м созда́вшаго от не сущих вся, Божия Сло́ва./ Егоже моли́те, да прии́мем грехов прощение,// и наследницы будем жизни вечныя.

Яви́стеся сокровище добродетелей,/ и презре́сте вся яже в житии красная,/ Христовою любовию распала́еми,/ и́щуще яже Богу угодная./ И Того ради бы́сте жи́теле Царства Небеснаго, и о нас моли́те,// да будем и мы тому соприча́стницы.

Безстра́стия бывше кра́снии сосу́ди, отцы преблаже́ннии,/ и чудес исто́чницы,/ монашествующих столпи́ кре́пцыи, демонов прогони́теле/ и страсте́й цели́теле,/ да почтутся песньми,/ наставницы наши прему́дрии:// и мо́лят Христа да спасет ду́ши наша.

Слава, глас 6:

Кто дово́лен похвали́ти таковы́я святители,/ возсия́вшыя напосле́док лет;/ благодатию бо Святаго Духа,/ чудес исцелений дар прие́мше от Бога,/ и своих телес нетление,/ нам же у Христа просят грехов прощения// и ве́лия милости.

И ныне, Богородичен, глас тойже:

Мати Божия Пречи́стая,/ образ Свой, яко дар пресвя́т земли́ Каза́нстей давшая/ и тем многих исповедников Сына и Бога Твоего укрепи́вшая,// Заступнице Усердная, люди Твоя не остави.

На стиховне стихиры, глас 2.

Подобен: Доме Евфрафов:

Земле́ Русская,/ граде святый,/ украшай твой дом,/ в немже Божественный// велий сонм святых прослави.

Стих: Господи, Господь наш,/ яко чу́дно имя Твое по всей земли́.

Церковь Русская,/ красуйся и лику́й,/ се бо чада твоя/ Престолу Владычню// во славе предстоят, радующеся.

Стих: Святым, иже суть на земли Его,/ удиви́ Господь вся хотения Своя в них.

Соборе святых русских,/ по́лче Божественный,/ моли́теся ко Господу/ о земном отечестве вашем// и о почитающих вас любовию.

Слава, глас и подобен тойже:

Новый доме Евфра́фов,/ уде́ле избра́нный,/ Русь Святая,/ храни веру Православную,// нейже тебе утверждение.

И ныне, Богородичен, глас тойже:

Аще и горение ве́лие града Казани/ яви нам зрак ли́ка Твоего, Дево Пречи́стая,/ оба́че Заступница Усердная земли на́шея явилася еси,// Мати Божия, христиан Похвало́.

На велицей вечерни

Блажен муж: 1-й антифон.

На Господи, воззвах: стихиры святых на 8, глас 1:

Подобен: О, дивное чудо:

О, дивное чудо!/ Ве́лие торжество яви́ся земли́ нашей:/ собор святых прославляется,/ и предста́телие ко Христу сии бывают./ Весели́ся, гра́де Казанский,/ имея в себе лучи́ сияющия, святы́я твоя./ Возопии́м, вернии:/ радуйтеся, заступницы наши,// вы бо мо́лите спастися верою вас почитающим.

Твое славим торжество, святителю Гу́рие,/ свеща́ми златоза́рными град твой украшается/ и пе́сньми духовными днесь исполняется./ Радуются лю́дие земли́ Каза́нския,/ воспева́юще днесь собор святых своих/ и, светоле́пно праздник соверша́юще,/ со архангелы и ангелы ликовству́ют:/ радуйтеся, заступницы наши,/ похвало́ и утверждение,// моли́теся за ны, спастися душа́м нашим.

Дивны Твоя тайны, Богородице,/ явилася eси, Владычице, во граде нашем/ и о́бразом Твоим радость возсия́ нам./ Припа́дают Тебе ныне наши сродницы:/ святи́телие, преподо́бнии и пра́веднии,/ исповедницы и мученицы./ Возвесели́мся, ве́рнии, днесь и воспои́м:/ радуйся Заступнице наша, христиа́ном Похвало́ и Утверждение,// моли́ся за ны спасти́ся душа́м нашим.

 

Ины стихиры, глас 2:

Подобен: Киими похвальными:

Ки́ими похвальными венцы́/ восхва́лим земли́ Каза́нския первыя просвети́тели/ преди́вныя Гу́рия, Варсоно́фия и Ге́рмана,/ предста́тели и заступники наши,/ се́мена спаси́тельнаго учения се́ятели равноапо́стольныя,/ Христова Евангелия путево́дцы и́стинныя?/ И́хже ради прежде темный град озари́ся светом богопозна́ния/ и Христос просла́вися,// име́яй велию милость.

Ки́ими пе́сненными пе́нии/ похвалим святителей и мучеников земли́ нашея/ Ермоге́на, патриарха Российскаго,/ Кирилла, Анатолия, Иоаса́фа и Амвросия?/ Исповедники веры Правосла́вныя,/ архиерейства же́злы до́брыя преизя́щныя,/ мучеников кре́пкия поборники,/ яко житием своим верность Христу показа́ша,// имеющему велию милость.

Ки́ими похвальными венцы́/ увязе́м мученики наша/ Авраа́мия, Иоанна, Стефа́на и Петра́?/ Прежде просвещения града Казани пе́рвыя лучи́,/ четвери́ца му́ченическая пресла́вная,/ Небе́снаго Ца́рствия до́блии гра́жданы,/ и́хже в Своя́ оби́тели Христос прия́т,// име́́яй велию милость.

Ки́ими пе́сненными добро́тами/ воспои́м новому́ченики и исповедники наша,/ Дими́трия, Филарета, Михаила и Павла,/ во свяще́нницех Христу потруди́вшияся,/ та́же преподобному́ченики пресла́вныя/ во оби́телех Казанских подвиза́вшияся?/ Благоуха́ннии цве́ти вертогра́да Небе́снаго,/ и́хже насади́ Христос Бог наш,// име́яй велию милость.

Ки́ими духо́вными пе́сньми/ похва́лим Гаврии́ла и Александра?/ Служи́тели Господни изря́дныя,/ монахом наставники и ангелом собеседники,/ во бра́нех духовных человеком побо́рники,/ града Казани светлая удобре́ния,/ Пастыренача́льника Христа подражатели,// подаю́щаго нам велию милость.

Слава, глас 8:

Да прославится днесь собор святых,/ в земли́ Каза́нстей Богу угоди́вших:/ сла́внии святи́телие и просвети́телие,/ та́же священному́ченицы и испове́дницы,/ кровь свою за Христа изли́вшии,/ еще же преподо́бнии и пра́веднии,/ именова́ннии и неименова́ннии,/ покровом Ма́тере Божия, Заступницы Усе́рдныя/ в земли́ сей утвержде́ннии.

И ныне, Богородичен, глас 8: Царь Небесный:

Вход. Прокимен дне. И чтения три:

Пророчества Исаиина чтение

(Гл. 43, ст. 9-14):

Тако глаголет Господь: вси языцы собрашася вкупе, и соберутся князи от них. Кто возвестит сия в них? Или, яже от начала, кто слышана сотворит вам? Да приведут свидетели своя, и оправдятся, и да услышат, и да рекут истину. Будите Ми свидетели, и Аз Свидетель, глаголет Господь Бог, и Отрок, Егоже избрах. Да познаете, и веруете Ми, и разумеете, яко Аз есмь, прежде Мене не бысть ин бог, и по Мне не будет. Аз есмь Бог, и несть, разве Мене, спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь, и несть от рук Моих избавляяй. Сотворю, и кто отвратит то? Сице глаголет Господь Бог, избавляяй вас, Святый Израилев.

Премудрости Соломоновы чтение

(Гл. 3, ст. 1-9):

Праведных души в руце Божией, и не прикоснется их мука. Непщевани быша во очесех безумных умрети, и вменися озлобление исход их. И еже от нас шествие — сокрушение, они же суть в мире. Ибо пред лицем человеческим аще и муку приимут, упование их безсмертия исполнено. И вмале наказани бывше, великими благодетельствовани будут, яко Бог искуси я и обрете их достойны Себе. Яко злато в горниле, искуси их и, яко всеплодие жертвенное, прият я. И во время посещения их возсияют и, яко искры по стеблию, потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему, яко благодать и милость в преподобных Его и посещение во избранных Его.

Премудрости Соломоновы чтение

(Гл. 5 ст.15 – гл. 6, ст. 3 ):

Праведницы во веки живут, и в Господе мзда их, и попечение их у Вышняго. Сего ради приимут Царствие благолепия и венец доброты от руки Господни, зане десницею покрыет я и мышцею защитит их. Приимет всеоружие рвение Свое и вооружит тварь в месть врагом. Облечется в броня правды и возложит шлем — суд нелицемерен. Приимет щит непобедимый — преподобие, поострит же напрасный гнев во оружие, споборет же с ним мир на безумныя. Пойдут праволучныя стрелы молниины и, яко от благокругла лука облаков, на намерение полетят, и от каменометныя ярости исполнь падут грады, вознегодует на них вода морская, реки же потопят я нагло. Сопротив станет им дух силы и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте, навыкните, судии концев земли, внушите, держащия множества и гордящияся о народех язык. Яко дана есть от Господа держава вам и сила от Вышняго.

На литии стихиры, глас 2:

Припаде́м с любовию к преславным святителем Господним/ Гу́рию, Варсоно́фию и Герману,/ первым просветителем земли́ Каза́нския,/ та́же воспои́м пречу́днаго Ермоге́на,// святителя, исповедника и патриарха Российскаго.

Помо́лимся усердно страстоте́рпцем Казанским,/ святым мучеником Авраа́мию, Иоанну, Стефа́ну и Петру,/ имя Христово дерзновенно испове́давшим,/ таже воспои́м собор новому́ченик и исповедник,/ кро́вию свое́ю землю ороси́вшия// и заступники наши усе́рдныя я́вльшияся.

Воспои́м и почуди́мся подвиго́м же, сле́зам и молитвам,/ яже преподо́бнии отцы Каза́нстии,/ Гаврии́л и Александр пресла́внии,/ с преподобными отцы Зила́нтовыя и Раи́фския обители Богу принесо́ша,// таже плод духовный в земли́ сей возрасти́ша.

Слава, глас 6:

Собор святых земли́ Каза́нския/ усердно взывает ко Господу,/ да сохранит и избавит Спас мира Христос народ православный,/ во всех конце́х вселе́нныя,// молитву о спасении приносящих.

И ныне, Богородичен, глас тойже:

Прославим, верни, Обра́дованную Богородицу,/ се бо во усте́х наших и́мамы всегда святое и благословенное имя Ея,/ непрестанно прибега́юще к пречи́стей Ея́ и цельбоно́сней иконе:/ То́ю бо обретаем, я́же на земли́ вся благая и полезная,/ и сущих на возду́се от демонов запина́ний избавляемся,/ яко Ма́ти, ро́ждшая всех Творца,// спасает от бед ду́ши наша.

На стиховне стихиры, глас 5.

Подобен: Радуйся:

Ра́дуйтеся, му́дрии святи́телие,/ святи́и сро́дницы наши,/ цве́ти духо́внии земли́ Каза́нския,/ похвало́ наша и утверждение,/ тихое приста́нище,/ сокро́вище церковное,/ стопы́ и словеса́ апостольская,/ жития же ваша и многая чудеса/ прославляют просла́вльшаго вас Господа,/ Егоже прилежно моли́те// дарова́ти душа́м нашим велию милость.

Стих: Честна́ пред Го́сподем/ смерть преподобных Его.

Ра́дуйтеся, свети́льницы многосве́тлии,/ священному́ченицы архипа́стыри и па́стыри на́ша,/ вра́чеве духо́внии,/ неду́гующим отра́да и скорбя́щим утешение,/ обурева́емым приста́нище немяте́жное,/ столпи́ церко́внии, верных утвержде́ние,/ за ны Христа Бога моли́те,// дарова́ти нам ве́лию милость.

Стих: Блаже́н муж, боя́йся Господа,/ в за́поведех Его восхо́щет зело́.

Ра́дуйтеся, преподо́бнии отцы,/ засту́пницы наши и храни́телие,/ Духа Свята́го сосу́ди избра́ннии,/ земли́ Каза́нския утверждение,/ благочестия столпи́ непоколеби́мии,/ правило веры и образ благочестия./ Вы бо, но́выя испове́дницы и му́ченицы,/ кровьми́ вашими зе́млю нашу озаря́ете,/ по́двиги вашими оби́тели освяща́ете./ Те́мже священную вашу память совершающим/ Христа Бога моли́те// дарова́ти ве́лию милость.

Слава, глас 6:

Иже прежде те́мный,/ ныне же просвеще́нный град Казань радуется,/ имея в себе святы́я заступники своя,/ лучеза́рныя молнии Господни,/ и́миже ага́рянская лесть разруши́ся/ и сей край восточный земли́ Ру́сския просвети́ся,/ мно́зи святи́и Господни тогда яви́шася,// славу Це́ркве Христовы возвеща́ющии.

 

И ныне, Богородичен, глас тойже:

Да ра́дуется оби́тель Твоя, Богородице,/ водно́е естество́ седми́ езе́р да ликовству́ет днесь,/ яко Твоего, Чистая, честна́го образа пришествием град наш спасается,/ раби́ Твои болезней исцеление прие́млют/ и к Тебе, Чистая, взывают:/ радуйся, врачевство́ наше неоску́дное,/ горьких неду́г избавляющее,/ радуйся, скорбящим Божественное Веселие,/ и Живоно́сный Исто́чниче святыни,/ радуйся, Многосве́тлая Звездо́,/ иконою Твоею нас озаря́ющая,/ радуйся, Основа́ние Кизи́ческия оби́тели,// Тобою бо, Всечи́стая хвалимся и в ну́ждах прибегаем.

На благословении хлебов тропарь святых, глас 4, дважды (писан на утрени)

И Богородице Дево: единожды.

На утрени

На Бог Господь: тропарь святых, глас 4, дважды:

Днесь, яко солнце пресве́тлое,/ возсия́ земля Казанская,/ в ней бо память собора святых ея́ совершается/ и Церковь псалмы́ и пе́сньми духовными украшается,/ прославля́ющи святи́тели и благове́стники своя́,/ мученики, испове́дники и чудотво́рцы,/ преподо́бныя му́жи и жены́,/ пра́ведныя и вся святы́я,/ иже купно во славе ве́чней предстоя́т/ и с Засту́пницею Усе́рдною мо́лятся Христу Богу// спасти́ся лю́дем своим.

 

Слава и ныне: тропарь Богородичен, глас той же:

Засту́пнице Усердная,/ Ма́ти Господа Вы́шняго,/ за всех мо́лиши Сына Твоего, Христа Бога нашего,/ и всем твори́ши спасти́ся/ в держа́вный Твой покров прибегающим./ Всех нас заступи́, о Госпоже́ Царице и Владычице,/ иже в напа́стех и в ско́рбех, и в боле́знех, обремене́нных грехи́ мно́гими,/ предстоя́щих и моля́щихся Тебе умиле́нною душе́ю и сокруше́нным се́рдцем,/ пред пречи́стым Твоим о́бразом со слеза́ми/ и невозвра́тно надежду иму́щих на Тя,/ избавле́ния всех зол,/ всем полезная да́руй и вся спаси, Богородице Дево:// Ты бо еси Божественный Покров рабо́м Твоим.

По 1-м стихословии седален, глас 3.

Подобен: Дева днесь:

Днесь Церкве Русския торжество и града нашего веселие,/ се бо паства Казанская святыми своими, яко златом нетленным, хвалится/ и памятию их благоухает./ Тии бо, во славе Царствия Небеснаго пребывающе,/ за ны молят Всемилостиваго Бога,/ да подаст мирови велию милость.

Слава, ин седален, глас 5:

Яко солнце светозарное,/ возсия днесь память твоя, святителю и исповедниче Кирилле,/ лучами озаряющи верных сердца́,/ к прославлению дивнаго во святых Своих Бога,/ даровавшаго тебе крепость во исповедании и терпение в ско́рбех,/ не премолчи́ о нас, угодниче Христов,/ и избави нас от всякаго зла,/ Церковь Русскую сохрани от раздоров и нестроений,/ мир мирови испроси/ и душам нашим велию милость.

И ныне, Богородичен, глас 4:

Днесь светло красуется Раи́фская пустынь,/ яко зарю солнечную, от востока возсиявшую, восприимши, Владычице,/ чудотворную Твою икону,/ еюже разгоняеши мглу искушений и бед от вопиющих верно:/ избави обитель нашу и вся страны́ христианския от всех навет вражиих/ и спаси души наша,/ яко Милосердная Заступница рода христианскаго.

По 2-м стихословии седален, глас 1.

Подобен: Гроб Твой:

Приидите, вси вернии, святителя Ермогена восхвалим,/ звезду, от града нашего возсиявшую/ и всю землю Русскую Православием веры озарившую,/ и ныне звезду нову на славных небесех в сонме священномученик явленную,/ в помощь Церкви и отечеству противу врагов наших/ и во утверждение веры отцев наших:/ Господи, молитвами святителя, мир Твой подаждь нам/ и велию милость.

Слава, ин седален, глас 5.

Подобен: Радуйся:

Иоаса́фе, священномучениче Христов,/ твердый и мужественный исповедниче,/ святителя Кирилла сподвижниче,/ земли Казанския похвало,/ пастырю добрый, положивый душу за паству свою,/ моли Христа Бога,/ яко да милостив нам будет в День Судный.

 

И ныне, Богородичен, глас тойже:

Кий дар принесем Ти, Пречистая?/ Кия достодолжныя песни воспоим пред святыми Твоими иконами,/ Заступнице наша и Мати Всеблаже́нная?/ Аще и град Твой не оставляеши,/ егда нечестивии людие, образ Твой не поче́тше,/ расхи́тиша обитель Твою и лика Твоего цела не оста́виша,/ тогда не токмо люди града нашего,/ но вся христианы воспла́кашася и возрыда́шася./ Ты же чрез святителя Константина града утешение даровала еси нам,/ новое торжество нам являющи,/ мы же, любовию чтуще честну́ю икону Твою,/ Тебе песнословим вси в радости:/ радуйся, Дево Честна́я, Всеблаже́нная.

Величание:

Величаем вас,/ вси святи́и, в земли́ Каза́нстей просия́вшии,/ и чтим святую память вашу,/ вы бо мо́лите о нас// Христа, Бога нашего.

Псалом избранный:

1. Вси язы́цы восплещи́те руками, воскли́кните Богу гла́сом ра́дования.

2. Ре́чная устремления веселят град Божий, освятил есть селение Свое Вы́шний.

1. Господи, кто обитает в жили́щи Твоем? Или кто всели́тся во святую го́ру Твою?

2. Ходя́й непоро́чен и де́лаяй правду, глаго́ляй истину в се́рдце своем.

 

По полиелее седален, глас 5:

Красу́йся, свети́ся, земле́ Каза́нская,/ яко и́маши в себе́ святы́я своя́,/ основание твердое веры Православныя,/ камень краеуго́льный и луч светлый Евангелия Божественнаго/ собор святых сродник наших бысть,/ ихже любовию почитаем.

Слава, глас 6:

Иже прeжде неверием помрачéнный,/ ныне же верою ко Христу просвещéнный,/ преславный грaд Казaнь вaми хвáлится,/ имея в себе мощи ваша нетле́нныя,/ троице честна́я, Гу́рие, Германе и Варсоно́фие,/ отцы наши преподо́бнии,/ вы бо с верою приходящим источaете чудеса/ и подаeте неоскyдно исцелeния/ любовию святyю вaшу пaмять почитaющим.

И ныне, Богородичен, глас 8:

Прииди́те, возрадуемся Держа́вней Заступнице рода нашего, Царице Богородице./ Прииди́те, к тихому Ея́ и чу́дному, почита́емому ангелы, честно́му поклони́мся образу,/ да́рует бо верным оби́льныя да́ры целе́бныя,/ от неистощи́маго исто́чника святы́я иконы неоску́дную благодать источа́ющи;/ тьмы избавляет нас искушений и бед, и всякаго греха,/ благочестно и богоприятно прославляющих и чтущих светлую и чудную Богома́тере святую икону./ Тем, воспевающе, воззовем Первообра́зней:/ радуйся любе́зная миру Помоще,/ во спасение душ наших.

Степенны, 1-й антифон 4-го гласа.

Прокимен, глас 4: Ра́дуйтеся, праведнии, о Господе, // правым подобает похвала. Стих: Буди, Господи, милость Твоя на нас, я́коже уповахом на Тя.

Всякое дыхание: Евангелие от Матфея, зачало 10.

По 50-м псалме стихира, глас 6:

Собере́мся, лю́дие,/ ми́лостивое смотрение Божие воссла́вити,/ изво́ли бо Господь наш землю Казанскую просвети́ти;/ темже подвижников Христовых прославим:/ святителей чу́дных, мучеников древних,/ таже новому́чеников и исповедников пресла́вных,/ преподобных и праведных и всех святых,/ край сей освяти́вших помощию Господа нашего/ и благодатию Его.

Канон Богородице со ирмосом на 6, глас 8: Колесницегонителя фараона: из Октоиха. Катавасия: Отверзу уста моя:

Канон святым на 8, глас 5, егоже краегранесие: Сродник своих память пою.

Песнь 1

Ирмос: Велича́ваго фарао́на в мо́ри потопи́вша со оружием и вса́дники,/ Израиля же пресла́вно спа́сша/ и по су́ху прове́дша,// поем Христа, яко просла́вися.

Припев: Вси святи́и земли́ Каза́нския, моли́те Бога о нас.

Песньми благовосхвали́ти хотящу пaмять вашу,/ блажeннии сродницы наши,/ светоносную ми зарю, святии, с Небесе низпосли́те.

Святии вси, иже землю Казанскую прежде ея просвещения именем Христовым освяти́вше,/ святителие Христовы и исповедницы,/ ихже достойно исчислити не можем,/ молитву вашу сотворите о братиях ваших страждущих, молим вы.

Величие наше и похвала ты еси, Гурие первый архипастырю наш:/ тобою бо многия неверныя ко Христу обратишася./ Ныне молися за род и роды, ихже Богу привел еси,/ поющих Его, яко прославися.

Первый сеятель был еси духовных добродетелей,/ и первый пастырь, и Церкви начальник,/ первый архиерей и учитель христианскому закону в новопросвещеннем граде Казани, явился еси,/ Гурие равноапостольне.

Храм первопрестолен Богородичен явися во граде нашем/ труды твоими, Гурие,/ Благовещению Пречистыя посвященный,/ идеже и мощи твоя положени суть,/ доныне чудеса источают.

Песньми и пении духовными восхвалим святителя Гурия/ и, припа́дающе к честне́й и многоцеле́бней ра́це его,/ с любовию облобызаем ю и сице воспоем:/ радуйся, мирото́чце наш, молитвенниче о граде твоем неусыпный.

Богородичен: Днесь радость Благовещения во граде нашем бывает,/ егда новый Гавриил божественный Гурий Евангелие Христово благовествует/ и церковь престольную в честь Пречистыя нам устрояет,/ безсеменное Рождество от Девы Чистыя со Архангелом воспоим:// радуйся Благодатная, Господь с Тобою.

Песнь 3

Ирмос: Держа́вною рукою и сильным словом небо и землю сотворил еси,/ юже Твоею Кровию искупи́л еси, Церковь Твою,/ яже о Тебе утверждается, зову́щи:// яко несть свят, разве Тебе, Господи.

Державною рукою, и мудрыми словесы,/ и сильным словом учил еси,/ преславный Варсонофие,/ первый просветителю града Казани,/ монах предивный по избытии плена агарянского явился еси,/ таже отцем иноков содеявся,/ моли спастися душам нашим.

Святителю Варсонофие преподобне,/ первый устроитель жития монашескаго во граде Казани явился еси/ и, красну обитель Спасова Преображения воздвигнув,/ в законех жизни духовныя чадом твоим преславно светил еси.

Край Казанский солию учения Христова просветил еси,/ святителю Германе,/ таже во граде Свияжсце обитель Богоматери создав,/ добр учитель явился еси, святе.

Престол Казанский по святем Гурии наследовав,/ добр пастырь и просветитель людем новым явился еси,/ святе Германе премудре,/ таже, храмы Божия в земли Казанстей умножив,/ на высшее служение восхищен был еси.

Радуйся, святителю Филарете,/ не токмо Киеву граду, но и зде мног плод принесл еси,/ просветителю языков, устроителю храмов, алчущих питателю,/ Гурия, Германа и Варсонофия святых ревностный почитателю/ и к Богу за люди молитвенниче.

О, троице равноапостольная всечестная,/ древнии наши учителие и первии архипастырие,/ Гурие, Варсонофие и Германе/ со святителем Филаретом и прочиими святыми земли нашея/ ныне прославляетеся.

Богородичен: Пречистая Твоя икона, Богородице Дево,/ врачевство всему миру духовное:/ к нейже прибегающе,/ Тебе покланяемся, и почитаем, и лобызаем, и чтим,/ исцелений благодать почерпающе от нея,/ и недуг телесных, и душевных страстей,/ Твоими молитвами свобожда́емся.

 

Седален святых, глас 8:

Приидите, каза́нстии лю́дие,/ принесите ныне пение и моление своему первосвятителю/ и воспойте ему красное от души хваление:/ той бо начаток бысть проповеди Божественныя ага́ряном,/ просветитель во тьме седя́щим,/ заблу́ждшим наставник и руководитель ко спасению,/ многия привед ко Христу Богу./ Иже аще и выну на Небесех предстоит,/ обаче и земная посещает,/ и на праздник свой от Горних приходит,/ и возвеселяет собранныя люди своя,/ зрит покланяющияся святому образу Его/ и слышит молитвы молящихся/ и приносит я ко Владыце./ Единогласно убо воззовем к нему:/ о великий отче наш, святителю Гурие,/ никогдаже остави нас, чад твоих,/ но посещай всегда милостию твоею/ и молитвами твоими соблюдай нас,/ буди с нами, и никтоже на ны.

Слава, ин седален, глас 6:

Ни святитель быв, ни мученик земли нашея,/ ни пророк и ни апостол,/ но храмы наша именем твоим хвалятся,/ святе праведне Иоанне, пастырю Кронштадтский,/ стопы́ своими, освящая волжский путь/ и словесных овец научая,/ до града нашего достигл еси,/ цевни́це духовная, проповедниче покаяния,/ служителю Божественных Таин благоговейный.

И ныне, Богородичен, глас тойже:

Людие благочестивии,/ правовернии собори христоимени́тии,/ приступите верно вси,/ божественному припа́дающе Божия Матере образу:/ Тая бо исцеление болящим радостно подает,/ уязвляет же злосла́вныя, яко стрела от лука,/ нас всех веселит световидно/ и благодатию озаряет молитвами Своими.

Песнь 4

Ирмос: Ду́хом Божиим очи́щся пророк, дыха́ющим в нем,/ Аввакум божественный, боя́ся, глаго́лаше:/ внегда́ прибли́жатся ле́та, позна́н будеши, Боже,// на спасение челове́ков.

Дух Божий почи́ на тебе,/ яко на пророцех древле, святителю Ермогене досточудне,/ первоиерарше Церкве Российския,/ таже залог спасения ея и всего отечества,/ егда брань тяжкая постиже землю нашу,/ первый положил еси молитвы, слезы и прещения твоя,/ избавителю от врагов готовейший.

Икону явльшуюся Пресвятыя Богородицы Заступницы Усердныя/ на длани своя приял еси, святителю Ермогене,/ первое же пение молебное пред нею сотворил еси,/ темже тя ублажаем, преславне.

Сигор ли гору наречем тя, Ермогене?/ Егда спасается и угонзает страна Российская от неправд и беззаконий и многих нестроений,/ тогда буди советник мудрый и предстатель о нас,/ о́трасле Казанская.

Патриарха Тихона споспе́шниче,/ Петра крепча́йшаго сострада́льче,/ звезда путево́дна Церкви Русстей явился еси,/ с сими ныне Небесныя славы наслажда́ешися/ Христов мучениче, Кирилле святителю.

Страдания многая претерпел еси, отче Кирилле,/ клеветы́, суды́, заточения,/ предательства лжебратий и угрозы смертныя,/ таже насильства и нападения врагов Церкве Христовы,/ новомучениче земли́ Русския.

Твое крестоносное в вере стояние/ от смуты и раскола Церковь Русскую спасло есть./ Имя твое бысть образ победы духовныя,/ юже соверши единство святых мученик,/ тобою хвалится земля Казанская,/ прехвальне Кирилле, отче наш.

Богородичен: С чинми ангел, Владычице,/ со пророки, и апостолы, и со всеми святыми/ за ны, грешныя, Богу помолися,// Твоего Покрова праздник в Церкви Русстей прославльшия.

Песнь 5

Ирмос: Слово Божие Всеси́льное,/ мир всему миру посли́,/ и светом истинным освеща́я и просвеща́я вся,// из нощи Тя сла́вящия.

Добрым учителем вертограда духо́внаго/ светлаго и богопросвеще́ннаго града Казани,/ верным возвести́телем пути спасительнаго,/ истинным хранителем апостольских преданий,/ столпом непоколеби́мым,/ страдальцем за Христа преди́вным,/ священномучениче Анато́лие, явился еси.

Никтоже возмо́же отлучи́ти тя от любве Божия, славный Иоаса́фе,/ егда же Господь в годину лютую гонений на Церковь Божию/ призва тя к служению святительскому,/ мужественный защи́титель паствы своея был еси.

Иоасафе, Чистопольская похвало́ и адама́нте нашея Церкве,/ прее́мниче Анатолия славнаго,/ споспе́шниче Кирилла богомудраго,/ с обои́ми бо ныне в черто́зех Божиих предстоиши/ и молитвенник о пастве своей явля́ешися.

Стеце́мся во обитель Свия́жскую,/ идеже подвигом добрым подвиз́ася святитель Амвросий,/ и честну́ю его икону обстояще, воззовем:/ радуйся, страдальче неодоле́нный,/ радуйся, обители твоей щит и ограждение,// радуйся, небесный сро́дниче наш.

Кто воспоет твоя подвиги, Амвро́сие отче наш,/ наставник явился еси многим,/ апостол и учитель явился еси земли Коре́йския,/ и земля Казанская тобою хвалится,/ свети́льниче Ела́бужский и Сара́пульская сла́во,/ молитвенный покров ныне сим градо́м бывая.

Многия святы́я израсти́ земля наша,/ земли́ Русския предстателей ко Христу дарова́,/ с сими прославим святителей и мучеников единокровных/ Алексия, Никиту и Германа,/ славных Бугульми́нских архипастырей.

Богородичен: Во Успении Твоем нас не оставляеши,/ во обителех древних земли нашея монаси пения гробу Твоему приносят,/ Пренепорочная Мати.

Песнь 6

Ирмос: В Церковь небесную святую Твою да прии́дет молитва моя,/ вопию́ Ти, яко Ио́на, из глубины се́рдца морска́го:/ от грех моих возведи мя,// молюся Тебе, Господи.

Кия песни принесем священномучеником нашим во пресвитерех Богу послужившим?/ Иже страдания мужественне претерпеша,/ венцы Небесныя стяжаша:/ Темже любовию память сих светло торжествуем.

Небоязненно стал еси в защиту веры Православныя, священне Димитрие,/ и, не устрашився сильных мира сего,/ исповедал еси истину Божию даже до крове.

Служитель неленостный явился еси, отче Филарете,/ в вертограде духовнем служа́,/ овцы словесныя окормляя, пастырски работав,/ темже мученически за Христа пострадал еси.

Пастырское служение в Чистопо́льских пределех добре совершая/ и ревностию о Бозе распала́яся,/ верныя небоязненно исповедати веру во Святую Троицу призывал еси/ и смерть мужественне сре́тил еси, отче Михаиле.

Душегубцы па́губнии кровь твою пролиша,/ ты же за Христа достойно смерть приял еси,/ древним мучеником подобяся, Павле, отче наш,/ со чады твоими мученических венцев удостоился еси,/ Ела́бужская красото́.

В преде́лех Марийских новому́ченицы явишася/ пастырие и усерднии к Богу молитвенницы,/ Адриане и Михаиле честнии,/ сего ради и за веру Христову убиение прияли есте.

Богородичен: Сын убо Твой, Всечистая,/ даровал есть верным Божественнаго лика Своего нерукотворенное изображение,/ Ты же, Дево Всеблаженная,/ мирови честну́ю Твою икону оставила еси.

Кондак святых, глас 3.

Подобен: Дева днесь:

Днесь лик святых земли́ на́шея предстоит Престолу Божию/ и усердно молит Спаса нашего Бога и Заступницу Усердную:/ святи́телие и преподо́бнии покланяются,/ мученицы со испове́дники ликовству́ют,/ нас бо ради мо́лят сро́дницы наши,// спасти́ся рабом своим.

Икос:

Еде́ма Небеснаго граждане бысте,/ приидите, почудимся подвигом святых земли нашея;/ приидите, воспоим сущия сродники, иже во граде нашем:/ тамо явишася светлыя лучи,/ сияющии паче луч солнечных житием своим,/ тамо обретеся бисер честный и многоценный,/ из негоже лик святых многих сплетеся;/ тамо подвижницы непоколебимии явишася:/ святителие древнии и многопетии,/ священномученицы во святительстве и пресвитерстем чине послужившии,/ преподобнии отцы, нам мудрии наставницы показавшиися,/ мученицы древнии и новии, венцы Небесныя удостоенныя,/ нас бо ради молят сродницы наша,/ спастися рабом своим. 

Песнь 7

Ирмос: Пламень пе́щный порабо́тиша благочести́вии о́троцы,/ тем свыше ороси́ я, готовы пали́мы по естеству,/ но па́че естества му́жески поя́ху:// благословен еси, Господи, на престоле славы Царствия Твоего.

Отцы преподо́бныя земли́ на́шея восхвалим днесь,/ сице бо подобает воспе́ти угодники Божия,/ тесным путем ше́ствовавших,/ духо́внаго велиа́ра победи́вших/ и мно́гия иноки возрастивших.

Пророчески прорекл еси, преподобне Макарие:/ свету евангельскому подобает приити на землю нашу,/ и во многих святых возсияти!/ Темже и ныне благословением твоим пустынь Свияжская хвалится.

От юности, богомудре, Гаврииле, просветився любовию Христовою,/ суетный и многомятежный мир оставил еси./ Житие свое вверя предстательству Пречистыя Богородицы,/ слез потоки изливал еси пред пречистым Ея образом/ и теченьми их седьм езе́р освятил еси,/ старче наш.

Измлада Духом Святым наставляемь,/ в Седмиезерную пустынь вселился еси, преподобне отче Гаврииле,/ отонудуже многия наставляя,/ мудрый наставник монахов/ и чадолюбивый отец всем явился еси.

Чадо Господне возлюбленное, чудная Елисавето преподобномученице,/ вкупе с телесною красотою и величием княжеским/ духовною добротою украси́лася еси,/ старца Гавриила советы исполняющи.

Христу последовав и славу земную презрев, преподобне отче Александре,/ во обитель Седмиезерную вселился еси,/ идеже, премудростию Божиею напитався,/ исповедник земли нашея явился еси.

Богородичен: Не имамы языка, во еже изрещи вся благодеяния Твоя, Богородительнице,/ от всяких бед и болезней свобождаемся,/ иконою Твоею укрепляеми,/ тою обитель Седмиезерная украшается.

Песнь 8

Ирмос: Кре́пцы о́троцы трие́ су́ще,/ си́лою обо́лкшеся Святы́я Тро́ицы,/ улови́ша и победи́ша халде́и,/ и ди́вно измени́ся естество́:/ ка́ко огнь в ро́су прелага́шеся?/ Без туги́ я сохрани́, яко пелена́ми./ О, пролия́вый мудрость на всех де́лех Твоих, Боже,// Тя превозно́сим во веки.

Преподобномученицы Зилантовы,/ Пастыре-начальнику Христу после́дующе,/ веру истинную, яко щит, сохранили есте / и, с любовию ближним послуживше,// даже до крове пострадали есте.

Вашу память достодолжно почитаем,/ Сергие, Лаврентие, Серафиме, Феодосие,/ Леонтие, Стефане, Георгие,/ Сергие, Иларионе, Иоанне,/ преподобномученицы святии,/ монаси Успенския обители славныя.

Адаманти избраннии Богом от земли Казанския явистеся,/ преподобномученицы Иосифе, Антоние и Сергие,/ Варлааме, Иове и Пе́тре Раи́фстии,/ яко воини Христови добропобеднии.

Молитвами вашими обители земныя не оставляете,/ мученичества кровьми и постничества трудами венчаеми./ Темже и показастеся мучеников и преподобных единовсельницы,/ преподобномученицы наши.

Яко цветник духовный, обитель Богородицкую, соделали есте, отцы Раифстии,/ ныне же, предстояще Престолу Божию,/ не престайте о нас молитися.

Христа яко Небеснаго Жениха возлюбивши,/ вся красная мира сего оставила еси,/ ангельскому житию поревновала еси,/ обитель твою земную украшающи,/ паче же о горней обители помышляющи,/ Мензелинская свеще возженная,/ Маргарито всехвальная.

Троичен: О, Троице Честна́я,/ прими, яже приносит Ти земля Казанская,/ яко начатки и яко фимиам избранный,/ вся угодившия Ти и прежде, и послежде, знаемыя и незнаемыя,/ и молитвами их от всякаго вреда страну Русскую сохрани.

Богородичен: Тебе, Избранней от всех родов, Божией Матери,/ благодарственная пения приносим,/ пришествием честныя Твоея иконы, раби Твои, Богородице, озаряеми,/ но, яко имущая державу непобедимую,/ от всяких нас бед свободи, да зовем Ти:// радуйся, Невесто Неневестная.

 

 

Песнь 9

Ирмос: Из Едема изы́де род наш пра́бабы ради Е́вы,/ призва́н же Тобою, ро́ждшею нам Но́ваго Ада́ма — Христа,/ во двою́ естеству́, Де́во Чи́стая./ Взыгра́ся Ада́м пра́дед, яко избыв пе́рвыя кля́твы,/ мы же Тобою хва́́лящеся,/ яко Тебе ради Бога позна́хом,// и Тебе величаем.

Приидите мучениколюбцы вси,/ духовно возвеселимся, и торжествуим:/ днесь бо предлагают трапе́зу тайную мученицы земли нашея,/ веселящую празднолюбцев нас, еже вопити к ним:/ радуйтеся страстотерпцы непобедимии.

Днесь, благовернии людие, сошедшеся,/ восхвалим добляго сего мученика и страдальца Авраамия,/ сей бо, укрепляемь силою Божиею,/ душу свою положи за Христа,/ много пострадав от зловерных бу́лгар./ Сего ради от Господа венец прият/ и ныне молитвенник к Нему о нас бывает.

Страстотерпче святый Иоанне,/ блаженна земля Казанская, напившаяся крове твоея,/ Христа бо со дерзновением проповедав,/ многия муки от неверных ага́рян приял еси,/ страданьми своими противных дерзости низложив,/ Троицы поборник явился еси.

Отца и Сына и Святаго Духа исповедал еси, святе Пе́тре,/ ага́рянское нечестивое учение,/ отметая сих не словом токмо, но и делом,/ смерть бо приял еси.

Агарянская отрасль был еси, Стефа́не,/ но тех неверие отметая, прилепился еси Христу,/ молитвами пресвитера Тимофея исцеление получив,/ и крещение приял еси вскоре,/ доблий страстотерпец земли нашея явился еси.

О велиции сродницы наши,/ Небеснаго Сиона достигшии/ и велию славу от Бога приимшии,/ утешение нам, в скорби сущим, испроси́те,/ страну нашу в благочестии утвердите/ и люди расточе́нныя соберите,/ от нас, яко дар, песнь благодарения приемлюще.

Богородичен: Юже поют вси земнороднии и славословят вся силы Небесныя,/ от всех верно поклоняемую,/ Заступницу Усердную рода христианскаго,/ и мы, Ю благодаряще, прославим.

Светилен святых, глас 1:

Новомученицы и исповедницы земли Казанския,/ молите о нас Всеблаженную Богородицу,/ да и мы посреде искушений и бед/ сохраним свет веры Православныя во вся дни живота нашего.

Слава, ин светилен, глас тойже:

Вкупе со святыми земли нашея хвалу вам воздадим,/ святии Феодоре, Давиде и Константине, Ярославстии чудотворцы,/ страну Казанскую и Бо́лгарскую попечением при жизни не оставили есте,/ тако и ныне молим вы,/ почитающим память вашу заступники бу́дите.

И ныне, Богородичен, глас тойже:

Светоносная Слова Палато,/ Ковчеже, позлащенный Духом,/ явилася еси, Пресвятая Дево,/ великия ради чистоты./ Темже молим Тя вкупе со святыми сродники нашими:/ Христу молися от страстей очистити/ православно Богородицу исповедающих Тя.

На хвалитех стихиры святых 4, глас 8:

О, пресла́внаго чудесе́!/ Днесь ликует земля Казанская,/ память святых своих пра́зднующи,/ иже духовная дарования источают обильно./ Темже, с любовию к ним возопии́м:/ о, теплии моли́твенницы наши ко Господу,/ испроси́те нам прощение согрешений/ и, яко зве́зды непреле́стнии,// путеводи́те ны к Царствию Небесному.

О, пресла́внаго чудесе́!/ Днесь ликует земля Казанская/ прославля́ющи святители и священному́ченики,/ иже в житии́ израсти́ша прекрасный плод благоче́стия/ и, яко ва́ия благоуха́нныя процве́тше,/ любовь евангельскую нам яви́ша./ Тех молитвами, Христе Боже,/ не отве́ржи нас от лица Твоего// и да́руй нам мир и велию милость.

О, пресла́внаго чудесе́!/ По три́десяти и двою́ ле́тех/ в земли́ нетле́нны обрето́шася/ мо́щи Гурия святителя,/ верху́ мира, я́коже губа́ нося́щияся./ О, каково́ дарование новому чудотворцу дарова́ся!/ С прочими святыми земли́ своея́ ныне в черто́зех Небесных предстоит,/ Ихже молитвами, Христе,// спаси ду́ши наша, яко Един Милосе́рд.

О, пресла́внаго чудесе́!/ Днесь ликует земля Казанская/ благодатию новому́ченик и исповедник своих красу́ющися,/ и́же ду́ши и телеса́ многонеду́жная врачу́ют./ Те́мже и мы, духовно ра́дующеся,/ Господа ди́внаго во святых Своих прославляем:/ именова́нии и неименова́ннии сро́дницы наша,/ на ваше предста́тельство наде́ющеся,// Христа Бога нашего моли́те дарова́ти нам велию милость.

Слава глас тойже:

Прииди́те вси духовне возвеселимся о памяти святых:/ се бо прии́де радость велия земли́ нашей./ Темже во гласе радости, и чистей совести возопии́м, глаго́люще:/ радуйтеся, святителей сословие,/ иже Евангелие Христово граду нашему пропове́давше,/ яко мре́жницы и ловцы́ человеков бысте,/ красны́ ваша ноги равноапо́стольныя./ Радуйтеся, мучеников собори,/ веру исповедавших даже до смерти,/ мук томления претерпе́вшии,/ и в годину лютую соверше́нне страдания венец прие́мшии./ Радуйтеся, преподобному́ченицы, отцев наслаждение,/ своя телеса́ поще́нием иста́явше,/ и умертви́вше страсти плотски́я,/ ум божественным раче́нием впери́сте,/ испове́дничеством и му́ками Богу угоди́вшии,/ на Небеса возлете́сте и, со ангелы водворя́ющеся,/ восприя́сте ве́чная благая./ Но, о святители, мученицы с по́стницы и пра́ведницы,/ вас Венча́вшаго прилежно моли́те,/ изба́витися от враг видимых и невидимых,// в вере и любви совершающим присно честну́ю память вашу.

И ныне, Богородичен, глас тойже:

О, пресла́внаго чудесе́!/ Небесе́ и земли́ Царица,/ от святых сродников наших умоляемая,/ до ныне землю Русскую покрывает/ и лика Своего изображе́нии ми́лостивно обогаща́ет./ О, Владычице Державная!/ Не преста́ни и на будущее время/ во утверждение на Руси Православия/ милости и чудеса изливати до века, аминь.

Славословие великое. Ектении и отпуст.

На Литургии

Прокимен, глас 7: Восхва́лятся преподобнии во славе,// и возрадуются на ло́жах своих.

Стих: Воспойте Го́сподеви песнь нову, хваление Его в церкви преподобных.

Апостол ко Евреем, зачало 334.

Аллилуиа, глас 2: Свяще́нницы Твои облекутся в правду, и преподобнии Твои возрадуются.

Стих: Бог прославляемь в совете святых.

Евангелие от Иоанна, зачало 51.

Причастен: Ра́дуйтеся, пра́веднии, о Господе,/ правым подобает похвала.

Запев перед молитвой: Вси святи́и земли́ Каза́нския,// моли́те Бога о нас.


 

Молитва

К вам, святии сродницы и заступницы наши, святии вси, в земли Казанстей просиявшии, усердно ныне прибегаем и припа́дающе молимся: предстательством вашим теплым и милостивым не оставите нас, чад ваших, во гресе́х и искуше́ниих дни своя на земли иждива́ющих. О, Небеснаго отечества граждане! Не забу́дите нас, граждан земнаго отечества вашего, и яко приснии наши хода́таицы и молитвенницы, испроси́те нам от Великодарови́таго Бога грехов прощения, в житии христиа́нстем наставления и укрепления, в проповеди Евангелия Христова помощи и поспеше́ния, да и мы трудо́м и подвиго́м вашим подражаем, о святителие наши равноапостольнии, отцы наши преподобнии и богоноснии, мученицы наши крепцыи и непобедимии. Испросите граду нашему Казани, отечеству нашему и всей вселенней мир и благословение, нам же, память вашу с любовию почитающим, благочестие в житии и в вере укрепление, в де́лех же благих преуспеяние, да и мы вкупе с вами и со всеми святыми, изрядно же со Усердною Заступницею рода христианскаго Пречистою Девою Богородицею, непрестанно славим и величаем пречестное и великолепое имя Живоначальныя и Божественныя Троицы, Отца и Сына и Святаго Духа, ныне и присно и во веки веков. Аминь.

Текст службы всем святым, в земле Российской просиявшим

На Велицей вечерни

Блажен муж: кафизма вся. На Господи, воззвах: стихиры на 10, воскресны 3, глас 1: Вечерния наша: Обыдите, людие: Приидите, людие: и Анатолиева едина, глас тойже: Веселитеся, Небеса: и стихиры святых 6, последнюю: Святых память: оставляем, Слава, святых, глас 1: Веселися о Господе: И ныне, догматик рядового 1-го гласа: Всемирную славу:

Стихиры святых, глас 3. Самогласны:

Приидите, собори Российстии, сущия в стране нашей святыя восхвалим: преподобныя, и иерархи, и князи благоверныя, мученики и священномученики, и Христа ради юродивыя, и жен святых сословие, вкупе именуемыя и неименуемыя, сии бо воистинну делы и словесы, и многовидным житием, и от Бога даровании соделашася святии и Руси тезоимение святости подаша, ихже и гробы Бог чудесы прослави, и ныне несредственне прославльшему их Христу предстояще, молятся прилежно о нас, любовию совершающих светлое их торжество.

Приидите, православия любителие, песненными добротами похвалим богомудрыя святители Российския, Христовы Церкве светлое украшение, священства венцы, благочестия правило, источники Божественных исцелений неисчерпаемыя, пролитие дарований духовных, реки многих чудес, землю Русскую веселящия течением, благоверным людем теплыя пособники, ихже ради Христос врагов возношения низложи, имеяй велию милость.

Земля веселится и Небо радуется, отцы преподобнии, восхваляюще подвиги и труды ваша, душевное благомощие и ума чистоту, законом бо естества не победистеся. О соборе святый и полче Божественный, земли нашея утверждение вы есте воистинну.

Ины стихиры, глас 8. Самогласны:

Блаженнии богомудрии князие Российстии, православною мудростию сияющии, добродетелей же светлостию блистающии, озаряете верных исполнения, бесов тьму отгоняюще; темже, яко причастники невечерния благодати и наследия вашего хранители непостыдныя, вас почитаем, досточуднии.

Мученицы Христовы преблаженнии, на вольное заколение сами себе предасте, и землю Русскую кровьми вашими освятисте, и воздух просветисте преставлением; ныне же живете на Небесех, во свете невечернем, о нас всегда молящеся, боговидцы.

Блаженнии Христа ради юродивии и праведнии, в России просиявшии, вы, отвержением себе Христу последовавше, мудрейшим юродством прехитрили есте диавола, сего связавше подвиги вашими, и, богатство носяще в души некрадомо, вся Христова учения делом исполнисте, и, ныне на Небесех ликующе, не престайте молитися о Русстей земли и о всех почитающих вас.

Святых память велие торжество явися земли нашей, и, о том хвалящеся, возглаголем: не забудите отечествия вашего, Русския земли, но всех нас поминайте, совершающих память вашу, вси святии, молящеся о нас ко Господу.

Слава, глас 1:

Веселися о Господе, Русь Православная, радуйся и ликуй, верою светло одеявшися, телеса подвижников веры и свидетелей истины в недрех своих имущи, яко сокровище, насладися чудес, от них истекающих, и, видящи полк сей святый, от видимых и невидимых врагов тя ограждающий, благодарно Спасу возопий: Господи, слава Тебе.

И ныне, Богородичен. Глас тойже: Всемирную славу:

Вход. Прокимен дне и чтения три.

Пророчества Исаиина чтение (глава 49, 8–15):

Тако глаголет Господь: во время приятное послушах тя и в день спасения помогох тебе. И создах тя и дах тя в завет языков, еже устроити землю и наследити наследие пустыни. Глаголюща сущим во узах: изыдите! И сущим во тьме: открыйтеся! На всех путех пастися будут, и на всех стезях пажить их. Не взалчут, ниже вжаждут, ниже поразит их зной, ниже солнце, но Милуяй их утешит я и сквозе источники вод проведет я. И положу всякую гору в путь и всякую стезю в паству их. Се сии издалеча приидут, сии от севера и моря, инии же от земли Персския. Да веселятся Небеса, и радуется земля, да отрыгнут горы веселие и холми правду, яко помилова Бог люди Своя и смиренныя людей утеши. Рече же Сион: остави мя Господь, и Бог забы мя. Еда забудет жена отроча свое? или не помилует исчадия чрева своего? Аще ли же и сих забудет жена, но Аз не забуду тебе, — глаголет Господь.

Премудрости Иисуса, сына Сирахова, чтение (глава 44, 1–14):

Восхвалим убо мужи славны и отцы наша в бытии. Многу славу созда Господь в них величием Своим от века. Господствующе в царствиих своих и мужи, именити силою, советующе разумом своим, провещавшии во пророчествах; старейшины людий в советех и в разуме писания людий. Премудрая словеса в наказании их; ищуще гласа мусикийска и поведающе повести во писаниих, мужи богатии, обдаровани крепостию, мирно живуще в жилищих своих. Вси сии в родех прославлени быша, и во днех их похвала. Суть от них иже оставиша имя, еже поведати хвалы. И суть, ихже несть памяти, и погибоша, яко не сущии, и быша яко не бывше, и чада их по них. Но сии мужие милостивии, ихже правды не забвены быша, с семенем их пребудет доброе наследие, изчадия их в заветех. Остася семя их и чада их по них, до века пребудет семя их, и слава их не потребится. Телеса их в мире погребена быша, а имена их живут в роды. Премудрость их поведят людие, и похвалу их исповесть Церковь.

Премудрости Соломоновы чтение (глава 3, 1–9):

Праведных души в руце Божией, и не прикоснется их мука. Непщевани быша во очесех безумных умрети. И вменися озлобление исход их. И еже от нас шествие — сокрушение, они же суть в мире. Ибо пред лицем человеческим аще и муку приимут, упование их безсмертия исполнено. И вмале наказани бывше, великими благодетельствовани будут, яко Бог искуси я и обрете их достойны Себе. Яко злато в горниле, искуси их и, яко всеплодие жертвенное, прият я, и во время посещения их возсияют и, яко искры по стеблию, потекут. Судят языком и обладают людьми, и воцарится Господь в них во веки. Надеющиися Нань уразумеют истину, и вернии в любви пребудут Ему. Яко благодать и милость в преподобных Его и посещение во избранных Его.

На литии стихиры святых вси. Самогласен, глас 8:

Срадуйтеся с нами, вси лицы святых и вся ангельская чиноначалия, духовно совокупльшеся, приидем и воспоим благодарную песнь Христу Богу: се бо безчисленный сонм сродников наших предстоит Царю Славы и молебно ходатайствует о нас. Сии суть столпи и красота веры православныя; сии учении, и делы, и кровей излиянии Церковь Божию прославиша; сии от всех предел земли нашея возсияша, и веру православную в ней чудесы и знамении утвердиша, и во иныя страны пронесоша, апостольски ревнующе; инии же пустыни и грады обительми святыми украсиша, ангельское житие показующе; мнози ругании, и ранами, и лютою смертию от сынов века сего искусишася, мнози же и инеми виды, во всяцем чине подвизавшеся, нам терпения и злострадания образ подаша, и вси вкупе молят ныне Господа от бед избавитися отечеству нашему и всем нам спастися.

Ины стихиры, подобны на осмь гласов. Глас 1. Подобен: О, дивное чудо:

О, дивное чудо! Источницы благочестия в России являются, и путеводителие к Небеси святии сродницы нам бывают. Веселися, Русь Православная, сих отечество земное. Возопиим, вернии, таковыя имуще в бедах заступники: блаженнии и святии, Бога не престайте о нас молити, подающаго вами земли нашей велию милость.

Глас 2. Подобен: Егда от Древа:

Светите отечеству вашему всегда, славнии чудотворцы русстии, якоже звезды светлыя, покрываете бо присно сие от пагубы врагов и избавляете озлобления и бури всякия. Темже радостно празднует, летнюю память, блаженнии, совершающе, верою и любовию поюще Господа, вас прославльшаго.

Глас 3. Подобен: Велия мученик:

Велия святых Твоих, Христе, сила: во гробех бо лежаще, духи прогоняют и упраздниша вражию власть, верою Троическою подвигшеся во благочестии.

Глас 4. Подобен: Дал еси:

Дал еси знамение боящимся Тебе, Господи, Крест Твой честный, имже тии, посрамивше начала тьмы и власти, на Святей Руси православие утвердиша. Темже Твое человеколюбное смотрение славим, Иисусе всесильне, Спасе душ наших.

Глас 5. Подобен: Радуйся:

Приидите, Небеснии предстателие наши, к нам, вашего требующим милостивнаго посещения, и избавите озлобленныя мучительскими прещении и лютаго неистовства неверных, от нихже, яко пленницы и нази, гоними есмы, от места на место часто преходяще и заблуждающе в вертепех и горах. Ущедрите убо, прехвальнии, и даруйте нам ослабу, утолите бурю и угасите еже на ны негодование, Бога моляще, подающаго вами земли нашей велию милость.

Глас 6. Подобен: Все отложше:

Все отложивше житейское томление и сладость текущую презревше, крест взясте, яко иго Божественное, и Христу последовасте, и к Небесному покою чудно вселистеся. О друзи Христови, сосуди честнии, святии вси, в России просиявшии, приидите посреде нас невидимо, предначинающе торжество и пение и сподобляюще даров невещественных ваш праздник совершающих светолепно.

Глас 7. Подобен: Не ктому возбраняеми:

Не лишени есмы надежди спасения, святыя бо сродники наша имамы, о нас молящияся. Господи, слава Тебе.

Глас 8. Подобен: Господи, аще и судищу:

Господи, аще и нам по всему подобни быша святии, но, пристрастия земнаго отвергшеся, любовию к Тебе крепко привязашася, и, венчавшеся ныне рукою Твоею, предзащищают души наша.

Слава, и ныне, глас тойже, Богородичен. Самогласен:

Срадуйтеся с нами, умная чиноначалия, духовный совокупльше лик, видяще Царицу и Владычицу всех, многоименне верными славиму: радуются же и дуси праведных, сущии зрителие видения, на воздусе молебно простирающу всечестнеи Свои руце, просящу умирения миру, и стране Российстей утверждения, и спасения душ наших.

На литии в молитве Спаси, Боже: поминает диакон избранных русских святых, в молитве же Владыко, Многомилостивепоминает предстоятель всех святых, в земли Российстей просиявших.

И входим в храм, поюще стихиры стиховны воскресны 1-го гласа: Страстию Твоею: Да радуется: Царь сый: Жены мироносицы: со стихи их. Слава,святых, глас 2: Новый доме: И ныне, Богородичен, глас тойже: Вышнии лицы: Или ин Богородичен, глас 8: О, преславнаго чудесе! Небесе и земли Царица:

На стиховне стихиры святых, глас 2.
Подобен: Д
оме Евфрафов:

Земле Русская, граде святый, украшай твой дом, в немже Божественный велий сонм святых прослави.

Стих: Господи, Господь наш, яко чудно Имя Твое по всей земли.

Церковь Русская, красуйся и ликуй, се бо чада твоя Престолу Владычню во славе предстоят, радующеся.

Стих: Святым, иже суть на земли Его, удиви Господь вся хотения Своя в них.

Соборе святых русских, полче Божественный, молитеся ко Господу о земном отечестве вашем и о почитающих вас любовию.

Слава, глас и подобен тойже:

Новый доме Евфрафов, уделе избранный, Русь Святая, храни веру православную, в нейже тебе утверждение.

И ныне, глас и подобен тойже:

Вышнии лицы, Богородице Дево, поют с нижними, славяще непрестанно Рождество Твое Пречистое.

Ин Богородичен, глас 8.
Подобен: О
, преславнаго чудесе:

О, преславнаго чудесе! Небесе и земли Царица, от святых сродников наших умоляемая, до ныне землю Русскую покрывает и лика Своего изображении милостивно обогащает. О Владычице Державная! Не престани и на будущее время во утверждение на Руси православия милости и чудеса изливати до века. Аминь.

На благословении хлебов Богородице Дево: дважды, и тропарь святых, глас 8, единожды.

Тропарь святых, глас 8:

Якоже плод красный Твоего спасительнаго сеяния, земля Российская приносит Ти, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилостиве.

На Утрени

На Бог Господь: тропарь воскресен, глас 1:
К
амени запечатану: единожды, и святых тропарь, глас 8: Якоже плод: единожды.

Слава, ин тропарь, глас 4:

Иерусалима Вышняго гражданы, от земли нашея возсиявшия и Богу во всяцем чину и всяким подвигом угодившия, приидите, воспоим, вернии: о всеблаженнии земли Российския заступницы, молитеся ко Господу, да помилует сию от гнева Своего, исцеляя сокрушение ея, и верныя люди Своя утешит.

И ныне, Богородичен, глас тойже:

Днесь светло красуется Православная Русь, яко зарю солнечную, восприимши, Владычице, чудотворную Твою икону Владимирскую, к нейже ныне мы притекающе и молящеся Тебе, взываем сице: о пречудная Владычице Богородице, молися из Тебе воплощенному Христу Богу нашему, да избавит землю Русскую и вся страны христианскии невредимы от всех навет вражиих и спасет души наша, яко Милосерд.

По стихословиих седальны воскресны 1-го гласа со стихи их. По полиелеи ипакои воскресен, глас 1: Разбойничо покаяние: и ины седальны святых от 1-го стихословия, глас 3: Мужайся, Христова Церковь: и от 2-го стихословия, глас 1: Аще и глаголют: Таже седальны святых по полиелеи, глас 5: Красуйся, светися Русь: Слава, глас 3: Светло совершающе: И ныне, Богородичен, глас 4: Яко необоримую стену:

По 1-м стихословии седален святых, глас 2.
Подобен: А
постоле, Христу Богу:

Солнце правды, Христос, вас посла, якоже лучи, просвещающии землю Русскую, угодницы Божии, от рода нашего просиявшии. Темже молите Его, святии, облежащий нас ныне облак неверия разгнати и даровати нам мир и велию милость.

Слава, ин седален, глас 3.
Подобен: Д
ева днесь:

Мужайся, Христова Церковь, и державствуй над всуе борющими! Христови бо друзи о тебе пекутся, и предстояще, и обстояще, ихже общий праздник ныне совершаеши светло.

И ныне, Богородичен, глас 5:

Пред святою Твоею иконою, Владычице, молящиися исцелений сподобляются, веры истинныя познание приемлют и агарянская нашествия отражают. Темже и нам, к Тебе припадающим, грехов оставление испроси, помыслы благочестия сердца наша просвети и к Сыну Твоему молитву вознеси о спасении душ наших.

По 2-м стихословии седален, глас 1.
Подобен: Г
роб Твой:

Яко солнце светлое, яко блистающая денница, память честная в земли Русстей просиявших святых возсия, всех нас освещающи и согревающи сердца наша к подражанию житию их Божественному и к ревности о вере.

Слава, ин седален, глас тойже:
Подобен: К
амени запечатану:

Аще и глаголют сыново века сего: приидите, отставим вся праздники Божия от земли, но Царство Господне и еще державствовати имать, дерзость врагов отражающее. Темже настоящее торжество светло празднующе, Единому Царю и Богу нашему возопиим: слава Тебе, Русь Православием освятившему; слава Тебе, святыя многия в ней прославльшему; слава Тебе, и доныне верным крепость дарующему.

И ныне, Богородичен, глас тойже:

Боголюбивая Царице, Неискусомужная Дево, Богородице Марие, моли за ны Тебе возлюбившаго и рождшагося от Тебе Сына Твоего, Христа Бога нашего, подати нам оставление прегрешений, мирови мир, земли плодов изобилие, пастырем святыню и всему человечу роду спасение, грады и страны Российския от нахождения иноплеменных заступи и от междоусобныя брани сохрани. О Мати Боголюбивая Дево, о Царице Всепетая! Ризою Своею покрый нас от всякаго зла, от видимых и невидимых враг защити и спаси души наша.

Полиелей

Аще несть иконы Всех русских святых, поставляем икону Пресвятыя Троицы. По окончании псалмов полиелейных священнослужители поют величание Пресвятей Троице: Величаем Тя, Триипостасный Владыко: и абие священнослужители же поют величание Пресвятей Богородице: Достойно есть: Посем поем на оба лика псалом избранный: Благо есть: и припеваем величание святым: Ублажаем вас: к стихам сего псалма, ко всем или токмо к некоторым, якоже указася. Посем не певше: Слава, и ныне: 1 лик поет: Благословен есй, Господи, научи мя оправданием Твоим. Ангельский собор: и прочии тропари воскресныя по непорочных. Аще празднество совершаем во ин день, священнослужители поют величание Пресвятей Троице и посем поем псалом избранный иной: Воскликните Господеви, вся земля: К стихам сего псалма, ко всем или токмо к некоторым, якоже указася, припеваем величание святым. Слава, и ныне: Аллилуия, трижды. И конечное величание Пресвятой Богородице.

По полиелейных псалмех священницы поют величание Пресвятей Троице:

Величаем Тя, Триипостасный Владыко, верою православною землю Русскую озарившаго и святых сродников наших сонм велий в ней прославльшаго.

И абие священнослужители же поют величание Пресвятей Богородице:

Достойно есть величати Тя, Богородице, земли Русския Царицу Небесную и людей православных Владычицу Державную.

Посем стих 1-й псалма избраннаго Благо есть: и величание святым:

Ублажаем вас, чудотворцы наши славнии, землю Русскую добродетельми вашими озарившии и образ спасения нам светоявленно показавшии.

Псалом избранный, поемый в Неделю 2-ю по Пятидесятнице:

1 лик: Благо есть исповедатися Господеви и пети Имени Твоему, Вышний, возвещати заутра милость Твою и истину Твою на всяку нощь. Ублажаем вас: 2 лик: Велий Господь и хвален зело, во граде Бога нашего, в горе святей Его. 1. Род и род восхвалят дела Твоя и силу Твою возвестят. 2. Великолепие славы святыни Твоея возглаголют и чудеса Твоя поведят. 1. Память множества благости Твоея отрыгнут и правдою Твоею возрадуются. 2. Господь крепость людем Своим даст, Господь благословит люди Своя миром. 1. Яко благоволит Господь в людех Своих и вознесет кроткия во спасение. 2. Возвеселятся вси уповающии на Тя, во век возрадуются, и вселишися в них, и похвалятся о Тебе любящий Имя Твое. Ублажаем вас: 1. Сей род ищущих Господа, ищущих лице Бога Иаковля. 2. Мне же зело честни быша друзи Твои, Боже, зело утвердишася владычествия их. 1. Изочту их, и паче песка умножатся. 2. Уведите, яко Господь, Той есть Бог наш, Той сотвори нас, а не мы, мы же людие Его и овцы пажити Его. 1. Милости Твоя, Господи, во век воспою, в род и род возвещу истину Твою усты моими. 2. Милость же Господня от века и до века на боящихся Его. 1. Боящиися Господа уповаша на Господа, Помощник и Защититель им есть. 2. Радуйтеся Богу, Помощнику нашему, воскликните Богу Иаковлю. 1. Возрадуемся о спасении Твоем и во Имя Господа Бога нашего возвеличимся. Ублажаем вас: 2. Господь утверждение людей Своих и Защититель спасений Христа Своего есть. 1. О Бозе сотворим силу, и Той уничижит стужающия нам. 2. Господи, силою Твоею возвеселится царь, и о спасении Твоем возрадуется зело. 1. О Бозе похвалимся весь день, и о Имени Твоем исповемыся во век. 2. Земля даде плод свой, благослови ны, Боже, Боже наш, благослови ны, Боже, и да убоятся Его вси концы земли. 1. Спаси ны, Господи Боже наш, и собери ны от язык исповедатися Имени Твоему святому и хвалитися во хвале Твоей. 2. Благословен Господь, Бог Израилев, от века и до века, и рекут вси людие: буди, буди. Ублажаем вас:

Посем тропари воскресныя по непорочнах. Ектения малая. Ипакои воскресен, глас 1: Разбойничо покаяние: и ины седальны святых от 1-го стихословия, глас 3: Мужайся, Христова Церковь: и от 2-го стихословия, глас 1: Аще и глаголют:

Таже седальны святых по полиелеи, глас 5:

Красуйся, светися, Русь Православная, лучами Креста, егоже имаши всем верным хранителя, ты же множество все демонское, тьмы исполньшееся, отвергни.

Слава, глас 3.
Подобен: Д
а веселятся:

Светло совершающе настоящее торжество, восхвалим и Андрея Первозваннаго, яко Русския земли апостола, перваго евангельским благовестием сию огласившаго, той бо, якоже древле праотцем нашим, тако и нам ныне взывает: приидите, обретохом Желаемаго.

И ныне, Богородичен, глас 4:

Яко необоримую стену и источник чудес стяжавше Тя, раби Твои, Богородице Пречистая, сопротивных ополчения низлагаем. Темже молим Тя: мир земли Русстей даруй и душам нашим велию милость.

Аще 2-я неделя по Пятидесятнице, степенна воскресна, 1-го гласа. Прокимен воскресный, глас 1: Ныне воскресну, глаголет Господь, положуся во спасение, не обинюся о нем. Стих: Словеса Господня, словеса чиста. Всякое дыхание: Евангелие воскресное 2-е, от Марка, зачало 70. Воскресение Христово: Псалом 50. Слава: Молитвами апостолов: И ныне: Молитвами Богородицы: Стихира: Воскрес Иисус от гроба:

Аще храм Всех русских святых, степенна воскресна 1-го гласа. Прокимен святых, глас 4: Радуйтеся, праведнии, о Господе, правым подобает похвала. Стих: Буди, Господи, милость Твоя на нас, якоже уповахом на Тя. Всякое дыхание: Евангелие храма Всех святых русских, от Матфея, зачало 10. Воскресение Христово: Псалом 50. Слава: Молитвами всех святых русских, Милостиве, очисти множество согрешений наших. И ныне: Молитвами Богородицы, Милостиве, очисти множество согрешений наших. Помилуй мя, Боже, по велицей милости Твоей и по множеству щедрот Твоих очисти беззаконие мое. Стихира, глас 6: Ежелетнюю память:

Стихира святых по 50-м псалме, глас 6:

Ежелетнюю память днесь святых сродников наших совершающе, достойно сия да ублажим. Тии воистинну чрез вся блаженства Господня проидоша: обнищавше бо духом — обогатишася и кротцы бывше — землю кротких наследоваша, плакавше — утешишася, алкавше правды — насытишася, миловавше — помиловани быша, чисти бывше сердцем — Бога якоже мощно узреша, миротворивше — Божественнаго сподобишася сыноположения, гоними же и мучими правды ради и благочестия бывше — на Небесех ныне веселятся и радуются и прилежно молятся Господеви помиловатися отечеству нашему.

Аще поем службу Всех святых русских во ин день, степенна, 1-й антифон 4-го гласа. Прокимен, Евангелие и стихира по 50-м псалме святых.

И глаголет диакон: Спаси, Боже, люди Твоя:

Аще 2-я Неделя по Пятидесятнице, поем каноны сице: Октоиха — воскресный 1-го гласа со ирмосом на 4 и Богородицы 1-го гласа на 2; канон Всех русских святых, глас 8, на 8. Аще во ин день, поем каноны сице: Богородицы, глас 2: Яже всем удобь послушная: (зри Октоих, повечерие субботы или службу “Утоли моя печали”, 25 января) со ирмосом на 6, ирмосы по дважды. И канон Всех русских святых, глас 8, на 8.

Канон Всем святым, в земли Российстей просиявшим, глас 8.
Песнь 1

Ирмос: В Чермнем фараона с колесницами погрузил еси и люди Моисеом спасл еси, поющия Тебе, Господи, песнь победную, яко Избавителю нашему Богу.

Вси в песнех духовных воспоим согласно во благочестии просиявшия Божественныя отцы наша, яже изнесе Русския земли всяко место и страна и яже Церковь Русская воспита.

Радуйтеся, святителие седмочисленнии: Василие, Ефреме, Евгение, Елпидие, Агафодоре, Еферие и Капитоне, в Херсоне епископствовавшии и землю нашу кровьми своими освятившии.

Приидите, мучениколюбцы вернии, песньми почтим первомученики русския, Феодора и юнаго Иоанна, идолом не послужившия и крови своя за Христа давшия.

Величие наше и похвала ты еси, Ольго Богомудрая, тобою бо свободихомся от бесовскаго прельщения, не престай и ныне молити за люди, яже Богу привела еси.

Радуйся и веселися, рабе Христов, княже великий и мудрый Владимире, просветителю наш, тобою бо избавихомся от душепагубнаго идолослужения, темже, радуйся, вопием тебе.

Сияет, яко звезда на небеси, Божий иерарх Михаил, землю Русскую просветивый светом познания Божественныя веры и Владыце приведый люди новы, банею крещения обновленны.

О блаженнии страстотерпцы Христовы, князие Борисе, Глебе, и Игоре, и Михаиле с болярином Феодором! Не забудите отечества вашего, глад и озлобление отгоните, от грехопадений междоусобий избавите ны.

Богородичен: С чинми ангел, Владычице, со пророки, и апостолы, и со всеми святыми за ны, грешныя, Богу помолися, Твоего Покрова праздник в Российстей земли прославльшия.

Катавасия: Отверзу уста моя:

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Проповедует преславно и паче трубы вопиет великая Лавра Печерская, тобою начало приимшая, отче преподобие, Антоние славне, всех российских монахов первоначальниче.

Воспоим светло монашескаго общаго жития в Русстей земли устроителя, блаженнаго Феодосия, с ним и Нестора, достопамятных деянии списателя, и Алипия, живописания в России начальника.

Рай мысленный еси, Печерская святая горо, умножившая духовная древеса, блаженныя отцы, ихже исчести по единому не могуще, о всех вкупе хвалу принесем Единому Владыце.

Антоние, Иоанне и Евстафие, твердии исповедницы православныя веры, издревле в земли Российско-Литовстей насажденнии, молитвами вашими от зловредных иноверных мудровании соотчичей ваших и всех нас ограждайте.

Ходатаи будите за отечество ваше земное, Афанасие преподобномучениче, и ты, отроче Гаврииле, научите убо и нас Православие дерзновенно исповедати и страха вражия не боятися.

Да почтится Иов преподобный, Лавры Почаевския украшение, вкупе со всеми угодники и чудотворцы Волынскими, делы своими и чудесы облиставшии преславно земли нашея концы.

Песньми священными восхвалим Афанасия, Цареградскаго святителя, свое благословение земли Российстей принесшаго и честныя своя мощи, яко залог единения со Вселенскою Церковию, нам оставльшаго.

Богородичен: Се время заступления Пресвятыя Богородицы прииде, умножившимся соблазном, се время наших к Ней воздыханий, о братие, рцем убо от всего сердца нашего: Владычице, Владычице, помози людем Твоим.

Аще 2-я Неделя по Пятидесятнице, по ектении кондак и икос святых. Таже седальны святых.

Седален святых, глас 7:

Нощней тьме огустевающей, умножается звездный блеск, и к тому очи заблуждших радостно возводятся. Тако и умножившейся на земли греховней тьме, возведем горе очи наши, братие, и, сияние духовных звезд, землю нашу озаряющих, узревше, к Небесному отечеству потщимся, егоже да не лишит Господь нас, грешных, молитвами святых Своих.

Слава, и ныне, глас 4:

Притецем, вернии, к Божественней и цельбоносней ризе Спасителя нашего Бога, благоизволившаго сию плотию носити и на Кресте Святую Свою Кровь излияти, еюже искупи нас от работы вражия. Темже благодарственно вопием Ему: спаси Первосвятителя нашего и архиереи, Отечество наше и вся люди честною Твоею ризою защити и спаси души наша, яко Человеколюбец.

Песнь 4

Ирмос: Ты моя крепость. Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Первоначальника и устроителя града Москвы, блаженне княже Данииле, показа тя Господь, к Нему же непрестанно моляся, град твой охраняй, землю нашу от бед спасай, православныя же русския люди посещати милостивно не престай.

Молим вас, святителие Христовы Петре, Алексие, Ионо, Филиппе и Иннокентие, Фотие, Киприане и Феогносте и вси прочии Московстии чудотворцы: душевное смущение и печали нашея бурю разорите и тишину нам подайте вашими к Богу молитвами.

И первопрестольник Российския Церкве, и исповедник Православныя веры, и обличитель грехолюбивых и мятежных, и строитель Русския земли был еси, святителю Ермогене, и за сие темницею и гладом мучимь был еси и приемь от Бога неувядаемый венец, со святители и мученики веселишися.

Радуется славный град Москва, и веселия исполняется вся Россия, на твоя молитвы надеющеся, Сергие Богоблаженне, обитель же твоя красуется, хранящи честныя твоя мощи, яко сокровище священное.

Песньми священными восхвалим преподобнаго Никона, послушания рачителя, с нимже воспоим Михея, Савву и Дионисия, Стефана, Андроника и Савву и вся преподобныя ученики и собеседники великаго Сергия, ихже молитвами сынове российстии спасаются.

О премудрии и блаженнии Василие, Максиме и Иоанне Московстии и вси Христа ради юродивии Российстии, чуднии житием и разумом, молим вас прилежно: молите Христа Бога нашего за земное отечество ваше и всем верным спасение испросите.

Новый столпник в дебри Калужстей явился еси, преподобне Тихоне, и купно с преподобным Пафнутием, иночества строгим ревнителем, и блаженным Лаврентием ко граду Горнему в стране твоей путь верный проложил еси, на немже упаси и нас молитвами твоими.

Богродичен: Подобием иконы Иверския не точию Афон просвещается, но и град Москва украшается и инии гради и веси освящаются, от тоя чудесную помощь приемлюще и источник утешения в ней обретающе, и нам, Благая Вратарнице, двери райския отверзи.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго, но обрати мя и к свету заповедей Твоих пути моя направи, молюся.

Великаго Новаграда первопастырие, Никите, Нифонте, Иоанне, Феоктисте, Моисее, Евфимие, Ионо и Серапионе, и прочии чуднии святителие, в дому Премудрости Божия, яко финиксы, процвели есте, словесы благоплодными и непорочным житием.

Светло да похвалятся князие Новгородстии, Владимир, Святыя Софии пречудныя устроитель, с материю своею Анною, и Мстислав, и Феодор, с ними же и вси от рода князей Российских житием богоугодным просиявшии, Божественными да воспоются песньми.

Дивнаго Варлаама, велика Новаграда славу и украшение, всероссийскаго молитвенника, и Антония славнаго, от ветхаго Рима на камени по волнам морским преплывшаго, Савву же, и Ефрема, и Михаила кто достойно прославит от земных?

Едемскаго рая, приидите, видим цветы присножизненныя и богопрозябенныя, подвиги отец, в пределех Новгородских просиявших, ихже есть един Делатель Господь.

Всеволод кроткий и Довмонт, Пскову стена необоримая, и Никола блаженный и Корнилий преподобный, святым крещением чудь Ливонскую просветивый, песньми да воспоются.

Веру православную пред латины проповедавший, к вечным востекоша обителем Исидор пресвитер и с ним собор мученический во Юрьеве, граде Ливонстем, Царю царей ныне предстояще, молятся о нас, почитающих память их.

Авраамия Богоноснаго, Смоленска украшение, и Евфросинию, радование Полотское и девам сияние, Христе мой, Тебе приводим молитвенники, ихже ради спаси нас.

Богородичен: Заступница теплая иногда великому Новутраду была еси и ненадеющихся надежда и людей бедствующих Помощница, и ныне оком милосердным призри на нас и, скорби наша видевши и воздыхание услышавши, знамение милости яви нам, Пречистая.

Песнь 6

Ирмос: Воднаго зверя во утробе длани Иона крестовидно распростер, спасительную страсть проображаше яве; тем, тридневен изшед, премирное Воскресение прописаше плотию пригвожденнаго Христа Бога и тридневным Воскресением мир просвещшаго.

Евангельски Христа возлюбивше, преподобнии Зосимо, Савватие, Германе, Иринарше, Елеазаре и прочии Соловецтии чудотворцы, мира отвратистеся, в непроходимыя и пустыя островы Соловецкия зашедше, всякия добродетели образу навыкосте, мудрей пчеле подобящеся, и селение, достойное прияти Духа Святаго, бысте, премудрии.

Великаго в чудесех преподобнаго Трифона воспоим, Лопарскаго просветителя, в последних концех северныя страны от горькаго рабства бесовскаго люди избавльшаго и святым крещением возродившаго.

Радуйся, пустыне, прежде безплодная и необитаемая, послежде же, яко крин, процветшая и инок множество возрастившая! Взыграйте, горы Валаама и вся древа дубравная, хваляще с нами Сергия и Германа, вкупе же и Арсения со Александром Свирским, отцы всехвальныя.

Жития сего непостоянную пучину немятежно прешел еси, преподобне Кирилле, кормчую Матерь Божию имея, и ты, Иосифе, Волоцкая похвало, и Ниле нестяжателю, на воде покойне и на злаце воздержания ученик ваших стада мудре упасли есте, и ныне с ними молитеся о чтущих память вашу.

Яко звезды великия, просияша в монашеских соборех Антоний Сийский и Трифон Вятский, Димитрий на Прилуце и Амфилохий и Дионисий, похвала Глушицкая, Григорий Пельшемский, Павел, и Сергий, и Корнилий Вологодстии, яко лучами, сияюще добродетельми жития своего, преподобнии.

Боговидно поживше, пустыни, яко грады, сотворили есте, Макарие, Варнаво и Тихоне, Авраамие и Геннадие. Темже вкупе с прочими отцы, в пределех Костромских и Ярославских просиявшими, ублажаем вас и молим: молите Господа, да не лишит и нас егоже ныне наслаждаетеся боговидения в вечнем граде Небеснаго Царя.

Ликуй, Фиваидо Русская, красуйтеся, пустыни и дебри Олонецкия, Белоезерския и Вологодския, возрастившия святое и славное отец множество, чудным житием всех наставляющее миру не прилеплятися, крест свой на рамена взяти и во след Христу шествовати.

Богородичен: Твоею всечестною иконою Тихвинскою, юже великая Россия яко некий дар Божественный свыше благоговейно прият, присно страну нашу, о Госпоже Царице Богородице, покрывай и заступай, спасающи сию от всех навет вражиих.

Аще 2-я Неделя по Пятидесятнице, по ектении кондак воскресен, глас 1: Воскресл еси: и икос воскресен: Воскресшаго тридневно: Аще во ин день, кондак и икос Всех русских святых.

Кондак святых, глас 3.
Подобен: Д
ева днесь:

Днесь лик святых, в земли нашей Богу угодивших, предстоит в Церкви и невидимо за ны молится Богу. Ангели с ним славословят, и вси святии Церкве Христовы ему спразднуют, о нас бо молят вси купно Превечнаго Бога.

Икос:

Едемскаго рая древеса доброплодная и красная явишася святии, цветы благовонныя учений и плоды дел творящии, от нихже души наша питаются и глад наш духовный утоляется, приидите убо, притецем под сень их и ублажим их, яко страны нашея отраду и украшение и яко жития образ нам и начертание, тии бо венцы прияша нетленныя от Превечнаго Бога.

Песнь 7

Ирмос: Божия снизхождения огнь устыдеся в Вавилоне иногда. Сего ради отроцы в пещи, радованною ногою, яко во цветнице, ликующе, пояху: благословен еси, Боже отец наших.

Леонтий, Исаия и Игнатий, Иаков и Феодор, честнии Духа сосуди и Ростову украшение, Авраамий, идолом покланявшияся ко Христу при-ведый, и Петр царевич, и Иринарх, самопроизвольный страдалец, Кассиан и Паисий, князь Роман и царевич Димитрий, и вси Ростовстии и Угличстии чудотворцы Божественными да воспоются песньми.

Да величается Невский победитель, благоверный князь Александр, да поется Георгий, воин храбрый и страдалец, да похвалится Андрей, первый Русския земли собиратель, вкупе со Глебом, юным сыном своим, да воспоется же и Авраамий мученик, града Владимира слава, Святыя Руси заступницы и Церкве Православныя украшение.

Феодору и Иоанну слава, Суждальским светильником, Симону и Дионисию! С ними да поются и Евфимий, в подвизех превысокий, и Евфросиния преподобная, пресветлая Суждальская звезда, вкупе же и Косма, на Яхроме реце подвизавыйся.

Песнь столпнику Никите, покаяния образ явившему, хвала и Даниилу, нищих и безродных согревателю, слава и Андрею, княжение оставившему и в нищетнем образе житие скончавшему, Переяславским чудотворцем.

Константине княже, апостоле и просветителю Муромския земли, с Михаилом и Феодором, чады твоими, и Петре и Февроние, и праведная Иулиание милостивая, Мурома заступницы, вкупе же и Василие святителю и княже Романе, Рязани славо, о нас Христа молите.

Тверская похвало, Арсение святителю, Михаиле, княже и мучениче, и Анно, града Кашина сокровище, Ниле и Макарие преподобнии, Ефреме, града Торжка просветителю, со Аркадием и Иулианиею, цветом целомудрия, о нас Христа молите.

Оружием ваших молитв, благовернии князие Феодоре и Давиде с Константином и Василие и Константине, Ярославля славо, охраняйте и ныне отечество ваше и людей православных от всяких бед и напастей.

Богородичен: Яко благодатное сокровище даровала еси Святей Руси икону Твою Владимирскую, еюже отцем нашим многочастне и многообразне благодеяла еси. Не оскудей и ныне, о Мати Божия, утоляющи лютое на нас востание, и землю Русскую спаси.

Песнь 8

Ирмос: Победители мучителя и пламене благодатию Твоею бывше, заповедей Твоим зело прилежаще, отроцы вопияху: благословите, вся дела Господня, Господа.

Красуйся, граде Казань, имея молитвенники своя, преподобных святителей Гурия, Варсонофия и Германа, отгнавших от тебе тьму неверия, и Иоанна мученика, и Стефана, и Петра, отеческое нечестие оставивших и мученически в Небесное отечество прешедших.

Священнаго Писания от юности научився, богоносе Стефане, ралом словес твоих оляденевшая зырянских людей сердца возделал еси и Божественное семя в них всеял еси. Ныне же вкупе со святыми продолжатели дела твоего Герасимом, Питиримом и Ионою паству вашу и всю Русскую землю молитвами вашими ограждайте.

Веселися, Сибирская страно, в тебе бо Господь яви угодники Своя: праведнаго Симеона Верхотурскаго, и Иркутския святители Иннокентия и Софрония, и Иоанна Тобольскаго, новыя дивныя светильники и чудотворцы.

Радуйся, Иверие и вся земле Грузинская, торжествуй, Армение, воспевающи равноапостольную Нину и Тамару, Григория Просветителя и иных многих, в странах Кавказских веру православную исповедавших и ныне о земнем отечестве Христу молящихся.

Иерарше Богомудре Димитрие, житий святых списателю и подражателю оным ревностный, славы оных молитвами твоими соделай нас общники.

Святителю отче Митрофане, первый Воронежу пастырю, мужество велие явивый, прещения царева и смерти не убоявыйся и в простоте душу свою спасый, моли Бога о нас.

Яко пчела, мед сладкий от цветов скороувядающих собрал еси, отче Тихоне, от тленнаго мира духовное сокровище, имже всех нас услаждаеши.

Богородичен: Заступницу усердную восхвалим и честному Ея поклонимся образу, имже в новопросвещенней стране правоверие утверди и в годину лютую матерь русских градов спасе. Сей и града святаго Петра великое сокровище, и всея земли нашея преславное богатство.

Песнь 9

Ирмос: О, девства край, Богородице! песньми же славными праздники возвышающая благодатей Твоих и ныне девственною Слова Твоего памятию наитием тайным украшающая в ней Тя величающия.

О благий просветителю и тихий ангеле Церкве Тамбовския, святителю Питириме, веселися о пастве твоей и всея Руси, в ней бо новая и вечная радость процвете, преподобный Серафим, дивный трудник спасения нашего.

О святителие Богомудрии Феодосие и Иоасафе, дивным нетлением от Господа прославленнии! Вами возвеличени есмы и мы, чада суще Церкве Православныя, в нейже и доныне Господь чудная являет и рабов Своих прославляет.

О новый чудотворче, Иосифе, святителю и мучениче! Град Астрахань и вся Поволжская страна тобою хвалится и почитает тя, за правду от неверных мятежников люте пострадавша.

О, паче слова и превыше похвал святых страстотерпцев подвига! Злобу убо лютых отступников и наглое иудейское неистовство претерпеша, веру Христову противу учений мира сего, яко щит, держаще и нам образ терпения и злостраданий достойно являюще.

О, твердости и мужества полка мученик Христовых, от хинов лютых за Христа убиенных! Тии бо Церковь Православную украсиша и в стране своей крови своя, яко семя веры, даша, и купно со всеми святыми достойно да почтутся.

О велицыи сродницы наши, именованнии и безыменнии, явленнии и неявленнии, Небеснаго Сиона достигшии и славу многу от Бога приимшии, утешение нам, в скорби сущим, испросите, веру нашу падшую возставите и люди расточенныя соберите, от нас, яко дар, песнь благодарения приемлюще.

Троичен: О Троице Честная, приими, яже Россия приносит Ти, яко начатки и яко фимиам избранный, вся угодившия и прежде, и послежде в ней, знаемыя и незнаемыя, и молитвами их от всякаго вреда сию сохраняй.

Богородичен: О Дево Благодатная, грады и веси наша честнаго лика Твоего изображении, яко благоволения знамении, обогатившая, благодарение наше приими и от бед лютых отечество наше избави, вси бо Тя, яко Покров всемощный страны нашея, величаем.

Аще 2-я Неделя по Пятидесятнице, по 9-й песни ектения и Свят Господь Бог наш: Светилен воскресный 2-й: Камень узревше: Слава, светилен святых. И ныне, Богородичен его.

Светилен святых.
Подобен: Н
ебо звездами:

В песнех восхвалим светила незаходимая Российския земли, таинники Божественнаго Слова, Христа славяще, сих просветившаго и возлюбившаго и помощники нам давшаго в скорби.

Слава, и ныне, Богородичен:

Светом лица Твоего огнезрачную страну Русскую озарив, Господи, и ныне во святых Твоих, яко в лучах неизчетных, не престай озаряти нас премудростию Твоею, яже есть София Преименитая.

На хвалитех стихиры на 8, воскресны 4, глас 1: Поем Твою, Христе: Крест претерпевый: Ада пленивый: Боголепное Твое: И хвалитныя стихиры святых со славником на 4; две последния стихиры поем со стихи от стиховны малыя вечерни: Стих: Бог нам прибежище и сила, Помощник в скорбех, обретших ны зело. Стих: Господь сил с нами, Заступник наш Бог Иаковль. Слава, стихира евангельская вторая, глас 2: С миры пришедшим: И ныне, глас тойже: Преблагословенна еси:

На хвалитех стихиры святых, глас 5.
Подобен: Р
адуйся:

Радуйся, Церковь Российская верная, радуйся, княже благоверный Владимире преславный, радуйся, Ольго избранная! Вы бо есте ко Владыце всех первейшии наши ходатаи, и начальницы православия, и наставницы ко истинней вере. Радуйся, всяко место, и страна, и град, гражданы воспитавшии Небеснаго Царствия, сии святая светила душам нашим явишася, сии чудес зарею, и делы, и знамении просияша мысленно во вся концы и ныне Христу молятся подати душам нашим велию милость.

Радуйтеся, земли Русския украшение, Церкве нашея непоколебимое утверждение, славо православных, чудес источницы, любве струи неистощимыя, светильницы многосветлии, Духа Святаго органи, кротцыи и незлобивии, добродетельми украшеннии, человецы небеснии, земнии ангели, Христа друзи искреннии! Того прилежно молите подати вас чтущим велию милость.

Приидите, Небеснии предстателие наши к нам, вашего требующим милостивнаго посещения, и избавите озлобленныя мучительскими прещении лютаго неистовства неверных, от нихже, яко пленницы и нази, гонимы есмы, от места на место часто преходяще и заблуждающе в вертепех и горах. Ущедрите убо, прехвальнии, и даруйте нам ослабу, утолите бурю и угасите еже на ны негодование, Бога моляще, подающего вами земли нашей велию милость.

Слава, глас 4:

Глас евангельский услышавше и апостольскою ревностию распалившеся, в научение неверных языков устремистеся, богоблаженнии равноапостольнии Кукше, Леонтие, Стефане и Гурие, Германе Аляскинский, и святителю отче Николае Японский, и досточудный Иннокентие, великия Сибирския страны апостоле и просвещения за морем сущих новых стран во Америце первоначальниче. Темже со всеми прочими, во благовестии Христове потрудившимися, достойно ублажаетеся.

И ныне, Богородичен, глас тойже:

Присно страна Российская о Тебе хвалится и веселится, имущи Тя заступницу непостыдную и стену нерушимую, не оскудей и ныне, Владычице, избавляти Твоя люди от всех бед.

Источник: http://pravoslavnyi.narod.ru

АКАФИСТ БОЖЕСТВЕННЫМ СТРАСТЯМ ХРИСТОВЫМ

 

АКАФИСТ БОЖЕСТВЕННЫМ СТРАСТЯМ ХРИСТОВЫМ

 

Скачать акафист 

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 2

Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.

Икос 2

Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.

Кондак 3

Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».

Икос 3

Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.

Кондак 4

Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.

Икос 4

Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.

Кондак 5

Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.

Икос 5

Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.

Кондак 6

Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.

Икос 6

Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.

Кондак 7

Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.

Икос 7

Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.

Кондак 8

Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.

Икос 8

Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.

Кондак 9

Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.

Икос 9

Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.

Кондак 10

Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.

Икос 10

Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.

Кондак 11

Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».

Икос 11

Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.

Кондак 12

Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.

Икос 12

Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.

Кондак 13

О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.

Этот кондак читается трижды, затем 1-й икос «Ангелов ликостояние...» и 1-й кондак «Взбранный Воеводо...»:

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

МОЛИТВА КО ГОСПОДУ ИИСУСУ РАСПЯТОМУ

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

МОЛИТВА ИНАЯ КО ГОСПОДУ ИИСУСУ РАСПЯТОМУ

Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.

 

Чинопоследование Пассии (службы страстям Христовым)

По воскресениям вечером православные спешат на особые Великопостные Богослужения – Пассии, что в переводе означает «Страдания», службы, которые являются одними из самых любимых Великопостных богослужений.

На середине храма устанавливается Распятие в траурном уборе, перед Ним возжигают свечи. Сосредоточенные богомольцы слушают душеспасительное пение хора, составленное из богослужений Великой Пятницы, священник совершает каждение. Затем начинается чтение Евангелия, повествующего о страданиях Господа нашего Иисуса Христа.

Последование пассии бывает 4 раза в год (по числу евангелистов): в первое, второе, третье и четвертое воскресенья Великого Поста, по вечерам. Как ясно из названия, на этих службах воспоминаются спасительные страдания Господа нашего Иисуса Христа. За каждой пассией прочитываются по одному из всех евангельских повествований об этом: на первой Пассии- 26 и 27 главы от Матфея, на второй - 14 и 15 от Марка, на третьей - 22 и 23 от Луки, на четвертой - 18 и 19 от Иоанна.

На Великой вечерни:

Начало обычное: Благословен Бог…

Священник в фелони читает светильничные молитвы,

Священник (диакон): Мирная ектения

Хор: Господи воззвах… (текущего гласа)

Священник (диакон): Каждение Храма (Слава и ныне).

Вход с Евангелием

Хор: Свете тихий…

Прокимен Великий, глас 8-й (на неделях попеременно)

«Не отврати лица Твоего от отрока Твоего, яко скорблю, скоро услыши мя: вонми души моей и избави ю»

или «Дал еси достояние боящимся Тебе, Господи».

Чтец: Сподоби Господи…

Диакон: Исполним вечернюю молитву (служебник…)

Хор: Стихира на стиховне: Слава и ныне: Тебе одеющагося …

Открываются Царские врата

Два священника вземши святое Евангелие износят на середину Храма

Чтение акафиста Божественным Страстям Христовым

Предстоятель совершает каждение акафистное.

Священник (читает прокимен): Вонмем. Мир всем (благословляет народ).

Премудрость, вонмем. Прокимен глас 4-й

Стих: Разделиша ризы Моя себе/ и о одежди Моей меташа жребий.

— Боже, Боже, Мой, вонми Ми,/ вскую оставил Мя еси;

— Разделиша ризы Моя себе/

Экклисиарх раздает братии свещи, яже вжигают ко всякому Евангелию

Священник: И о сподобитися нам слышанию Святаго Евангелия Господа Бога молим.

Хор: Господи помилуй (12 раз).

Священник: Премудрость, прости, услышим Святаго Евангелия.

Священник: Мир всем (благословляет народ).

Хор: И духови Твоему

Священник: От ....  Святаго Евангелия чтение.

Хор: Слава Страстем Твоим Господи.

Священник: Вонмем.

По окончании Евангелия хор поет стихиру (Приидите ублажим …)

Проповедь

Сугубая ектения с прошениями:

Священник: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй (трижды).

Священник: Еще молимся о Великом Господине и Отце нашем Святейшем Патриарсе Кирилле, и о Господине нашем Высокопреосвященнейшем митрополите Казанском и Татарстанском Феофане, и о всей во Христе братии нашей.

Хор: Господи, помилуй (трижды).

Священник: Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй (трижды).

Священник: Еще молимся о зде начальствующих, учащих и учащихся.

Хор: Господи, помилуй (трижды).

Священник: Еще молимся о милости, жизни, мире, здравии, спасении, посещении и оставлении грехов раба (ов) Божия (их) (имярек) (и поминает их же аще хощет), братии святаго храма сего.

Хор: Господи, помилуй (трижды).

Священник: Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Хор: Господи, помилуй (трижды).

Священник: Услыши ны, Боже Спасителю Наш, упование всех концев земли, и сущих в море далече: и милостив, милостив буди, Владыко, о гресех наших, и помилуй ны. Милостив бо и челоколюбец Бог еси, и Тебе Славу возсыылаем Отцу, и Сыну, и Святому Духу, ныне и присно и во веке веков.

Молитва Ко Господу Иисусу Распятому

По окончании лик поет стихиру

Поклоняемся Кресту Христову

Окончание обычное

Чтец: Ныне отпущаеши. Трисвятое.

Хор: Тропари постовые

Чтец: Г.п. (12 раз). Честнейшую. И прочее последование вечерни.

На молитве Всесвятая Троице исходим на середину Храма

Хор: Взбранной Воеводе

Диакон: Премудрость

Отпуст

Поклонение Кресту, можно помазывать народ освященым маслом.

Во время поклонения Хор поет: «Приидите, ублажим Иосифа приснопамятного…».

Предстоящие события

Слово настоятеля

«Само Его Воскресение, которое мы светло празднуем в эти дни, — не подведение итогов жизни, но её начало — со Христом и в Нём, Который и есть воскресение и жизнь (Ин. 11:25). Ощутить это и поделиться этим — наша глубокая радость, наш долг по отношению к Спасителю и наш дар миру».

Пасхальное поздравление протоиерея Алексея

Задать вопрос священнику

Православный календарь

Храм Сошествия Святого Духа г. Казани 

Россия, г. Казань, ул. Туфана Миннуллина, 21

Контактный телефон: +7 (843) 236-08-14

Email: duhovhram@gmail.com

Православная гимназия имени святителя Гурия Казанского

Россия, г. Казань, ул. Туфана Миннуллина, 19а

Контактный телефон: +7 (842) 236-70-84 

Email: pgkzn@yandex.ru

Навигация...